Jetzt läuft:

Eurythmics There Must Be An Angel (Playing With My Heart)
  • Als nächstes läuft:

  • Um 15:38 Uhr läuft: Uriah Heep Lady In Black
  • Jetzt läuft:

    Eurythmics There Must Be An Angel (Playing With My Heart)
  • Davor lief:

  • Um> 15:26 Uhr lief: Pat Burgener Low
  • Um> 15:22 Uhr lief: Frankie Goes To Hollywood Relax
  • Um> 15:19 Uhr lief: Lesley Gore It's My Party
  • Um> 15:16 Uhr lief: Inxs Beautiful Girl
  • Um> 15:10 Uhr lief: Billy Joel She's Always A Woman
  • Um> 15:05 Uhr lief: Desireless Voyage, Voyage
  • Um> 14:57 Uhr lief: Simple Minds Alive And Kicking
  • Um> 14:52 Uhr lief: Andreas Bourani Auf Anderen Wegen
  • Um> 14:47 Uhr lief: Toto Georgy Porgy

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 14. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 14. September 2022

EU-Kommischon will Gewinne vun Energie-Ünnernehmen verdelen +++ Bunnesregeern bringt Börgergeld op’n Weg +++ Beamte un Richters in Bremen schüllt mehr Geld kriegen +++ Bäckerslüüd foddert mehr Hölp vun de Politik +++ Seenootredder öövt in de Nordsee +++ Dat Weer

Bild: Radio Bremen

Informationen zum Audio

EU-Kommischon will Gewinne vun Energie-Ünnernehmen verdelen

Brüssel – EU-Kommischonspräsidentin von der Leyen hett över de Laag in de EU snackt un een Deckel för de Gewinne vun Energie-Ünnernehmen vörslaan. Dat schall för Ünnernehmen gellen, de orrig hoge Gewinne maakt, wiel se Strom to lüttjen Priesen herstellt, aver för veel Geld verköfft. In de sotschale Marktwertschupp wees dat in Ordnung, Gewinne to maken, sä von der Leyen. Man dat wees nich in Ordnung, dör den Krieg mehr Geld to verdenen un de Verbruuker mööt dat betahlen. De EU will een Deel vun düsse Gewinne afschöpfen un an de wietergeven, de se an’n nödigsten bruukt.

Bunnesregeern bringt Börgergeld op’n Weg

Berlin – Dat Bunneskabinett will hüüt den Plaan för een Gesett to’n Inföhren vun een Börgergeld besluten. Dat schall to’n 1. Januar för dat Hartz-Veer-Geld kamen. Arbeitsminister Heil plaant een Regelsatz vun 502 Euro in’n Maand för Lüüd, de alleen leevt. Dat sünd rund 50 Euro mehr as nu bi Hartz Veer. Sotschalverbänne seggt, de Tall is veel to lütt. De Wertschupp bekrittelt, dat de Lüüd denn nich mehr noog Drock kriegt, een Arbeit optonehmen.

Beamte un Richters in Bremen schüllt mehr Geld kriegen

Bremen – De Bremsche Börgerschupp snackt opstunns över de tokünftig Löhns vun Beamten un Richters. Se schüllt as de Arbeiters in’n Öffentlich Dienst 2,8 Perzent mehr Geld kriegen un twars to’n 1. Dezember. Buterdem schüllt Beamte in de ünneren Grupps in Tokunft högere Löhns bi’n Instiegen un högere Toslääg kriegen. Ok dat Extrageld babenop schall mehr weern. De Bremer Senat sä, dat weer goot för de ünneren Grupps bi’n Inkamen un för Beamte mit velen Kinnern.

Bäckerslüüd foddert mehr Hölp vun de Politik

Hannober – Bäckerslüüd vör allens ut Neddersassen kummt an’n Namiddag in de Stadt tosamen un gaat op de Straat. Darachter stickt de orrig högeren Energiepriese, de för Bedreve, de veel Energie bruukt, swar to schultern sünd. De Bäckerslüüd wüllt darüm mehr Hölp vun’n Staat. Een paar Lannespolitiker wüllt darto kamen, ünner annern Ministerpräsident Weil un Wertschuppsminister Althusmann.

Seenootredder öövt in de Nordsee

Wilhelmshaben – In de Nordsee fangt hüüt een grodet Öven vun de Dütsche Gesellschupp to’n Redden vun Lüüd in Seenoot an. Bit Sünndag öövt de Seenootredder för den Fall, dat dat op hoge See Ernst ward. Mit darbi sünd een paar Krüüzer as ok Helikopter.

Dat Weer

Un nu een Blick op dat Weer: in Deefholt 14, in Bremen un Bremerhaven 16 un op Wangerooge sünd dat opstunns 17 Graad. Hüüt kiekt af un an mal de Sünn dör de dicken Wulken un dat blifft meist dröög. Erst later an’n Namiddag un Avend köönt an de Nordsee een paar Druppen fallen, bi 18 bit 20 Graad. Tokamen Nacht is de Heben na Süden hen erst noch klaar, later ward de Wulken vun de Nordsee her aver dicker. To’n Morrn hen köönt an de Waterkant all Regenschuers daalkamen, anners blifft dat aver noch dröög. Dat Thermometer sackt op 15 bit 10 Graad. Morrn Vörmiddag ward dat gries un de Heben is faken dick wulkig. Darto fallt af un an een beten Regen. Vun’n Middag an lockert dat vun de Nordsee her op – blangen Sünnschien gifft dat jümmer ok noch verenkelt Regenschuers, de vun de Küst in’t Binnenland treckt – bi 16 bit 19 Graad. Dat weern de Narichten op Platt. Gabriele Intemann hett se tohoopstellt. Op platt trechtmaakt un vörleest hett se Heidi Jürgens.