Jetzt läuft:

Pink Who Knew
  • Als nächstes läuft:

  • Um 15:48 Uhr läuft: The Human League Don't You Want Me
  • Jetzt läuft:

    Pink Who Knew
  • Davor lief:

  • Um> 15:38 Uhr lief: Uriah Heep Lady In Black
  • Um> 15:33 Uhr lief: Eurythmics There Must Be An Angel (Playing With My Heart)
  • Um> 15:26 Uhr lief: Pat Burgener Low
  • Um> 15:22 Uhr lief: Frankie Goes To Hollywood Relax
  • Um> 15:19 Uhr lief: Lesley Gore It's My Party
  • Um> 15:16 Uhr lief: Inxs Beautiful Girl
  • Um> 15:10 Uhr lief: Billy Joel She's Always A Woman
  • Um> 15:05 Uhr lief: Desireless Voyage, Voyage
  • Um> 14:57 Uhr lief: Simple Minds Alive And Kicking

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 9. August 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 9. August 2022

EU-Nootfallplaan för Gas fangt hüüt an +++ Luut Bunnsamt gifft dat keen Henwiesen op rutströmen vun radioaktiven Strahlen in Saporischschja +++ Bunnsministerium för Froens verlangt dat sülvige Geld in den Sport +++ FBI stellt Trump-Huusanlaag op´n Kopp +++ Polizeiinsatz gegen Werder-Fans warrt wiederhen bekriddelt +++ Dat Weer

Bild: Radio Bremen

Informationen zum Audio

EU-Nootfallplaan för Gas fangt hüüt an

Berlin: De Präsident vun de Bunnsnetagentur, Müller, freit sik doröver, dat de Gas-Nootfallplaan, de för de ganze EU gellt, nu anfangt. An Morgen see he in´t ZDF: Dat kann angahn, dat de Versorgung dormit för all seker warrt. De Gas-Nootfallplaan gellt vun hüüt af an. Dor steiht binnen, dat all Länner freewillig den Verbruuk bet März tokamen Johr üm 15 Perzent daal setten – in Vergliek mit den normalen Verbruk vun de verleden fief Johrn. De EU stellt sik dormit op en mööglichen Stopp vun Gas ut Russland in.

Luut Bunnsamt gifft dat keen Henwiesen op rutströmen vun radioaktiven Strahlen in Saporischschja

Berlin: Dat Bunnsamt för Strahlenschutz vertellt de gode Naricht, dat opstunns, achterna op dat Karnkraftwark in dat urkrainsche Saporischschja wedder un wedder schaten wurr, keen radioaktive Strahlen uttreden sünd.  De Meetweerte sünd Normal, se de Behöörd to de Bläder vun de Funke-Mediengrupp. De ukrainsche Präsident Selenskyi hett wohrschaut, dat en Atomunglück as 1986 in Tschernobyl passern kann.

Bunnsministerium för Froens verlangt dat sülvige Geld in den Sport

Berlin: Bunnsfroensministersch Paus verlangt, dat Froens in den Sport gliekstellt warrn. To de „Rheinsche Post“ see de Gröönen-Politikersch: Bi de Froen-Football-EM hebbt sik so veel Lüüd mitreten laaten as noch nienich. Düsse Well an Füer un Energie mutt man nu bruken. Op´n Punkt see Paus Froens un Mannslüüd mööt in den Sport dat glieke Geld kriegen. Dat Thema schall ok bi dat Drepen hüüt Namiddag twuschen Bunnskanzler Scholz un de Düütsche Football-Bund op´n Disch kamen.

FBI stellt Trump-Huusanlaag op´n Kopp

Palm Beach: De US-Bunnsbehöörd FBI hett en Huusanlaag vun Ex-Präsident Trump in Florida op´n Kopp stellt. As Trump sülvst künnig maakt, geiht dat üm de Huusanlaag in Mar-a-Lago in Palm Beach. He meent dat weer, vunwegen dat man politisch achter em ran weer. Woso dat FBI in dat Huus weer, is noch nich kloor. Na en Bericht ut de Medien mag dat angahn, dat Dokumente dormit tosamenhangen, de Trump achterna he Präsident weer, mitnahmen hett. Düsse Papeern harr he eegens an dat Natschonaalarchiv övergeven schüllt.

Polizeiinsatz gegen Werder-Fans warrt wiederhen bekriddelt

Bremen: Dat Hen un Her bi de Fraag üm den Polizei-Insatz bi dat Bunnsligaspeel twuschen den VfL Wolfsborg un Werder Bremen geiht wieder. De Fan-Grupp „Gröön-Witt-Hölp“  överleggt, vör Gericht dor gegenan to gahn. Se hebbt rund hunnert Lüüd, de dorbi weern, to faat kregen, de utseggt, dat de Polizei Wolfsborg över de Maaten kontroleert hett. Düsse Fan-Grupp tuuscht sik dorbi ok mit Werder Bremen ut.

Dat Weer

Un nu kiekt wi op dat Weer: In Rodenborg sünd dat 18 Graad, in in Bremerhaben un Emm sünd dat 19 Graad un in Bremen hebbt wi opstunns 20 Graad. De Dag fangt mit veel Sünnenschien an, hier un dor en poor hooge Wulken, de sik na´n Avend hen oplösen. Dat blifft överall dröög. De Wind weiht flau, af un an ok böig vun de noord bet noordoosten Kant. Dat Thermometer kladdert op 23 bet 27 Graad in´t Binnenland, un op 21 bet 22 Graad an de Küst un op de Eilannen. In de Nacht sünd dünne Wulken an Heven, liekers kann dat angahn, dat wi de Steerns funkeln sehen. Dat Thermometer sackt op 17 bet 15 Graad op de Eilannen, in´t Binnenland en beten köhliger op 14 bet 10 Graad. Middeweken lacht meist den ganzen Dag de Sünn, hier un dor en poor dünne or hooge Wulken un dat blifft wiederhen dröög. Dorbi wiest us dat Thermometer 32 Graad op Wangerooge un 25 bet 29 Graad in´t Binnenland.

Dat weren de Plattdüütschen Narichten. Tohoopstellt vun Anja Guse. Op Platt trechtmaakt un vörleest vun Martina Brünjes.