Jetzt läuft:

Emma Bunton What Took You So Long?
  • Jetzt läuft:

    Emma Bunton What Took You So Long?
  • Davor lief:

  • Um> 09:21 Uhr lief: Rick Springfield Jessie's Girl
  • Um> 09:17 Uhr lief: Slade My Oh My
  • Um> 09:09 Uhr lief: Owl City Fireflies
  • Um> 09:05 Uhr lief: Desireless Voyage, Voyage
  • Um> 08:56 Uhr lief: Kylie Minogue Can't Get You Out Of My Head
  • Um> 08:51 Uhr lief: Nik Kershaw I Won't Let The Sun Go Down On Me
  • Um> 08:45 Uhr lief: Rag'n'bone Man Skin
  • Um> 08:42 Uhr lief: Hall & Oates Private Eyes
  • Um> 08:37 Uhr lief: Queen You'Re My Best Friend

Auf ein Wort Spazeergänger

Autor/Autorin

  • Hans-Gerd Martens

Se loopt geern mondags dör de Stroten un nennt sick Spazeergänger. Se heft wat gägen Corona-Veordnungen, gägen dat Impfen, gägen den Stoot, gägen dat Fernsehen, gägen de Zeitungen. Un rägt sick döröver op, at eer nümbs so richtig tohört.

De meisten Minschen hevt dor doch tohört – kunns jo Oogen un Ohren gör nich fix genoch dichmoken biet Fernsehkieken – un nu hett die meis so schwiechsome Mehrheit doch so langsom de Nääs von full, von de Dwasch- und Näx-in-Kopp-Denker. Nu givt dat överall Gägendemonstrationen. Ton Bespill in Roos bi Ollnborch. Dor hevt sick ungefähr 500 Lüüe mit Maske un Schols opn Turnierplatz dropen. Dat Motto: Roos steiht tosamen un de 500 wiest, at se de demokratische Mehrheit sünd. Vesammlungen geev dat ok in Uelzen, in Gifhorn, in Hannover und in Celle.

Un foken weern dor ok evangelische Christen bi. Sogor Stephanie Springer, de Karkenamtspräsidentin vonne hannoversche Landeskark, hett in Celle mitdemonstreert. Midde Fohn inne Hand: Us Krüüz hätt keine Hoken, Initiative för Demokratie, gägen Rechtsextremismus. Denn Fro Springer is dorvon övertüücht. Bi denn ganzen Dwaschdenker-Unfuch, dor mokt ok Nozis un Rechte mit un vesöökt, de Corona-demos un Spazeergänge für eere Zwecke uttonutzen. Wat eer besunners oprägt, dat is, at de Dwaschdenker vääl Begriffe eenfach kopert hevt: Querdenken, Mondogsdemos und Spazeergänge. Dor mott unbedingt wat gägen mokt weern, meent se.

In Hannover hett de Regionolbischöfin Petra Bahr säch, wie hevt lang genoch de Dwaschdenker de Plätze överloten, nu holt wie us de Plätze trürch. Mol sehen, wer dor nächste Tied länger döörholt, de Dwasch- oder de Liekutdenker. Veloten kanns di bi Corona jo op gor näx.

Dieses Thema im Programm: 23. Januar 2022, 7:40 Uhr