Jetzt läuft:

Atomic Kitten Whole Again
  • Als nächstes läuft:

  • Um 13:25 Uhr läuft: Eric Carmen Hungry Eyes
  • Jetzt läuft:

    Atomic Kitten Whole Again
  • Davor lief:

  • Um> 13:19 Uhr lief: Al Stewart On The Border
  • Um> 13:15 Uhr lief: Robin Beck First Time
  • Um> 13:12 Uhr lief: Alvaro Soler Magia
  • Um> 13:08 Uhr lief: T. Rex Hot Love
  • Um> 13:05 Uhr lief: Soulsister The Way To Your Heart
  • Um> 12:52 Uhr lief: John Waite Missing You
  • Um> 12:49 Uhr lief: Amanda Lear Follow Me
  • Um> 12:45 Uhr lief: Bryan Adams Heaven
  • Um> 12:40 Uhr lief: Purple Disco Machine Feat. Sophie & The Giants Hypnotized

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 30. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 30. September 2022

Gas-Kommischoon will bald Vörslagen för Priesbrems maken +++ SPD un CDU binah bi de Wahl in Neddersassen tosamen vörn +++ Russland will veer ukrainisch Landstücken innehmen +++ Grode Scheepopmarsch fahrt de Weser rünner +++ Kramermarkt in Ollenborg geiht an´n Namiddag los +++ Dat Weer

Bild: Radio Bremen

Informationen zum Audio

Gas-Kommischoon will bald Vörslagen för Priesbrems maken

Berlin. Na dat Urdeel vun de Regerung för en Gaspriesbrems will de tostännige Kommischoon bald Vörslagen för handfaste Plans för dat Ümsetten maken. De Vörsittersch vun dat Gremium Grimm hett bi dat ZDF ankünnigt, dat de böverste Priesgrenz ahn groten Papeerkrieg un gau Würklichkeit weern mutt. De Verbruker weern dorvun goot wat afkriegen, see Grimm.

SPD un CDU binah bi de Wahl in Neddersassen tosamen vörn

Hannover. Goot en Week vör de Landdagswahl in Neddersassen liggen SPD un CDU bi en Wahlümfraag binah tosamen vörn. De SPD koomt na Vermellen vun infratest dimap wieder op 32 Perzent. De CDU leggde en beten to un liggt mit 30 Perzent blots knapp doorachter. De Grönen kriegen 16 Perzent Tostimmen, de AfD negen Perzent. De FDP mutt mit fief Perzent wieder bangen in´n Landdag rin to komen. De Linke liggen bi dree Perzent.

Russland will veer ukrainisch Landstücken innehmen

Moskau. De Präsident vun Russland Putin hett de ukrainisch Landstücken Cherson un Saporischschja as unafhängig anerkennden. He geev de Befehlen dorför rut. De Landstücken harrn na Schienafstimmen en Andrag stellt, bi de Russ´sch Föderatschoon mittomaken. An´n Namiddag schöölt de beiden Landstücken Deel vun Russland weern. Dat glieke gellt för Luhansk un Donezk. De beiden Landstücken vun de Ukraine hett Russland al vör en tietlang as unafhängig ankennden. De Westen un vele annere Länner kennen de Schien-Afstimmen nich an.

Groden Scheepopmarsch fahrt de Weser rünner

Bremen. Rund 100 Traditschoons- un Spezialscheep, Arbeitsbööd un Sportbööd fahren de Weser rünner na Bremerhaben. Losfohren is de Scheepopmarsch an´n Morgen in Bremen. Achtergrund is de Düütsche Schippereedag. Dor geiht dat vör allen üm de Themen Ümweltschutz un wat noch lange Tiet bi de Schiperee anhollen schall. Gegen Klock halv dree an´n Namiddag warrt mit de Scheep in Bremerhaben rekend. Dorna köönt twintig vun de Bööd ankiekt weern.

Kramermarkt in Ollenborg geiht an´n Namiddag los

Ollenborg. An´n Namiddag fangt de Kramermarkt an. Na en poor Johren Paus schall dat Volksfest wedder in ole Form utricht weern. Ok de grode Umtog geiht morn los. In de Tied vun Corona harr dat blots en lüttje Behelp geven. Högere Priesen un Energiekosten willt de Schausteller so wenig wo mööglich op de Priesen ümslaan, see de Spreker vun den Schaustellerverband, Michael Hempen.

Dat Weer

Un nu noch en Blick op dat Weer: in Demorst twölf, an’n Bremer Flegerhaben thein, in Bremerhaben ölben un in Emden sünd dat opstunns thein Graad. Hüüt schient den ganzen Dag de Sünn mit en poor opstiegen Wulken. De Wind weiht toeerst en beten, in´n Verloop in Maten un an´n Namiddag in Böen. Dat Thermometer wiest 15 bit 17 Graad. In de Nacht  toeerst blots en poor Wulken. In´n Verloop treckt de Heven to. An´n Morgen fangt dat denn an to regen bi negen bit  ölven Graad. Morn koomt dat in Maten natt vun baven. An´n Middag blifft dat en beten dröög, ehrdat an´n Namiddag wedder mal so mal so mit Regenschuern warrt. Hier un dor kann Blitz un Donnerslag dorbi ween. De Temperaturen liggen bi 15 bit 16 Graad. Sünndag: Mal so mal so. Schuerweer mit Wind un twüschendöör Sünnschien bi 15 or 16 Graad.

Dat weern de Narichten op platt. Tohoopstellt hett se Gabriele Intemann. Op Platt trechtmaakt un vörleest vun Markus Weise.