Plattdeutsche Nachrichten Plattdüütsche Narichten vun'n 22. Mai 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 22. Mai 2023

  • Selenskyj is tofeden mit G7-Top-Drepen
  • Vele Grundversörger sett Preisen för Energie daal
  • SPD will Gesetz för Heizung flink op´n Weg bringen
  • SPD in Bremen snackt wieter mit de annern Parteien
  • Ministerpräsident Weil reist na Norwegen
  • Dat Weer
Bild: Radio Bremen

Informationen zum Audio

Selenskyj is tofeden mit G7-Top-Drepen

Hiroshima: Na dat G7-Top-Drepen in Japan is de ukrain`sche Präsident Selenskyj tofreden mit dat wat dorbi rutkamen is. Dat hett sik in de Hauptsaak um dat Thema Ukraine dreiht un de Respekt för all Ukrainer is ganz besünners wesen, so seggt dat Selenskyj in siene Videoanspraak an´t Avend. De USA hett de Ukraine wietere Militärhölp vun 375 Millionen Dollar toseggt. Ok will Washington dat Levern vun westliche Kampfjets free geven. Russland hett dat, wat bi dat Top-Drepen ruutsuert is, bekrittelt. Dat russ´sche Butenministerium seggt, dat dat Positschoons-Papeer eene Ansammlung vun Utsagen mit anti-russ`schem un anti-chinesischem Charakter is.

Vele Grundversörger sett Preisen för Energie daal

Berlin: Bunnswiet sett de Grundversörger hier un dor in de kamen Maanden de Preisen vun Strom un Gas rünner. Dat seggt de “Süddüütsche Zeitung” un will dat höört hebben vun de Verglieks-Plattform Verivox. Dorna schall de Strom in´t Snitt rund 14 Perzent un Gas 23 Perzent günstiger kamen. Luut Verivox liggt jümmers noch knapp 80 Perzent vun all Strompreisen un knapp 90 Perzent vun all Gas-Tarife, in dat Grundversörgen, över de Preisbrems.

SPD will Gesetz för Heizung flink op´n Weg bringen

Berlin: De SPD will an den Tietplaan för dat plaante Gesetz för Heizung fast hollen. Partei-Boss Klingbeil seggt in de ARD, dat dat Gesetz noch för de Pause in´t Sommer op den Weg kamen schall, dormit dat af 2024 gellen kann un för de Börger klar is. Klingbeil seggt ok, dat he bi Punkte, wo se sik noch nich enig sünd, noch wat ännern kann. Verkehrsminister Wissing verlangt dorgegen, dat man noch mal akraat an dat Gesetz rangeiht.

SPD in Bremen snackt wieter mit de annern Parteien

Bremen: Eene Week na de Wahl to de Brem`sche Börgerschaft geiht dat hütt Nomdag för de SPD mit dat ankloppen, woans man sik enig warrn kunn, wieter. An´t Freedag un Sünnavend hett de SPD all enkelt mit CDU, Gröne un Linken snackt. Hütt willt se mit Gröne un Linken tosamen vörföhlen. Ok in Bremerhaben besnackt se sik vunwegen de Wahl. De SPD will eerst mit de CDU un FDP snacken. Dorna geiht dat besnacken mit CDU un ok mit de Grönen wieter.

Ministerpräsident Weil reist na Norwegen

Hannover: De Ministerpräsident vun Neddersassen Weil is för een paar Daag na Norwegen reist. Mit vun de Partie sünd de Minister för Wirtschaft Lies, un ok Vertreder ut de Wirtschaft un Politiker ut den Landdag. Weil will in Oslo besnacken wo Norwegen un Neddersassen, bi dat Levern vun Waterstoff, tosamen arbeiden könnt.

Dat Weer

Un nu een Blick op dat Weer: in Defhold 16 un in Bremerhaven 18, in Bremen 20 un Achim sünd dat opstünns 23 Graad. Hütt wesselt sik de Sünn un de Wulken af. Hütt Vomdag kann dat in`t Norden vun Bremen un in´t Weser-Ems-Rebeet ok Schuers mit Blitz un Dunnerslag beven. Hütt Nomdag warrd dat swööl-warm un denn kann dat hier un dor mal düchtig gallern. Unweer mit veel Regen un hier un dor ok mit Hagelschuers sind mööglich, bi 22 bit 27 Graad. Tokamen Nacht kummt meist twischen Weser un Elb Schuers mit Gewidder rünner. Ok in de Nacht kann de Regen ok mal duller sien, bi 14 bit 11 Graad. Morrn is dat jüst so wesselhaft as hütt. Vele Wulken an´t Heven un dor kummt jümmers wedder wat vun Baven rünner. Ok mit Gewidder mööt wi hier un dor reken. An´t Nomdag kummt denn aver ok mal de Sünn dör.De Temperaturen liggt bi 13 bit 17 Graad.Middeweeken gifft dat wedder enen Mix ut Sünn un Wulken, hier un dor mit Regen, bi 12 bit 16 Graad. Dat weren de Narichten op Platt. Tohoopstellt hett se Katrin Martens. Trechtmaakt un vörleest hett se Antje Kruppa.

Bremen Eins Livestream & aktuelle Sendung.

Der Nachmittag mit Janine Horsch

Der Nachmittag

Jetzt läuft:

Tears For Fears Sowing The Seeds Of Love
  • Jetzt läuft:

    Tears For Fears Sowing The Seeds Of Love