Jetzt läuft:

Gerry Rafferty Baker Street
  • Als nächstes läuft:

  • Um 14:38 Uhr läuft: Of Monsters And Men Little Talks
  • Jetzt läuft:

    Gerry Rafferty Baker Street
  • Davor lief:

  • Um> 14:25 Uhr lief: Duran Duran The Wild Boys
  • Um> 14:22 Uhr lief: Dermot Kennedy Power Over Me
  • Um> 14:19 Uhr lief: Abba Honey Honey
  • Um> 14:14 Uhr lief: Queen A Kind Of Magic
  • Um> 14:08 Uhr lief: Texas Lightning No No Never
  • Um> 14:05 Uhr lief: Jimmy Cliff You Can Get It If You Really Want
  • Um> 13:57 Uhr lief: Bon Jovi You Give Love A Bad Name
  • Um> 13:49 Uhr lief: Ozzy Osbourne Dreamer
  • Um> 13:47 Uhr lief: Shannon Let The Music Play

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 9. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 9. September 2022

Weltwiet Truer na den Dood vun de Queen +++ Anfang vun den CDU-Bunnsparteidag in Hannover +++ Schienbor Landgewinn vun de ukrainisch Militär +++ Bargen vun Andrääg liggen bi de Finanzamten in dat Land Bremen op den Disch +++ Lege Krawalle bi Conference-League-Speel in Köln +++ Dat Weer

Bild: Radio Bremen

Informationen zum Audio

Weltwiet Truer na den Dood vun de Queen

London. De böversten Politikers op de ganzen Welt hebbt mit Truer un Respekt op den Dood vun de Queen reageert. Bunnspräsident Steinmeier achtde Elisabeth de Tweete as en Fro, de en Johrhunnert ehr Stempel opdrückt harr. EU-Kommisschonspräsidentin von der Leyen nöömt se en Stabilitätsanker na den tweeten Weltkrieg un in de Tieden vun den Brexit. UN-Generalsekretät Guterres see, de Welt warrt sick noch lang doran besinnen, wiel se in ehr Opgaav heel in weg weer un nix anners wuss as ehr Positschoon as Königin. De Queen weer güstern mit 96 Johren dootbleven. In Grootbritannien fangt nu en Truertiet för thein Dag an. In London warrt de neje König Charles de Drütte vun Amts wegen utropen.

Anfang vun den CDU-Bunnsparteidag in Hannover

Hannover. De CDU drapt sick an´n Middag to ehren Bunnsparteidag in de Hauptstadt vun Neddersassen. Bit morgen willt de Liddmaten ünner annern över en Leitandrag to de Energiesekerheit un to de Wirtschaftspolitik snacken. Bavento warrt över en Quoot for Froenslüüd afstimmt. Dor gifft dat binnen de Partei mehrere Menen to. CDU-Baas Merz hett en Quoot bit Enn 2029 vörslaan. Of se koomt, gellt aver as nich seker.

Schienbor Landgewinn vun de ukrainisch Militär

Kiew. De Ukraine hett na egen Angaven noch mehr Landstücken, de vun russ´sch Suldaten besett weern, trüüch wunnen. Präsident Selenskyj see, in dat Landstück Charkiw is de Lüttstadt Balaklija wedder innohmen wurren. All tohoop sünd siet Anfang vun den Maand mehr as eendusend Quadratkilometer free kriegen wurren. Man dor hollen russ´sch Truppen na fröher Angaven rund 125-dusend Quadratkilometer vun dat Land besett. Dat sünd üm un bi dat Föfftel vun dat Staatslandstück.

Bargen vun Andrääg liggen bi de Finanzamten in dat Land Bremen op den Disch

Bremen. De Finanzamten in dat Land Bremen bruukt in Ogenblick wedder noch mehr Tiet, üm de Stüer-Verkloren to bearbeiden. So steiht dat in en Vörlaag för den Huusholt- un Finanzutschuss vun de Börgerschaft, de an´n Namiddag tohoopkoomt. Enn August mussen Arbeitnehmer in Bremen dorna knapp annerthalf Maanden töven, bit ehr Stüer-Verkloren för dat verleden Johr bearbeit weer. In Bremerhaben duert dat fast ok so lang. Dat Finanzressort see, dat dor en Stau wegen de Corona-Pandemie opkamen weer un nu Bargen vun Andrääg op de Dischen liggen.

Lege Krawalle bi Conference-League-Speel in Köln

Nizza. Vör dat Footballspeel in de Conference-League twüschen Nizza un den eersten FC Köln hett dat lege Rangeleen twüschen de Lüüd vun beiden Verenen geven. Dorbi hebbt 32 Minschen wat afkregen. Een franzöösch Fan störtde vun den Middelrang en poor Meter in de Deepde. Em schall dat nich goot gahn. Hunnerte Polizisten weeren in´n Insatz, üm mit de Krawalle Sluss to maken. Dat Speel is later anfungen un is een to een utgahn.

Dat Weer

Un nu noch en Blick op dat Weer: in Leer 16, an’n Bremer Flegerhaben 17, in Bremerhaben 15 un in Cuxhaben sünd dat opstunns 14 Graad. Hüüt Vörmiddag trecken bi en Wessel ut Sünn un Wulken enkelete, af den Middag denn mehr Schuer döör. Hier un door kann ok en Gewidder dorbi ween. De Wind weiht en beten bit in Maten. Dat Thermometer wiest Themperaturen vun 20 bit 22 Graad. In de Nacht pladdert dat blots noch af un an. De Luft köhlt sick op ölven bit 13 Graad af. Morn stellt sick en Mengels ut Sünnschien un dichten Wulken in. Dorto komen över den Dag en poor Schuer. An´n Avend schient de Sünn en beten mehr. Dat Thermometer wiest 19 bit 21 Graad. Sünndag: An´n Anfang gries un Nevel, na un na mehr Sünn. Af un to en beten Regen bi 19 bit 22 Graad.

Dat weern de Narichten op platt. Tohoopstellt hett se Anja Guse. Op Platt trechtmaakt un vörleest vun Markus Weise.