Jetzt läuft:

Uriah Heep Lady In Black
  • Als nächstes läuft:

  • Um 15:43 Uhr läuft: Pink Who Knew
  • Jetzt läuft:

    Uriah Heep Lady In Black
  • Davor lief:

  • Um> 15:33 Uhr lief: Eurythmics There Must Be An Angel (Playing With My Heart)
  • Um> 15:26 Uhr lief: Pat Burgener Low
  • Um> 15:22 Uhr lief: Frankie Goes To Hollywood Relax
  • Um> 15:19 Uhr lief: Lesley Gore It's My Party
  • Um> 15:16 Uhr lief: Inxs Beautiful Girl
  • Um> 15:10 Uhr lief: Billy Joel She's Always A Woman
  • Um> 15:05 Uhr lief: Desireless Voyage, Voyage
  • Um> 14:57 Uhr lief: Simple Minds Alive And Kicking
  • Um> 14:52 Uhr lief: Andreas Bourani Auf Anderen Wegen

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 23. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 23. September 2022

Proteste in den Iran gahn wieder +++ Angreepkrieg vun de Russen gegen de Ukraine is Thema in den Weltsekerheitsrat +++ Proteste vun Ümweltaktivisten ok in´n Nordwesten +++ Nadrags-Huushoolt afnickt +++ Werder verleert Testspeel +++ Dat Weer

Bild: Radio Bremen

Informationen zum Audio

Proteste in den Iran gahn wieder

Teheran. De legen Proteste gegen de Regerung in den Iran slaan wieder in Krawalle üm. In de sössten Nacht na´nanner sünd Demonstranten un Sekerheitslüüd in velen Steden in Stratenslachten openanner los gahn. Dat vermellden Minschenrechts-Aktivisten. In Gang sett harr de Krawalle vör een Week de Dood vun en junge Fro in Polizeiarrest.

Angreepkrieg vun de Russen gegen de Ukraine is Thema in den Weltsekerheitsrat

New York. De UN-Sekerheitsrat hett över den russ´sch Krieg gegen de Ukraine snackt. Bunnsbutenministersch Baerbock reep Russland op, mit sien Angrepen stantepe optohören. De sien Butenmister Lawrow smiet de westlich Staaten vör, sick mit Waffenleverns in den Striet rintomengeleren. Middelwiel fangen vundag in veer Gegenden vun de Oost-Ukraine, de vun Russland besett sünd, Schienafstimmungen över den Bitritt to Russland an. Nich de Ukraine un ok nich de internatschoonal Gemenschop erkennen de Afstimmungen an.

Demonstartschon vun Ümweltaktivisten ok in´n Nordwesten

Bremen. De Akschoons-Koppel „Fridays For Future“ hett för vundag to en weltwieten Klimastreik opropen. Ok in dat Land Bremen lopen siet en gode halve Stünn Proteste. Düsse schallen bit to´n Namiddag gahn. In Düütschland sünd Demonstratschonen in rund tweehunnert Steden ankünnigt. Dorünner neven Bremen un Bremerhaben ok in Ollenborg un Wilhelmshaben.

Nadrags-Huushoolt afnickt

Bremerhaben. De Stadtverorntenversammlung in Bremerhaben hett an´n Avend den Nadrags-Huushoolt för düsset Johr afnickt. Al tohoop is de knapp 83 Millionen Euro groot. Dorbi hannelt sick dat üm Geld, dat egentlich eerst in dat tokamen Johr utgeven weern schull.

Werder verleert Testspeel

Hannover. Football-Bunnsligist Werder Bremen hett güstern Avend en Testspeel gegen de Tweetligamannschap Hannover 96 mit twee to null verloren. Werder-Trainer Ole Werner settde dorbi to allereerst Speler in, de in de Liga bet nu kuum speelt harrn.

Dat Weer

Un nu noch en Blick op dat Weer: in Nienborg twölf, an’n Bremer Flegerhaben ölven, in Bremerhaben thein un in Meppen sünd dat opstunns söven Graad. Hüüt fangt dat to´n Deel fründlich un to´n Deel mit en poor Wulken an. De Sünn schient man blots en beten dör de dünnen Wulken. An´n Namiddag treckt de Heven to. Hier un dor is denn ok Regen möglich. De Wind weiht en beten, op de Eilannen in Maten ut Süüd bit Süüdwest. Dat Thermometer wiest 17 bit 19 Graad. In de Nacht blieven de Wulken an´n Heven un dat koomt natt vun baven bi negen bit twölf Graad. Morn wedder vele Wulken un af un an en beten Regen bi 14 bit 16 Graad. Sünndag: Wiedgahns vele Wulken un en poor Schuer. An´n de Nordsee kann dat ok fründlich weern. Dat Thermometer wiest 15 bit 17 Graad.

Dat weern de Narichten op platt. Tohoopstellt hett se Ralph Stölting. Op Platt trechtmaakt un vörleest vun Markus Weise.