Jetzt läuft:

Stevie Wonder You Are The Sunshine Of My Life
  • Als nächstes läuft:

  • Um 19:43 Uhr läuft: Gestört aber GeiL feat. Anna Grey Thank You
  • Jetzt läuft:

    Stevie Wonder You Are The Sunshine Of My Life
  • Davor lief:

  • Um> 19:36 Uhr lief: The Gun Race With The Devil
  • Um> 19:31 Uhr lief: Bee Gees Stayin' Alive
  • Um> 19:26 Uhr lief: Pur Ein Graues Haar
  • Um> 19:22 Uhr lief: The Temptations Treat Her Like A Lady
  • Um> 19:18 Uhr lief: Gloria Estefan & The Miami Sound Machine Cuts Both Ways
  • Um> 19:15 Uhr lief: Chuck Berry Johnny B. Goode
  • Um> 19:11 Uhr lief: Santana feat. Rob Thomas Smooth
  • Um> 19:05 Uhr lief: David Bowie Absolute Beginners
  • Um> 18:54 Uhr lief: Blodwyn Pig Dear Jill

Grüße und Musik mit Roland Kloos

Auf ein Wort Impfen inne Kark

Autor/Autorin

  • Hans-Gerd Martens

Und, sünd ji al op'n Wiehnachtsmarkt wään? Wenn nich, denn mal fix los. Bit Mittwoch is in Brämen noch Tied. Nreinen Spoß is dat allerdings jo nich för jeden. Schmoldkoken odern Glühwien, dat givt bloß, wenn du die mit de Maske opt Gesicht nowiesen kanns, at du Corona mol haat hess oder at du impft büss. Wer sick ohne Maske griepen lätt, de mott 50 Euro betolen. Kump over woll eher selten vör, de Brämer sünd meis all tämlich vernünftig.

Ok wat dat Impfen angeigt, dor is Brämen jo in ganz Düütschland vornewech. Un överall froocht se sick, wie hävt de Brämer dat bloß henkrägen? In'n Zeitungskommentar stunn disse Wääk, de Minschen in'n Nordwesten vonne Republik, de sünd mehr so liek ruut. För de is dat ganze Geschwurbel umt Impfen all bloß dumm Tüüch. De goot eenfach non Doktor oder sonswo henn un loot sick denn lüttjen Piks vepassen un fertich. Un ok in Brämen hölpt dor vääl Minschen mit. Noher, ton Bespiel af ölben, dor is bi de Karkengemeen St. Michael in Brämen-Grohn groode Impfaktion, inne Kark - tosomen mitn Verbund von Huutdoktorpraxen. Bit to dreehunnert Lüe kunnen sick dorfor int Internet anmällen. Allns is möglich, erste un tweete Impfung mit Biontech oder Moderna, ok boostern wat anboen, mit de beiden Stoffe. Impft watt tatsächlich int Karkenschipp, dor givt dat natürlich kiene Extro-Rüüme, sick groot umtoteen. Un deswägen schöllt de Impfwilligen sick socke Klamotten anteen, so at se eeren Oberarm eenfach freemoken köönt.

Bi de Impfaktion bliv ok woll Geld över. Dat wat komplett anne Diakonie späänt. Also, in Brämen hölpt vääl Minschen un Inrichtungen mit, at wie dor endlich mol ruutkoomt, ut dat verdammte Corona-Hamsterrad. Un mit'n bäten Glück brüükt wie denn nächstet Johr viellich kiene Maske mehr, wenn wie opn Wiehnachtsmaark mol äben fix 'n Glühwien drinken wöllt.

Dieses Thema im Programm: 19. Dezember 2021, 7:40 Uhr