Jetzt läuft:

10cc Dreadlock Holiday
  • Jetzt läuft:

    10cc Dreadlock Holiday
  • Davor lief:

  • Um> 23:51 Uhr lief: Billy Joel Uptown Girl
  • Um> 23:47 Uhr lief: Katie Melua Your Longing Is Gone
  • Um> 23:44 Uhr lief: Los Bravos Black Is Black
  • Um> 23:39 Uhr lief: Achim Reichel Der Spieler
  • Um> 23:34 Uhr lief: Whitney Houston I Will Always Love You
  • Um> 23:30 Uhr lief: Slade Far Far Away
  • Um> 23:26 Uhr lief: Michael Patrick Kelly Roundabouts
  • Um> 23:19 Uhr lief: José Feliciano Loving Her Was Easier
  • Um> 23:16 Uhr lief: Madonna Like A Virgin

Nachtprogramm

Auf ein Wort Fast Fashion

Autoren

  • Hans-Gerd Martens

Dat nee Kleed, 15 Euro, de Büx 12 Euro, Unnerhemd twe Euro, dat sind nich Priese von Flohmarkt, för dat Geld veköpt grode Modelodens eere Klamotten. Dat givt een Hersteller, de bringt jedet Johr 65.000 nee Modelle rut, jedet Johr. Un dat förn Appel undn Ei. Von disse Sorte Lodenketten givt dat mehrere. Junge Lüü mit wenig Geld köönt sick jede Wääk neet inkleen. Wat nich mehr passt oder nich mehr gefaalt, wandert eenfach innen Müll. Disse Ort von Geschäft hätt okn Nomen: Fast Fashion säch man dorto. Also so wie Fast Food, dat Ätn obbe Hand för twe, dre Euro, is Fast Fashion, de Klamotten eenmol anteen und furns woller wechschmieten. N'Kleed för 15 Euro, dat tuscht ok meis nümbs mehr um: Vääl to vääl Opwand. För de Umwelt is Fast Fashion ne reine Katastrophe, un de Minschen, de de Fast Fashion Klamotten tosomenschniedert, de weert ganz gewiss nich no Tarif betohlt.

Över disse Klamottenindustrie, dor räächt sick mehr un mehr Lüüe över op. Un köpt son billigen Krom nich mehr un ok överhaupt nee Soken - so wenig at möglich. Also worum nich mol no ne gebrukte Jack kieken? Oder sick wat utleenen? Bi Unnerbüxen funktioniert dat woll nich so good, over bi vääl annere Soken is dat doch gor kien Problem. Fündig wat man ton Bespiel in Faire Koophüüs oder ok in Lodens von Karkengemeenden. In Tenever givt dat son Loden, nennt sick Outfit un verkööf goode Soken ut tweete Hand. Outfit is ne Inrichtung vonne Trinitatisgemeen. Wägen Corona weer de Loden ne Tied lang dich, morgen geiht woller los mitn Vekoop, ersmol no Anmeldung un denn mit Maske un Avstand. Wat dor an Gewinn bi avfalt, dat watt denn spänd förn goden Zweck. Letztet Johr weeren dat 3.000 Euro. Wat afkrägen hevt dorvon ok de Bohnfoffsmision un de Kinnerbuurnhoff in Tenever. Also all tosamen dat direkte Gäägendeel von Fast Fashion.

Dieses Thema im Programm: 14. März 2021, 7:40 Uhr