Jetzt läuft:

Billy Joel She's Always A Woman
  • Als nächstes läuft:

  • Um 15:13 Uhr läuft: Inxs Beautiful Girl
  • Jetzt läuft:

    Billy Joel She's Always A Woman
  • Davor lief:

  • Um> 15:05 Uhr lief: Desireless Voyage, Voyage
  • Um> 14:57 Uhr lief: Simple Minds Alive And Kicking
  • Um> 14:52 Uhr lief: Andreas Bourani Auf Anderen Wegen
  • Um> 14:47 Uhr lief: Toto Georgy Porgy
  • Um> 14:44 Uhr lief: Vaya Con Dios Nah Neh Nah
  • Um> 14:37 Uhr lief: Of Monsters And Men Little Talks
  • Um> 14:33 Uhr lief: Gerry Rafferty Baker Street
  • Um> 14:25 Uhr lief: Duran Duran The Wild Boys
  • Um> 14:22 Uhr lief: Dermot Kennedy Power Over Me

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 22. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 22. September 2022

Selenskyi verlangt Straafe för Russland +++ EU prüft wiedere Straafen gegen Russland +++ Bremen will Andrääg för Wohngeld eenfacher maaken +++ Bremen verlangt dat Opdeelen vun Flüchtlingen ünner 18 +++ Luxusyacht „Dilbar“ is in Bremen ankamen +++ Dat Weer

Bild: Radio Bremen

Informationen zum Audio

Selenskyi verlangt Straafe för Russland

Nee York: De ukrainsche Präsident Selenskyi hett vör de Vereenigten Staaten fordert, dat Russland för de Attack op de Ukraine bestraaft warrt. Dorto mööt en besünner Gremium inricht warrn. Selenskyi weer per Video toschalt un verlangt wiedere internatschonaale Straafen gegen Russland. Güstern harr Russland künnig maakt, 300.000 Reservisten in Alarm to setten.

EU prüft wiedere Straafen gegen Russland

Nee York: De Europääsche Union reageert mit nee´e Straafen dorop, dat Russland ehre Suldaaten oprüsten will. De EU-Butenminister hebbt bi de UN-Vullversammlung beslaten, dat achte Straafen-Paket op den Weg to bringen. De EU-Butenbeopdraagte Borell hett künnig maakt, dat de neen Straafen woll direktemang de russche Wertschop un Minschen drapen, de för de Attack op de Ukraine tostännig sünd. Bet Midd Oktober schüllt düsse Straafen fastleggt warrn.

Bremen will Andrääg för Wohngeld eenfacher maaken

Bremen: Dat Land Bremen will sik dorför insetten, dat Amtslüüd in ganz Düütschland Andrääg för Wohngeld gauer överarbeiden köönt. De Bremer Lannsregerung rekent dormit, dat de Tahl vun de Andrääg düütlich na baven gahn künnt, vunwegen de Maleschen mit de Energie un de anstiegen Priese. In Momang duert dat in Bremen bet to fief Maand, bet en Andrag överarbeit is.

Bremen verlangt dat Opdeelen vun Flüchtlingen ünner 18

Bremen: In Bremen warrn de Stimmen luuter, de Flüchtlinge ünner achteihn överall in Düütschland to verdeelen. Na de Sozialbehöörd de vun de Gröönen föhrt warrt, is de Situatschoon woll nich anners in Griff to kriegen. Tostimmung gifft dat ok vun annern Parteien. In Bremen leevt nu al düütlich mehr Flüchtlinge ünner achteihn, as dat Land Bremen na dat Gesett opnehmen mutt.

Luxusyacht „Dilbar“ is in Bremen ankamen

Bremen: De Luxusyacht „Dilbar“ de vunwegen de EU-Straafen fastsett wurr, is in Bremen ankamen. Dat Schipp leeg siet Fröhjohr in de Warft vun den Hamburger Haven Blohm un Voss. Blohm un Voss bruuk nu de Steed vör annere Opdrääg un dorüm is dat Schipp nu bi de Bremer Lürssen-Warft. Siet de russche Attack op de Ukraine leep, gellt de Yacht as infreert. De „Dilbar“ hört, as dat Bunnskriminalamt see, en Süster vun en kremeltroen Oligarchen to.

Dat Weer

Un nu kiekt wi op dat Weer: In Bremerhaben un Cuxhaben sünd dat 10 Graad, in Bremen 11 Graad un in Emm hebbt wi opstunss 12 Graad. Hüüt schient övern Dag de Sünn, dat blifft dröög hier un dor seht wi en poor opstigen Wulken. Dat Thermometer wiest us 17 bet 19 Graad. In´ne Nacht köönt wi de Steerns funkeln sehen, af un an is ok mal en Wulk an Heven un dat blifft dröög un dat denn bi 10 Graad op de Eilannen un 8 bet 5 Graad in´t Binnenland. Freedag fangt wulkig an, hier un dor is ok mal de Sünn to sehn. Vun Middag af an warrn de Wulken mehr un dat kann denn ok regnen. Dat Thermometer wiest us morgen 17 bet 19 Graad.

Dat weren de Plattdüütschen Narichten. Tohoopstellt vun Katrin Martens. Op Platt trechtmaakt un vörleest vun Martina Brünjes.