Jetzt läuft:

Tavares More Than A Woman
  • Als nächstes läuft:

  • Um 15:57 Uhr läuft: REO Speedwagon Keep On Loving You
  • Jetzt läuft:

    Tavares More Than A Woman
  • Davor lief:

  • Um> 15:48 Uhr lief: The Human League Don't You Want Me
  • Um> 15:44 Uhr lief: Pink Who Knew
  • Um> 15:38 Uhr lief: Uriah Heep Lady In Black
  • Um> 15:33 Uhr lief: Eurythmics There Must Be An Angel (Playing With My Heart)
  • Um> 15:26 Uhr lief: Pat Burgener Low
  • Um> 15:22 Uhr lief: Frankie Goes To Hollywood Relax
  • Um> 15:19 Uhr lief: Lesley Gore It's My Party
  • Um> 15:16 Uhr lief: Inxs Beautiful Girl
  • Um> 15:10 Uhr lief: Billy Joel She's Always A Woman

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 10. August 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 10. August 2022

Lauterbach verdeffendert Corona-Plaans +++ Lindner stellt Toschuss-Plaans vör +++ Havenarbeiders: Verhanneln över Tarife gaht wieder +++ Wulf in Binnenstadt vun Hannober +++ Belugawahl is redd +++ Dat Weer

Bild: Radio Bremen

Informationen zum Audio

Lauterbach verdeffendert Corona-Plaans

Berlin: Bunnsgesundheitsminister Lauterbach verdeffendeert de Corona-Aktschoon de för den Harvst un Winter plaant sünd. He reageert dormit op en poor Bunnslänner, de meist mit de Utnahm vun de Maskenplicht nich tofreden sünd. In dat Papeer steiht to´n Bispill: För Minschen gellt keen Maskenplicht in Gasthüüs or op Fiern, de in den dree Maanden vördem en Sprütt kregen or sik ansteken hebbt. In de ARD see Lauterbach, man mutt sik keen Sorg maken, dat is nich swor dat ruttofinnen. Dormit meent he, dat plaant is bi de digitalen Impftüügnisse verscheeden Farven intosetten. So warrt man op de Corona-Warnapp bats op de Steed an de Farv rutfinnen of de Sprütt gegen dat Virus frisch is or nich.

Lindner stellt Toschuss-Plaans vör

Berlin: Bunnsfinanzminister Lindner seggt an Vörmiddag, wo de Börgerslüüd vunwegen de hooge Inflatschoon ünner de Arms griepen warrt. He plaant man ok mehr Kinnergeld un höögeren Grundfreebedräg. Dat wat bi de Minschen an Last wegnahmen warrt hett en Ümfang vun rund 10 Millarden Euro. Bekriddelt warrt dat ünner annern vun den Gröönen in den Bunnsdag. Se meent, de Plaans weren sozial nich richtig. Fraktschoonsviez Audretsch see, Lüüd de veel or ganz veel verdeent würrn dormit dreemal mehr ünner de Arms griepen as Minschen mit en lütten Lohn.

Havenarbeiders: Verhanneln över Tarife gaht wieder

Berlin: De Tarifverhanneln för de Havenarbeiders vun Bremen un Neddersassen gaht wieder. De Havenbedrieve un Verdi sitten siet en half Stünnen wedder an en Disch, un dat al siet negen-mal. Verdi verlangt en Plus bi den Lohn üm 14 Perzent. De Arbeitgeversiet beedt weniger an un will dorto noch dat de nee Tarifverdrag twee Johr lang löppt. De Gewarkschop will blots een Johr Looptiet.

Wulf in Binnenstadt vun Hannober

Hannober: In de Binnenstadt vun Hannober is güstern en Wulf opdükert. Dat neddersässche Umweltministerium see, dat stimmt un dat gifft ok Videoopnahmen dorvun. Dat süht dorna ut, dat de Wulf nu wedder rut is ut de Stadt. In Neddersassen leven opstunns 39 Koppel Wülv un veer enkelte Wulf – all tohoop sünd dat 350 Deerten.

Belugawahl is redd

Saint-Pierre-la-Garenne: Franzöösche Höölpslüüd hebbt in en vigeliensche Rettungsaktschoon en Belugawahl ut en Slüüs in de Seine redd. De Wahl wurr in en Netz per Kraan ut de Slüüs hievt. He warrt in en Meerwaterbecken brocht, dor warrt man sik üm em kümmern un later schall he denn wedder in´t Meer trüch. De Belugawahl harr sik verdoon – eegens leevt he in dat arktische Waater.

Dat Weer

Un nu kiekt wi op dat Weer: In Bremen, Bremerhaben, Grotenkneten un Rodenborg sünd dat opstunns överall 21 Graad. Hüüt lacht den ganzen Dag de Sünn, man hier un dor en paar lütte or hooge Wulken. De Wind weiht flau vun de noordoosten Kant, na´n Avend hen dreiht he op de noorden Kant, mach ween, dat he denn en beten opbriest. Dat Thermometer kladdert op de Eilannen op 23 Graad un in Binnenland op 26 bet 30 Graad. In de Nacht köönt wi de Steerns funkeln sehen un dat blifft dröög. Dat Thermometer wiest us dorbi 17 bet 16 Graad op de Eilannen un in´t Binnenland köhlt sik dat op 15 bet 12 Graad af. Morgen kriegt wi wedder den ganzen Dag de Sünn to sehen, man Wulken sünd nich dorbi un dat blifft dröög un dat denn bi 25 Graad op Langeoog un 29 bet 31 Graad in´t Binnenland.

Dat weren de Plattdüütschen Narichten. Tohoopstellt vun Ulrike Müller. Op Platt trechtmaakt un vörleest vun Martina Brünjes.