Jetzt läuft:

Jimmy Cliff You Can Get It If You Really Want
  • Als nächstes läuft:

  • Um 14:08 Uhr läuft: Texas Lightning No No Never
  • Jetzt läuft:

    Jimmy Cliff You Can Get It If You Really Want
  • Davor lief:

  • Um> 13:57 Uhr lief: Bon Jovi You Give Love A Bad Name
  • Um> 13:49 Uhr lief: Ozzy Osbourne Dreamer
  • Um> 13:47 Uhr lief: Shannon Let The Music Play
  • Um> 13:45 Uhr lief: Herman's Hermits No Milk Today
  • Um> 13:42 Uhr lief: The Last Goodnight Pictures Of You
  • Um> 13:38 Uhr lief: Gloria Gaynor I Am What I Am
  • Um> 13:35 Uhr lief: Steve Miller Band Abracadabra
  • Um> 13:27 Uhr lief: Dire Straits So Far Away
  • Um> 13:23 Uhr lief: Elaiza Is It Right

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 11. August 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 11. August 2022

UN-Extra-Sitten to dat AKW Saporischschja +++ Wat Lindner vör hett: Welk sünd dorför, annern dorgegen +++ Lemke will mehr Börn mit Drinkwater in Düütschland +++ Feld brennt nich mehr +++ Stoppelmarkt geiht los +++ Dat Weer

Bild: Radio Bremen

Informationen zum Audio

UN-Extra-Sitten to dat AKW Saporischschja

Nee York: De UN-Sekerheitsraat kummt vundaag to en Extra-Sitten tohoop. Dat geiht um de Laag in dat ukrainsche Atomkraftwark Saporischschja. Russland hett de Anlaag besett. En Reeg vun Daag al warrt nu as dull op dat AKW schaten. Russland un de Ukraine wiest mit den Finger un seggt: De anner hett Schuld.

Wat Lindner vör hett: Welk sünd dorför, annern dorgegen

Berlin: Wat Finanzminister Lindner vun de FDP vörhett, um de Last vun de Stüern to nehmen, finnt nich all goot. De Union steilt em den Rüch. De Koalitschoonspartners SPD un Gröne, man ok de Sozialverbänn lehnt dat to’n Deel kloor af. Un se verlangt: Hölp schüllt de Minschen kriegen, de wenig in de Melk to krömen hebbt. Lindner stellt sik vör sien Programm un seggt: Dor hebbt Arbeitnehmers, Sülvststännige un Rentner wat vun.

Lemke will mehr Börn mit Drinkwater in Düütschland

Berlin: Wo mehr un mehr grote Hitten op Düütschland daalkümmt, will Umweltministersch Lemke: De Städte un Gemeenden schüllt mehr ne’e Börn mit Drinkwater opstellen. So schall beter sorgt warrn för Lüüd, de ünnerwegens sünd. Ok för to Huus köönt de Lüüd dor Water aftappen, dat nix kösten deit. Dat Kabinett harr güstern düssen Gesetz-Plaan annahmen.

Feld brennt nich mehr

Sellstedt: Dat Füer op en Feld bi Bremerhaven hebbt se güstern Avend utkregen. Bi’t Meihen harr en Trecker anfungen to brennen. De Füerwehr seggt: De Buer is mit de brennen Maschin wiederfohrt, anners weer de Trecker afbrennt. Man dorför harr sik dat Füer utbreedt. Brennt hebbt an’t Enn teihn Hektar, dat sünd so veel as 14 mal en Footballplatz. Minschen sünd nich to Schaden kamen.

Stoppelmarkt geiht los

Vechte: Twee Johr lang harr dat wegen Corona keen Stoppelmarkt geven. Vundaag aber geiht dat grote Volksfest wedder los. Bet Deensdag rekent se mit sowat 800.000 Besöker. De eerst Urkunn, in de wat vun den Markt binnen steiht, is ut dat Johr 1298. Vunwegen de Pest harrn se den Markt in dat Johr 1577 na buten vör de Stadt leggt. Dor weren vun dat afmeihte Koorn blots noch de Stoppeln op’t Feld. Siet de Tiet heet de Markt Stoppelmarkt.

Dat Weer

Un woans süht dat mit dat Weer umto ut? Opstunns hebbt wi in Bremerhaven, Cuxhaven un op Börkum 20 Graad, in Bremen sünd dat 21 Graad. Vundaag: Vun Morgen bet Avend nix as Sünnschien, meist gor kene Wulken – un dröög blifft dat natüürlich ok. Dat Thermometer krabbelt wieder na baven – mit 26 Graad an de See un 27 bet 31 Graad in’t Binnenland. De Wind dorto weiht flau, över Dag ok en beten mehr, vun de oosten bet noordoosten Kant. Tokamen Nacht funkelt de Steerns. Un dröög blifft dat ok. Bi 18 bet 13 Graad. Morgen: Sünnschien satt un dröög. Af un an maalt sik vun de Elv her en poor dünne witte Wulken an den Heven. An de See 27 Graad, anners 29 bet 33 Graad. Wohrschau: In den Wald kunn dat anfangen to brennen. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Ulrike Müller.