Jetzt läuft:

Billy Joel She's Always A Woman
  • Als nächstes läuft:

  • Um 15:13 Uhr läuft: Inxs Beautiful Girl
  • Jetzt läuft:

    Billy Joel She's Always A Woman
  • Davor lief:

  • Um> 15:05 Uhr lief: Desireless Voyage, Voyage
  • Um> 14:57 Uhr lief: Simple Minds Alive And Kicking
  • Um> 14:52 Uhr lief: Andreas Bourani Auf Anderen Wegen
  • Um> 14:47 Uhr lief: Toto Georgy Porgy
  • Um> 14:44 Uhr lief: Vaya Con Dios Nah Neh Nah
  • Um> 14:37 Uhr lief: Of Monsters And Men Little Talks
  • Um> 14:33 Uhr lief: Gerry Rafferty Baker Street
  • Um> 14:25 Uhr lief: Duran Duran The Wild Boys
  • Um> 14:22 Uhr lief: Dermot Kennedy Power Over Me

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 13. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 13. September 2022

Gericht schickt Tanksteeden-Möörder en leven lang achter Trallen +++ Ukraine kummt vöran ehr Land trüch to winnen +++ Bremen hett nu dat Impfmiddel wat ok gegen Omikron ansleit +++ Haventunnel in Bremerhaben warrt woll noch laater fardig +++ En Bremer is nu Baas vun de Polizei-Gewarkschop +++ Dat Weer

Bild: Radio Bremen

Informationen zum Audio

Gericht schickt Tanksteeden-Möörder en leven lang achter Trallen

Bad Kreuznach. De Möörder, de in Idar-Oberstein en Tanksteeden-Mitarbeider vunwegen en Striet üm de Maskenplicht dootscheten hett, is in sien Perzess en Leven lang achter Trallen schickt worrn. Bavento hett dat Landgericht den hüüt 50-Johrigen verurdeelt, wiel he en Pistool harr ahn Waffenschien. De Staatsanwaltschaft hett in ehren Andrag dat wat he daan hett as Moord sehen, dat Landgericht is den Andrag folgt. Anners as de Staatsanwaltschaft un de Nebenklaag verlangt hebbt, stellt de Schwurgerichtskaamer keen afsünnerliche groote Schuld fast. In den Fall weer en freekamen ut dat Kaschott na fofteihn Johren binah nich mööglich.

Ukraine kummt vöran ehr Land trüch to winnen

Kiew: Präsident Selenskyi hett künnig maakt dat sien Militär siet Anfang September um un bi 6000 Quadratkilometer Land trüchwinnen kunnt. US-Minister för Verdeffenderen Blinken snackt dorvun dat de ukrainschen Suldaaten gegen Russland bedüden vöran kaamt. De ukrainsche Präsident verlangt nu vun dat Butenland, dat de gauer Luftafwehrwaffen levert. He seggt dat is vunwegen de russchen Attacken op dat Stroomnett in de Oostukraine. Na den ukrainschen Generalstab hett Russland dor en ganzen Barg Steeden angrepen.

Bremen hett nu dat Impfmiddel wat ok gegen Omikron ansleit

Bremen: Vun hüüt af an impft de Impfsteeden in Bremen un Bremerhaben mit de eersten Impfmiddel, de ok gegen de Omikron Variant vun dat Corona-Virus hölpen. Alltohop hett de Gesundheitsbehöörd
3000 nee´e Sprütten bi de Firma Biontech bestellt. Hüüt, an eersten Dag, sünd de Impfsteeden al utbucht. Man tohooprekent is de Fraag na de nee´e Sprütt aver nich so groot. In Neddersassen warrt siet güstern mit dat nee´e Impfmiddel impft.

Haventunnel in Bremerhaben warrt woll noch laater fardig

Bremerhaben: De Haventunnel warrt woll noch laater fardig, as eerst plaant. De Wirtschaftsförderung vun de Stadt maakt künnig, dat de Termin to´n Inwiehn nu „Sommer“ 2023 is. Betnu wurr jümmer vun dat tweete Quartaal snackt. De Grundarbeiten vun den Tunnel sünd fardig, nu fehlt noch Lucht- un Lüftungsanlaag. 2013 hebbt de Arbeiters anfungen to boen.

En Bremer is nu Baas vun de Polizei-Gewarkschop

Berlin: De Bremer Polizist Jochen Kopelke is as nee´en Baas vun de Polizei-Gewarkschop wählt worrn. Kopelke is dormit de jüngst Vörsitter vun de GDP un löst Malchow, de betnu Baas weer, af. De GDP is de gröötste Polizeigewarkschop in Düütschland un hett um un bi 2000 Liddmaaten.

Dat Weer

Un nu kiekt wi op dat Weer: In Bremen sünd dat 17 Graad, in Bremerhaben, Demorst un Emm hebbt wi opstunns 18 Graad. De Dag fangt mit dicken Wulken, Regen und Schuern an. Övern Vörmiddag warrn de Wulken vun de Küst her weniger man ok Schuer warrn weniger. Över Middag un an Namiddag wesseln sik Sünn un Wulken af un dat blifft meist dröög. De Wind weiht flau bet in Maaten vun de süüdwesten bet westen Kant, denn dreiht he vun de westen op de Noordwesten Kant un frischt op, dat kann den ok stark bööig warrn. Dat Thermometer wiest us 19 bet 22 Graad. In de Nacht köönt wi de Steerns funkeln sehen, af un an ok mal en Wulk, dat blifft dröög un dat denn bi 15 bet 10 Graad. Middeweken lacht hier un dor de Sünn achter de dicken Wulken för un dat blifft meist dröög dorbie schafft dat Thermometer 18 bet 20 Graad.

Dat weren de Plattdüütschen Narichten. Tohoopstellt vun Gabriele Intemann. Op Platt trechtmaakt un vörleest vun Martina Brünjes.