Jetzt läuft:

Titiyo Come Along
  • Als nächstes läuft:

  • Um 14:24 Uhr läuft: The Cars Drive
  • Jetzt läuft:

    Titiyo Come Along
  • Davor lief:

  • Um> 14:17 Uhr lief: Johnny Nash Stir It Up
  • Um> 14:13 Uhr lief: Jennifer Rush Ring Of Ice
  • Um> 14:08 Uhr lief: Sunrise Avenue Heartbreak Century
  • Um> 14:05 Uhr lief: Stevie Wonder Part-Time Lover
  • Um> 13:57 Uhr lief: Air Supply All Out Of Love
  • Um> 13:53 Uhr lief: Mariah Carey All I Want For Christmas Is You
  • Um> 13:50 Uhr lief: Taco Puttin' On The Ritz
  • Um> 13:45 Uhr lief: Clout Substitute
  • Um> 13:42 Uhr lief: Shawn Mendes Stitches

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 26. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 26. September 2022

Melonis Rechtsmaatschaft winnt Parlamentswahlen in Italien +++ Gasümlaag woll vör’t Enn +++ Dree Minschen bi Füer in Olenhuus in Wardenborg doodbleven

Bild: Radio Bremen

Informationen zum Audio

Melonis Rechtsmaatschaft winnt Parlamentswahlen in Italien

Rom: In Italien hett de Rechtsmaatschaft ünner dat Leit vun Giorgia Meloni de Parlamentswahl wunnen. Na dat eerste Utreken kummt se op meist 44 Perzent. Wegen dat Wahlrecht is dat en klare Mehrheit in beide Parlamentskamern. Melonis Rechtsbuten-Partei Fratelli d’Italia is mit meist 26 Perzent de stärkste enkelte Partei. De demokraatsche Partei hett ehren Daalslag togeven. Se keem op knapp 20 Perzent.

Gasümlaag woll vör’t Enn

Berlin: De plaante Gasümlaag kummt woll doch nich. De SPD-Böversten Esken un Klingbeil hollt den Plaan för fehlslaan. Se glöövt, datt dütt Vörhebben noch düsse Week op sien Enn tostüert. Ok Finanzminister Lindner maakt middewiel en Frageteken achter de Gasümlaag. Wirtschaftsminister Habeck hett al in Fraag stellt, wat de Ümlaag noch rechtlich mööglich is, as de Gasimporteur Uniper in Staatshand kamen is. De Afgaav harr Gasversorger as Uniper, de in de Kniep weern, Stöhn geven schüllt. Wo dat nu ahn de Ümlaag slumpen schall, is noch nich klaar.    

Dree Minschen bi Füer in Olenhuus in Wardenborg doodbleven

Wardenborg: Dree Minschen sünd bi en Füer in en Olen- un Pleegheim doodbleven. Se sünd woll dör dat Rookgas to Dode kamen, säe en Spreker vun de Füerwehr. Teihn wietere Bewahners sünd versehrt worrn, en poor dorvun swor. All tohoop 250 Hölpslüüd vun Polizei, Füerwehr un Rettungsdeensten sünd dor ween. Wo dat to dat Füer keem, is opstünns noch nich klaar.       

Veer Hüüs in Bremerhaben na Füer nich mehr to bruken

Bremerhaben: In Lehe is bi en Füer in en Regenhuus een Minsch versehrt worrn. Anwahners hebbt den Brand an’n Avend mellt. Binah harr dat Füer op mehrere Naverhüüs övergrepen. Dree dorvun weern na Utkunft vun de Füerwehr al heel un deel verrökert. En Barg vun Hölpslüüd hett dat schafft, den Brand to löschen. In de veer Hüüs kann en nu aver nich mehr wahnen.

Deertenschützers maakt Fleeschfabrik in’t Artland dicht

Badbern: Meist 100 Deertenschützers maakt siet hüüt Morgen en Fabrik vun den Fleeschkonzern Tönnies bi Quakenbrück dicht. Se protesteert gegen de industrielle Veehhaltung un sett sik för mehr Eten un Drinken op vegane Oort in. En poor Demonstranten hebbt sik woll ok fastbackt un mit Keden fastbunnen. Güstern geev dat in’n Ollenborger Haben en Protestakschoon gegen den Veehfoderhannel. Siet verleden Week gifft dat in de Region mehrere Akschonen, de sik gegen de Veehindustrie richt.   

Dat Weer

Un nu en Blick op dat Weer: In Nordholt 10, in Bremerhaben un Cuxhaben 11, un in Bremen, Cloppenborg un Dörveern sünd dat opstünns 12 Graad. Hüüt hollt sik den heelen Dag dichte Wulken, sodatt de Sünn meist gor keen Schangs hett. Dorto gifft dat jümmer mehr Spütterregen, de an’n Vörmiddag in Regen in Maten un an’n Avend in Schuer övergeiht. De Temperaturen liggt hööchstens bi 11 bet 13 Graad. In de Nacht wiest sik de Heben wieterhen dicht wulkig, un wietere Schuers treckt dör. Dröge Afsnitte gifft dat meist gor nich. Dat Thermometer geiht trüüch op 11 bet 8 Graad. Ok morgen blifft dat dicht wulkig, blots af un an ward dat heller. Dorbi gifft dat jümmer wedder Regenschuers bi 11 bet 13 Graad.

Dat weern de Narichten op platt. Tohoopstellt hett se Gabriele Intemann. Op Platt trechtmaakt un vörleest vun Marc Gelhart.