Plattdeutsche Nachrichten Plattdüütsche Narichten vun'n 29. November 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 29. November 2023

  • Senaat will nee´en Nadrags-Huushoolt fastleggen
  • Koalitschoonsutschuss befaat sik dormit, wat bi dat Urdeel vun dat Verfaatensgericht rusuert is
  • Telefoonsch Krankschrieven vun tokamen Week af an wedder mööglich
  •  Bremerhobener Kunsthall warrt saneert
  • Een Reeg Glatties-Unfäll achterna de Winter kamen is
  • Dat Weer
Bild: Radio Bremen

Informationen zum Audio

Senaat will nee´en Nadrags-Huushoolt fastleggen

Bremen: De Senaat hett Kunsequenzen ut dat Grundsatzurdeel vun dat Bunnsverfaatensgericht för den Huushoolt trocken. De Lannsregeerung hett fastleggt, de groten Bremer Fonds för de Krisenöverwinnen nee optostellen. Mit den 3-Millarden-Euro-Fonds schall de Kamp gegen den Klimawannel un wat achterna de Ukraine-Kries kummt, betahlt warrn. De Middel weren över en Nadrags-Huushoolt verleden März praatstellt un twaars bet to dat Johr 2027. Dat gellt achterna dat Urdeel vun dat Bunnsverfatensgericht nich mehr. Dorüm will de Senaat nu en nee´en Nadrags-Huusholt besluten. Dor binnen schüllt blots noch Middel stahn, de düt Johr ok utgeven warrt. Wo hooch de Bedrag is, un wat mit de restlichen Schulden passeert, is noch nich bekannt. De Nadrags-Huusholt mutt noch düt Johr besluten warrn.

Koalitschoonsutschuss befaat sik dormit, wat bi dat Urdeel vun dat Verfaatensgericht rusuert is

Berlin: De Baversten vun de Bunnsregeerung un de Ampel-Parteien setten sik hüüt woll för en wiederen Koalitschoonsutschuss tohoop. En Reeg Medienberichte sünd sik eenig: Dat Draapen schall woll hüüt Avend in dat Kanzleramt stattfinnen. Bavenan staht woll de Maleschen mit den Huushoolt achterna dat Urdeel vun dat Bunnsverfatensgericht. De Koalitschoonspartner mööt opkloren, wo de Staatsetat
2024 utsehen schall un wo dat Millardenlock dichtmaakt warrt, wat sik achterna dat Urdeel opdoen hett. Veel Politiker vun SPD un Gröönen wüllt de Schullenbrems noch eenmal utsetten – de FDP is mehrstendeels dorgegen.

Telefoonsch Krankschrieven vun tokamen Week af an wedder mööglich

Berlin: Vun tokamen Week af an schall dat wedder mööglich ween sik telefoonsch krank schrieven to laaten. Wer keen verdoktern bruukt, kann sik denn wedder eenfach to Huus utkureern, statts in de Praxis to gahn. So en Regelung hett dat wieldess de Corona-Pandemie geven, se is aver in April utloopen. Dat Thema warrt de gemeensame Bunnsutschuss vun Dokters, Krankenhüüs un Krankenkassen tokamen Week op´n Disch kriegen, wenn se sik eenig warrt, gellt de nee Regelung vun Dunnersdag af an.

 Bremerhobener Kunsthall warrt saneert

Bremerhoben: De Kunsthall mutt hoochnödig saneert warrn. Na en Gootachten is de Bedrief in Gefohr, vunwegen böös boliche Mangeln. Dorum hett de Utschuss för Bildung un Kultur vun de Stadtverordnetenversammeln tostimmt, dat de Kunstvereen Geld för dat saneern bruuken draff, dat eegens för en anner Projekt dacht weer.

Een Reeg Glatties-Unfäll achterna de Winter kamen is

Bassum: Snee un Ies hebbt in en Reeg Gegenden in Neddersassen för Unfäll soorgt. In Bassum in den Kreis Deepholt keem een Autofohrersche  bi Snee vun de Bunnsstraat af un is gegen en Boom fohrt. Ehr Bifohrer keem böös versehrt in en Krankenhuus. Sülvst is ehr nich so veel passeert. Wiedere Unfäll mellt de Polizei ut Schortens in Freesland, Butja´land in de Wersermarsch, Neekarken-Vörden in den Kreis Vechte un von de B72 bi Emsteck in den Kreis Cloppenborg.

Dat Weer

Un nu kiekt wi op dat Weer: In Bremen, Bremerhoben, Emm un Möppen hebbt wi överall een Graad. Hüüt Vörmiddag sneet dat meist överall. De Sneewulken trecken langsaam över den Bremer Ruum na süüdoosten af, dorbi mutt man mit winterlichen Stratentostänn reken. In Ostfreesland lacht bides ok mal de Sünn. An Namiddag wesseln sik Sünn un dicke Wulken af, man dat blifft dröög. An Avend trecken wedder Sneeregen- un Sneeschuer op, un dat bi minus een bet plus twee Graad in´t Binnenland un plus twee bet plus dree Graad op de Eilannen. In de Nacht seht wi jümmer wedder ok mal de Steerns blinkern. An de Noordsee sneet dat, de Snee sliekert sik jümmer wieder in´t Binnenland rin. Över Nacht kann dat een poor Zentimeters Snee geven. Dat Thermometer wiest us null Graad op de Eilannen un minus twee bet minus acht Graad in´t Binnenland. Morgen sünd wedder dicke Wulken an Heven de ok Snee bringen, an de Küst kann dat Sneeregen geven. Eerst kann dat ok daakig ween, övern Dag wesseln sik Sünn un Wulken af un dat is dröög. Dat warrt den ganzen Dag meist frostig bi minus twee bet Null Grad in´t Binnenland un plus twee Graad op de Eilannen.

Dat weren de Plattdüütschen Narichten. Tohoopstellt vun Gabriele Intemann. Op Platt trechtmaakt un vörleest vun Martina Brünjes.

Bremen Eins Livestream & aktuelle Sendung.

Der Sonntagabend

Jetzt läuft:

Bachman-Turner Overdrive You Ain't Seen Nothin' Yet
  • Als nächstes läuft:

  • Um 20:36 Uhr läuft: China Crisis Wishful Thinking
  • Jetzt läuft:

    Bachman-Turner Overdrive You Ain't Seen Nothin' Yet
  • Davor lief:

  • Um 20:29 Uhr lief: Stephan Massimo & The Deli Cats Anytime And Anywhere
  • Um 20:26 Uhr lief: Eric Burdon & The Animals Good Times
  • Um 20:21 Uhr lief: Jon Secada Just Another Day
  • Um 20:18 Uhr lief: Aloe Blacc Loving You Is Killing Me
  • Um 20:13 Uhr lief: Abba Ring Ring
  • Um 20:10 Uhr lief: Lloyd Cole & The Commotions Rattlesnakes
  • Um 20:06 Uhr lief: Mike & The Mechanics Another Cup Of Coffee
  • Um 19:58 Uhr lief: Johnny & The Hurricanes Sand Storm
  • Um 19:55 Uhr lief: The Yardbirds Little Games

Der Sonntagabend mit Britta Uphoff