Jetzt läuft:

Queen A Kind Of Magic
  • Als nächstes läuft:

  • Um 14:19 Uhr läuft: Abba Honey Honey
  • Jetzt läuft:

    Queen A Kind Of Magic
  • Davor lief:

  • Um> 14:08 Uhr lief: Texas Lightning No No Never
  • Um> 14:05 Uhr lief: Jimmy Cliff You Can Get It If You Really Want
  • Um> 13:57 Uhr lief: Bon Jovi You Give Love A Bad Name
  • Um> 13:49 Uhr lief: Ozzy Osbourne Dreamer
  • Um> 13:47 Uhr lief: Shannon Let The Music Play
  • Um> 13:45 Uhr lief: Herman's Hermits No Milk Today
  • Um> 13:42 Uhr lief: The Last Goodnight Pictures Of You
  • Um> 13:38 Uhr lief: Gloria Gaynor I Am What I Am
  • Um> 13:35 Uhr lief: Steve Miller Band Abracadabra

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 08. September 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 08. September 2022

Bunnsdag stimmt över nee’e Coronaregeln af +++ Stallplicht för Fedderveeh in Kreis Cuxhaben gellt nich mehr +++ Fro bi Metzenstekeree swor versehrt

Bild: Radio Bremen

Informationen zum Audio

Habeck maakt Hölp för lütte un middelgrode Ünnernehmen künnig

Berlin: Wegen de hogen Energiepriesen hett Bunnswirtschaftsminister Habeck mehr Hölp för lütte un middelgrode Ünnernehmen künnigmaakt. Dormit nich so veel Bedrieven in Harvst un Winter opgeven mööt, schall de Hölp, de dat opstünns al gifft, utwiedt warrn, säe Habeck to dat „Redakschoonsnetwark Düütschland“. Bäckereen in heel Noorddütschland hebbt an’n Vörmiddag keen Lucht in ehre Verkoopsrüüm anmaakt, üm op ehre leege wirtschaftliche Situatschoon hentowiesen. Bäckereen bruukt wegen de Backavens un Köhlanlagen besünners veel Energie.     

Bunnsdag stimmt över nee’e Corona-Regeln af

Berlin: De Bunnsdag stimmt an’n Middag daröver af, wecke Corona-Regeln in’n Harvst un Winter gellen schüllt. Grundlaag is en Gesetzvörslag vun Bunnsgesundheitsminister Lauterbach un Justizminister Buschmann. De seggt, datt in Ferntöög, Pleegheimen, Krankenhüüs un bi’n Dokter bunnswiet en FFP2-Maskenplicht gellen schall. För de Bunnslänner schall dat bavento mööglich ween, en Maskenplicht för Geschäften un Gasthüüs uttoropen. De nee’en Corona-Regeln schüllt vun’n 1. Oktober an gellen.   

Bi nee’e Hüüs gifft dat jümmer weniger Gasheizungen

Wiesbaden: Bi nee’e Hüüs ward jümmer weniger Gasheizungen inboet. As dat Statistische Bunnsamt vermellt, schall blots noch jedet sösste Wahnhuus, dat in’t eerste Halfjohr tolaten worrn is, vör allen mit Gas füern. Een Johr tovör weer dat noch meist en Viddel, dree Johr tovör sogaar noch meist 40 Perzent. Düsse Tendenz gifft dat somit al länger. De anstiegen Gaspriesen siet Anfang vun’n Ukraine-Krieg speelt in de Statistik noch keen Rull.

Stallplicht för Fedderveeh in Kreis Cuxhaben gellt nich mehr

Cuxhaben: De Regeln, de in’n Kreis Cuxhaben de Fedderveeh-Pest in Schranken setten schüllt, gellt nu nich mehr. Meist 650 Buern mit Fedderveeh dröfft ehre Deerten nu wedder ut’n Stall laten oder verköpen. In’n Juli un August hett dat in Beverstedt twee Fallen vun de hooch ansteken Süük geven. Meist 16.000 Deerten sünd an dat Virus stürven oder ümbröcht worrn. De Landkreis Cuxhaben wiest dorop hen, datt de Pest wieter in’n Ümloop is, un wohrschaut vör Kontakt mit Wildvagels.   

Fro in Veern bi Metzenstekeree in Supermarkt swor versehrt

Veern: In en Supermarkt is en Fro mit en lütt Kind bi en Metzenstekeree güstern op Leven un Dood to Schaden kamen. De Polizei hett den, de dat woll daan hett, noch in‘n Laden fastnahmen. He hett woll na en Striet mit de Fro opmal en Metz trucken un op ehr instoken. Dat Kind is nich versehrt worrn. Wat nipp un nau dorachter stickt, is na Utkunft vun de Polizei in Veern opstünns noch nich klaar.           

Dat Weer

Un nu en Blick op dat Weer: In Deefholt un Nordholt 15, in Bremen un Bremerhaben 16, un in Cuxhaben un in’t Wangerland sünd dat opstünns 17 Graad. Hüüt treckt vun’t Ossenbrügger Land jümmer mehr dichte Wulken op, de an’n Vörmiddag un Middag Schuers bringen köönt, to’n Deel degten Regen, un hier un dor ok rusig Weer. Ok enkelte Gewidder kann dat geven. An’n laten Namiddag un Avend ward de Regen vun’t Ollenborger Münsterland weniger. Westen de Werser wiest sik denn noch de Sünn bi 17 bet 20 Graad. In de Nacht treckt de Wulken mit den letzten Regen över Noordsee un Elv af, denn is de Heben licht wulkig oder klaar. Later treckt ok mal dichte Wulken dör, liekers blifft dat meisttiets dröög. Hier un dor kann dat Daak geven bi 14 bet 11 Graad. Morgen geiht dat mit en fründlichen un meisttiets drögen Wessel ut Sünn un Wulken in den Dag. Över Dag ward de Wulken mehr, besünners an’n Namiddag gifft dat mehr un mehr Schuers un ok enkelte Gewidder bi 19 bet 21 Graad.

Dat weern de Narichten op platt. Tohoopstellt hett se Gabriele Intemann. Op Platt trechtmaakt un vörleest vun Marc Gelhart.