Jetzt läuft:

Man No Solution
  • Als nächstes läuft:

  • Um 19:18 Uhr läuft: CPR Morrison
  • Jetzt läuft:

    Man No Solution
  • Davor lief:

  • Um> 19:08 Uhr lief: Man Don't Just Stand There
  • Um> 19:05 Uhr lief: The Easybeats Good Times
  • Um> 18:58 Uhr lief: The Butlers Butlers Boogie
  • Um> 18:54 Uhr lief: The Remo Four Brother Where Are You
  • Um> 18:51 Uhr lief: Elvis Costello This Year's Girl
  • Um> 18:46 Uhr lief: Elvis Costello & The Imposters Farewell, Ok
  • Um> 18:40 Uhr lief: Buffalo Springfield Broken Arrow
  • Um> 18:35 Uhr lief: Buffalo Springfield Hung Upside Down
  • Um> 18:31 Uhr lief: Richie Havens Here Comes The Sun

Beat-Club mit Lutz Hanker

Auf ein Wort Beiern

Autor/Autorin

  • Hans-Gerd Martens

Wi hevt denn letzten Sünndach int Johr, jedenfalls opn normolen Kalender, de Karken, de räkt jo anners, vondagen is opn Karkenkalenner all de fiefte Sünndach, dat Karkenjohr fangt jo midden ersten Advent an. Vondagen is over ook de tweete Wiehnachtsdach, dat is meistens sone Ort Övergangsdach vonne festliche Herrlichkeit woller trürch innen Alldach. Over disse ganze Tied ton Ennen vont Johr is inne Kark besunners. De Döker anne Kanzel oder annen Altor, de sind witt, un dat steiht vört Licht, wat inne Welt kommen is, dör de Geburt vont Jesuskind.

Disse Tied so twischen de Johr, dat is ok ne Tied för de Spökenkiekeree. Ton Bespill givt dat de twölf Rauhnächte. De düürt bitten 6. Januar, denn Dach vonne Hieligen dree Könige. In manche Gägenden druff an disse twölf Doog kiene Wäsche ophungen weern, door kunnen sick jo de bösen Geister in verfangen, Röe druffen sick nich dreihen, un wat dat noch so all geev, äben all Spökenkiekeree. Dat allermeiste is verlorn un vegäten, ok man got so. Allerdings so manchen besunneren Bruuk hätt sick denn doch holen, wo sogor de Karken ne Rull späält. In Schortens, in Freesland, dor wat ton Johresende immer beiert, twemol, Hieligobend un Silvester. Beiern hett nex mit use süddüütschen Landslüe to don, beiern, dat isn olet Wuurt för bestimmtet Glockenlüen. Un dat geiht so: Dor stiegtn nu Silvester woller poor Mannslüe denn Turm vonne Schortenser Stephanuskark hoch, eenen gripp sich denn Klöppel vonne Glock, bind dorn Tau umto un haut denn Klöppel gegen de Glockenwand.

Fröher wulln de Minschen dormit woll tatsächlich de bösen Geister vedrieben, nu is dat eher’n groden Spoß, dorno givt denn Glockenschmeer to drinken, dat is ne hochprzentige Mischung ut Rosinen mit Rum. Un viellich hölpt de Glockenschmeer sogot bäter gägen de bösen Geister at dat Beiern. Kump immer opn nächsten Dach an, wat de Kopp denn so sech.

Dieses Thema im Programm: 26. Dezember 2021, 7:40 Uhr