Jetzt läuft:

Gerry Rafferty Baker Street
  • Als nächstes läuft:

  • Um 14:38 Uhr läuft: Of Monsters And Men Little Talks
  • Jetzt läuft:

    Gerry Rafferty Baker Street
  • Davor lief:

  • Um> 14:25 Uhr lief: Duran Duran The Wild Boys
  • Um> 14:22 Uhr lief: Dermot Kennedy Power Over Me
  • Um> 14:19 Uhr lief: Abba Honey Honey
  • Um> 14:14 Uhr lief: Queen A Kind Of Magic
  • Um> 14:08 Uhr lief: Texas Lightning No No Never
  • Um> 14:05 Uhr lief: Jimmy Cliff You Can Get It If You Really Want
  • Um> 13:57 Uhr lief: Bon Jovi You Give Love A Bad Name
  • Um> 13:49 Uhr lief: Ozzy Osbourne Dreamer
  • Um> 13:47 Uhr lief: Shannon Let The Music Play

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 20. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 20. September 2022

Gasümlaag: Kummt se oder kummt se nich +++ Düütsche Gastänks sünd 90 Perzent vull +++ Scheten in Staad: Mann starvt +++ Bremerhaven: Snacken um rotte Kajen +++ Bremen: Vele Breven un Paketen blievt liggen +++ Dat Weer

Bild: Radio Bremen

Informationen zum Audio

Gasümlaag: Kummt se oder kummt se nich

Berlin: Wat de Gasümlaag kummt oder nich, dat is noch nich rut. Wat dor achter stickt: Wenn de Staat den Bedriev Uniper, de Gas na Düütschland rinhaalt, redden will, denn mutt he em womööglich övernehmen. Bunnswirtschaftsminister Habeck meent: In düsse Laag kann de Staat vun Rechts wegen nich goot an de Gasümlaag fasthollen. Dat hett dat ARD-Hauptstadtstudio ut de Grönen-Politik to weten kregen. Wenn de Staat den Bedriev övernimmt, will Habeck Gasverdeler, de in Legerwall kaamt, mit Staatsgeld ünner de Arms griepen.

Düütsche Gastänks sünd 90 Perzent vull

Berlin: Middewiel sünd de Gastänks in Düütschland mehr as 90 Perzent vull. Dat hebbt de Gastänk-Unnernehmen in’t Internet rinschreven. Bet Anfang November schüllt dat tominnst 95 Perzent ween. De Bunnsregerung will mööglichst veel Gas bunkern un so dör den Winter kamen, ok wenn ut Russland keen Gas mehr kummt. An kole Winterdaag kummt sowat 60 Perzent vun dat Gas, dat in Düütschland bruukt warrt, ut düsse Tänks.

Scheten in Staad: Mann starvt

Staad: Verleden Nacht is en Mann in de Binnenstadt dootschaten worrn. Twee anner Mannslüüd hebbt ok böös wat afkregen un liggt in’t Krankenhuus. De Polizei weet: Vörher harr dat in en Gasthuus Striet geven. Dor is de Mann vun 23 Johr anschaten worrn. Eerst harrn se em noch wedder lebennig maakt, man in’t Krankenhuus is he denn dootbleven. En poor hunnert Meter wieder langs hett de Polizei noch twee Mannslüüd funnen, een vun jem weer ok anschaten worrn. Düsse Mann harr ok en Pistool bi sik. Woans un woso dor schaten worrn is, dat will nu en Moordkommischoon rutkriegen.

Bremerhaven: Snacken um rotte Kajen

Bremerhaven: In de Stadt geiht dat hen un her vunwegen de rotten Kajen. En Breef vun de Waterbehöörd hett dat utlööst. Se verlangt vun den Magistrat: He schall gau en Plaan opstellen, dat dat nee maakt warrn kann. Dat de Waterkanten, vör allen langs de Geeste, mörr sünd, dat weet se siet Johr un Dag. Boo-Stadtraat Schomaker rekent mit 80 Millionen Euro, wenn een dat allens op Schick bringen will. Nu verlangt de Grönen: allens rund um de Havenbowarken schall vun een Hand regelt warrn. Morgen will de Stadt un ok de Regerungskoalitschoon ut SPD, CDU un FDP berichten, wat se mit de Kajen vörhebbt.

Bremen: Vele Breven un Paketen blievt liggen

Bremen: Mag ween un in de Stadt un umto warrt vundaag vele Breven un Paketen nich utlevert. Bi de Düütsche Post steiht en Bedrievsversammlung an. Dat Unnernehmen seggt: Wat liggen blifft, kummt in de tokamen Daag. In de Post-Geschäftssteden is dor nix vun to marken.

Dat Weer

Un woans süht dat mit dat Weer umto ut? Opstunns hebbt wi in Bremen, Bremerhaven, Achem un Emm överall 11 Graad. Vundaag: Mal Sünnschien, mal opstiegen Wulken, mit nich mehr ganz so vele un so deegte Schuer as de letzten Daag. Dat Thermometer krabbelt op 15 bet 17 Graad. De Wind dorto weiht flau vun de noordwesten Kant, an de See ok mehr un in Böen. Tokamen Nacht höört dat gau op to pladdern, un denn köönt wi de Steerns bekieken. Bi Dag un Dau kann in’t Binnenland Daak opkamen. Bi 10 Graad op de Inseln, anners bi 7 bet 2 Graad. Morgen: Eerst Sünnschien, mag ween ok dakig. Överall dröög, un in’t Binnenland teemlich koolt. Över Dag veel Sünnschien mit blots en Handvull opstiegen Wulken. Dat Ganze bi 16 bet 18 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.