Jetzt läuft:

Dermot Kennedy Power Over Me
  • Als nächstes läuft:

  • Um 14:25 Uhr läuft: Duran Duran The Wild Boys
  • Jetzt läuft:

    Dermot Kennedy Power Over Me
  • Davor lief:

  • Um> 14:19 Uhr lief: Abba Honey Honey
  • Um> 14:14 Uhr lief: Queen A Kind Of Magic
  • Um> 14:08 Uhr lief: Texas Lightning No No Never
  • Um> 14:05 Uhr lief: Jimmy Cliff You Can Get It If You Really Want
  • Um> 13:57 Uhr lief: Bon Jovi You Give Love A Bad Name
  • Um> 13:49 Uhr lief: Ozzy Osbourne Dreamer
  • Um> 13:47 Uhr lief: Shannon Let The Music Play
  • Um> 13:45 Uhr lief: Herman's Hermits No Milk Today
  • Um> 13:42 Uhr lief: The Last Goodnight Pictures Of You

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 19. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 19. September 2022

Staatsbegräffnis för de Queen +++ Verkehrsministers snackt över Nafolg vun 9-Euro-Billjet +++ Groter archäologischer Fund in Israel

Bild: Radio Bremen

Informationen zum Audio

Staatsbegräffnis för de Queen

London: Mit en Staatsbegräffnis nimmt Grootbritannien hüüt Afscheed vun Königin Elizabeth II. Üm Klock 12 fangt de Truerfier in de Westminster Abbey an. Ünner de meist 2.000 Gäst sünd hunnerte vun Staats- un Regerungsböversten ut de heelen Welt – ünner annern US-Präsident Biden, de japaansche Kaiser Naruhito un Bunnspräsident Steinmeier. Darna ward de Sarg na Slott Windsor brocht, wo de Queen denn an’n Avend in’n engsten Familienkring bisett ward.   

Kondoleerbook in’t Bremer Raathuus

Bremen: To’n Dood vun Elizabeth II. liggt hüüt bet Klock acht an’n Avend in’t Bremer Raathuus en Kondoleerbook ut. De Senaat un de britsche Baadschop wüllt so ok de Minschen in Bremen un besünners de Briten, de hier leevt, de Mööglichkeit geven, ehr Mitföhlen uttodrücken. As Eerster hett sik an’n Morgen Bremens Börgermeister Bovenschulte indragen.   

Verkehrsministers snackt över Nafolg vun 9-Euro-Billjet

Bremen: De Verkehrsministers vun Bund un Länner snackt hüüt över dat Nafolgmodell för dat Negen-Euro-Billjet. Mööglich sünd Monatskorten för Bus un Bahn för 49 oder 69 Euro, de bunnswiet gellen schüllt. Striet gifft dat besünners doröver, wo dat finanzeert warrn schall. De Länner wüllt dorför vun’n Bund mehr Geld. Vörsittersche vun de Konferenz is opstünns de Bremer Mobilitätssenatersche Schaefer.       

Ümweltschützers drauht mit Klaag gegen EU-Taxonomie

Brüssel: Mehrere Ümweltorganisatschonen wüllt in’n Eernstfall vör Gericht verhinnern, datt de EU dat Investeern in Gas un Atoomkraft vun Januar an as klimafründlich taxeert. Greenpeace, de WWF un anner Organisatschonen wüllt vun de EU-Kommischoon, datt se düsse Regelung trüchtreckt. Anners wüllt de Ümweltschützers vör den Europääschen Gerichtshoff trecken. Dat EU-Parlament un de Mackers ut de EU-Länner harrn düsse Regelung tostimmt.  

Groter archäologischer Fund in Israel

Jerusalem: In Israel is bi Boarbeiden en heele Graffkamer ut de Tiet vun’n ägyptischen Pharao Ramses II. funnen worrn. In de Anlaag sünd zig Toonpütt, Piel- un Speerspitzen un ok Knaken vun Minschen. De Saken legen meist 3300 Johr ünner de Eer. Archäologen snackt vun en groten Fund.

Dat Weer

Un nu en Blick op dat Weer: In Deefholt 9, in Möppen 11, in Bremen un Nienborg 13, in Nordholt 14, in Bremerhaben 15, un op Borkum sünd dat opstünns 16 Graad. Hüüt Vörmiddag gifft dat blangen Sünnschien af un an opstiegen Wulken mit Schuers, de vun de Noordsee in’t Binnenland treckt. An’n Namiddag ward de Wulken un de Regenschuers mehr, un dat gifft ok enkelte korte Gewidder. Dat ward aver wedder’n beten lauer mit 15 bet 17 Graad. In de Nacht treckt noch’n poor dichte Wulken mit enkelte Regenschuers dör. Af un an is dat aver ok licht wulkig bet klaar. Dat Thermometer fallt op 11 bet 5 Graad. Morgen gifft dat’n Wessel ut Sünnschien un opstiegen Wulken. De Regenschuers ward weniger un sünd nich mehr so deegt as an de Daag tovör. Dorto Temperaturen vun 15 bet 17 Graad.

Dat weern de Narichten op platt. Tohoopstellt hett se Birgit Sagemann. Op Platt trechtmaakt un vörleest vun Marc Gelhart.