Jetzt läuft:

Herbert Grönemeyer Flugzeuge Im Bauch
  • Als nächstes läuft:

  • Um 12:11 Uhr läuft: The Beatles She Loves You
  • Jetzt läuft:

    Herbert Grönemeyer Flugzeuge Im Bauch
  • Davor lief:

  • Um> 12:04 Uhr lief: Gloria Gaynor Never Can Say Goodbye
  • Um> 11:56 Uhr lief: Europe The Final Countdown
  • Um> 11:53 Uhr lief: Van McCoy The Hustle
  • Um> 11:49 Uhr lief: Sarah Connor Skin On Skin
  • Um> 11:44 Uhr lief: Wham! Last Christmas
  • Um> 11:41 Uhr lief: Blondie One Way Or Another
  • Um> 11:35 Uhr lief: Milow How Love Works
  • Um> 11:31 Uhr lief: Mr. Mister Kyrie
  • Um> 11:26 Uhr lief: The Doobie Brothers Long Train Runnin'

Das Wochenende aus Bremerhaven mit Ansgar Langhorst

Plattdeutsche Nachrichten Plattdüütsche Narichten vun'n 27. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 27. September 2022

Habeck wahrschaut vör Schaden för de Wertschupp +++ Bremer Senat snackt mit Kanzler Scholz +++ Hannelsverband will wieter Wiehnachtslichter lüchten laten +++ Neddersassen will Drohnenafwehr för Straafanstalten +++ Archäologen finndt noch mehr Lieken op’n „Russengräverfeld“ +++ Dat Weer

Bild: Radio Bremen

Informationen zum Audio

Habeck wahrschaut vör Schaden för de Wertschupp

Berlin – Bunneswertschuppsminister Habeck wahrschaut wegen de Energiepriese vör swaren Schadens op Duer för de dütsche Wertschupp. Na sien Wöör sünd Hölpsprogramme in Arbeit, üm wichtig Flachs Stütt to geven. De Bunneslänner maakt Drock un foddert vun’n Bund gaue Hölp. Bremens Börgermeister Bovenschulte snackt sik för een gaue Grenz för de Priese för Energie ut. Neddersassens Ministerpräsident Weil verlangt Hölp för Krankenhüüs, Stadtwarke as ok för Bus un Bahn.

Bremer Senat snackt mit Kanzler Scholz

Berlin – An’n tweten Dag vun sien Reis in de Hauptstadt dreept de Bremer Senat hüüt Bunneskanzler Scholz. Wieldat de jüst nu Corona hett, man blots över Video. Se ward över dat Energie-Slamassel un de Priese, de dardör in de Höögde kladdert, snacken. Un woans de Börger weniger utgeven köönt. Buterdem ward dat woll üm dat Betahlen vun de Krankenhüüs gahn un de Verfahren för Wohngeld.

Hannelsverband will wieter Wiehnachtslichter lüchten laten

Hannober – De Hannelsverband Neddersassen-Bremen will in düssen Johr nich an de Wiehnachtslichter in de Städte sporen. De Verband bekrittelt dat, wat de Dütsche Ümwelthölp foddert hett. De sütt in den Vorslag, dat dat keen Wiehnachtslichter gifft, een wichtig Bidrag to’n Energiesporen. De Hannelsverband is aver bang, dat denn weniger Minschen in de Binnenstädte kamt.

Neddersassen will Drohnenafwehr för Straafanstalten

Hannober – Neddersassen will sien Straafanstalten in Tokunft mit een Drohnen-Alarmsystem schützen. Dat schall de lüttjen Flugobjekte erkennen un dardör Smuggeleen verhinnern. Erst schüllt woll dree Kaschotts dat Alarmsystem kregen. Erste Tests hebbt all goot klappt. In’t verleden Johr weet dat Justizministerium vun 18 Fällen, wo Drohnen in den Luftruum vun de Straafanstalten rinkamen sünd.

Archäologen finndt noch mehr Lieken op’n „Russengräverfeld“

Bremen – Op dat so nöömte „Russengräverfeld“ in’n Stadtdeel Gröpeln liggt mehr Lieken ut’n Tweeten Weltkrieg, as bitnu bekannt weer. Dat hett Lannes-Archäologin Halle to buten un binnen seggt. Darna hebbt se bit vundaag 30 vollstännige Knakengerüste funnen, bitnu weern dat blots goot de Hälft. Dat hannelt sik üm Kriegsgefangene ut de ehemalig Sowjetunion: ehr Lieken sünd in’n Tweeten Weltkrieg op dat Gräverfeld ünner de Eer bröcht worrn.

Dat Weer

Un nu een Blick op dat Weer: in Bremen 10, in Bremerhaben un Deefholt 11 un op Wangerooge sünd dat opstunns 13 Graad. Hüüt blifft dat meist gries, blots af un an kann dat mal lichter weern, besünners an’n Namiddag. Darto gifft dat den helen Dag över jümmer wedder Regenschuers, de ok mal duller weern köönt – bi 12 bit 13 Graad. Tokamen Nacht treckt sik de Schuers mehr an de See trüch un dat kann oprieten, man ok verenkelt Schuers geven. Dat Thermometer sackt op 8 bit 5 Graad. Morrn Vörmiddag is dat wieter wulkig mit Regenschuers, de an’n Namiddag afklingt. Bit to’n Avend kann ok de Sünn rutkieken, bi 11 bit 13 Graad blifft dat aver köhl. De Donnerdag ward gries mit Daak un dar kann Regen opkamen bi 12 bit 14 Graad. Dat weern de Narichten op Platt. Gabriele Intemann hett se tohoopstellt. Op platt trechtmaakt un vörleest hett se Heidi Jürgens.