Jetzt läuft:

Andreas Bourani Auf Anderen Wegen
  • Jetzt läuft:

    Andreas Bourani Auf Anderen Wegen
  • Davor lief:

  • Um> 14:47 Uhr lief: Toto Georgy Porgy
  • Um> 14:44 Uhr lief: Vaya Con Dios Nah Neh Nah
  • Um> 14:37 Uhr lief: Of Monsters And Men Little Talks
  • Um> 14:33 Uhr lief: Gerry Rafferty Baker Street
  • Um> 14:25 Uhr lief: Duran Duran The Wild Boys
  • Um> 14:22 Uhr lief: Dermot Kennedy Power Over Me
  • Um> 14:19 Uhr lief: Abba Honey Honey
  • Um> 14:14 Uhr lief: Queen A Kind Of Magic
  • Um> 14:08 Uhr lief: Texas Lightning No No Never

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 21. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 21. September 2022

Uniper kummt in Staatshand +++ Putin geevt Order to´n Deeloprüsten +++ Jade-Werser-Port maakt wiederhen Minus +++ Luxusyacht de fastsett wurr, warrt na Bremen brocht +++ Wilshusen: Füer in Huus för mehr Parteien +++ Dat Weer

Bild: Radio Bremen

Informationen zum Audio

Uniper kummt in Staatshand

Düsseldörp: Düütschlands gröttste Gasimporteur Uniper kummt in Staatshand. De Bund stiggt bi dat Ünnernehmen in, un hett mit 99 Perzent de mehrsten Andeele, mellt dat Bunnsweertschopsministerium. Uniper keem, as annere Gasimporteure ok, in de Kniep, vunwegen dat Russland keen Gas mehr levert. Nu steiht de Gasümlaag op den Prüfstand, achteran Uniper in Staatshand keem.

Putin geevt Order to´n Deeloprüsten

Moskau: Russlands Präsident Putin hett Order geven, dat siene Suldaten to´n Deel oprüst warrn un dorvör en Andrag ünnerschreven. Dat Deeloprüsten fangt hüüt noch an. Dormit lööst he denn ok, dat he Maleschen mit sien Personaal an de Front hett. Dat Deeloprüsten bedütt na Putins Wöör, dat nu Reservisten introcken warrt. Se würrn den glieken Rang un dat glieke Geld kriegen as de Suldaaten de en Verdrag hebbt. Ehrder de Lüüd in Reserve an de Fruerliene mööt, warrn de nochmal militärisch utbillt, se Putin.

Jade-Werser-Port maakt wiederhen Minus

Willemshaben: De Jade-Werser-Port in Willemshaben is man blots mit en beten mehr as een Veertel utlast. Liekers sünd Politiker un Fachlüüd dorvun övertüügt, dat sik dat Projekt wat Bremen un Neddersassen tohoop bedrievt, jichtenswann rekent. Man to düsse Tiet is de Jade-Werser-Port en Geschäft in öffentliche Hand wat Minus maakt, bekriddelt de Bund vun de Stüerbetahler. De Haven worr vör teihn Jahren op´n Weg brocht.

Luxusyacht de fastsett wurr, warrt na Bremen brocht

Bremen: De Luxusyacht „Dilbar“ de vunwegen de EU-Straaf fastsett wurr, is an fröhen Morgen ut den Hamburger Haven utlopen. De woll düerste Yacht vun´ne Welt, de över 500 Millioonen Euro köst, treckt na de Lürssen-Warft in Bremen üm. De Lüüd vun´t Amt hebbt dor en Oog op, see dat Hauptzollamt Hamburg. De Yacht höört de Süster vun en kremeltroen Oligarchen to.

Wilshusen: Füer in Huus för mehr Parteien

Wilshusen: De Füerwehr in Wilshusen hett verleden Nacht fief Minschen ut en Huus för mehr Parteien redd. In den Keller is dat Füer in Gang kamen un dicken Ruuk is dör dat ganze Huus trocken. De meisten vun de rund 50 Hüerslüüd kunnen sik sülvst in Sekerheit bringen. Woso dat brennt hett is noch nicht kloor, man ok Füerpüsteree sluut de Polizei nich ut.

Dat Weer

Un nu kiekt wi op dat Weer: In Bremen sünd dat 6 Graad, in Veern 7, in Bremerhaben 9 Graad un in Cuxhaben hebbt wi opstunss 11 Graad. Hüüt schient övern Dag de Sünn, dat blifft dröög hier un dor seht wi en poor opstigen Wulken. De Wind weiht flau un keem mal vun hier un mal vun dor. Dat Thermometer wiest us 16 bet 18 Graad. In´ne Nacht köönt wi de Steerns funkeln sehen, af un an is ok mal en Wulk an Heven. An Morgen kann dat daakig warrn un dat denn bi 10 Graad op de Eilannen un 7 bet 2 Graad in´t Binnenland. Morgen fangt de Dag denn daakig un mit Sünnenschien an, an Namiddag hett de Sünn vun´n opstigen Wulken sellschop. Dat Thermometer wiest us dorbi 17 bet 19 Graad.

Dat weren de Plattdüütschen Narichten. Tohoopstellt vun Katrin Martens. Op Platt trechtmaakt un vörleest vun Martina Brünjes.