Jetzt läuft:

Frankie Goes To Hollywood Relax
  • Als nächstes läuft:

  • Um 15:25 Uhr läuft: Pat Burgener Low
  • Jetzt läuft:

    Frankie Goes To Hollywood Relax
  • Davor lief:

  • Um> 15:19 Uhr lief: Lesley Gore It's My Party
  • Um> 15:16 Uhr lief: Inxs Beautiful Girl
  • Um> 15:10 Uhr lief: Billy Joel She's Always A Woman
  • Um> 15:05 Uhr lief: Desireless Voyage, Voyage
  • Um> 14:57 Uhr lief: Simple Minds Alive And Kicking
  • Um> 14:52 Uhr lief: Andreas Bourani Auf Anderen Wegen
  • Um> 14:47 Uhr lief: Toto Georgy Porgy
  • Um> 14:44 Uhr lief: Vaya Con Dios Nah Neh Nah
  • Um> 14:37 Uhr lief: Of Monsters And Men Little Talks

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 8. August 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 8. August 2022

Keen Scheten mehr in’n Gazastriepen +++ Bunneslänner wüllt bi Gas-Notfallplaans een Woort mitsnacken +++ Bremer Füerwehr hett nich noog Lüüd +++ Polizei verdeffendeert Aktschoon gegen Werder-Fans +++ Enkel schall sien Grootmudder ümbröcht hebben +++ Dat Weer

Bild: Radio Bremen

Informationen zum Audio

Keen Scheten mehr in’n Gazastriepen

Gaza – Dat Swiegen vun de Wapen twüschen Israel un de militante Palästinenserorganisatschon Islamischer Dschihad hollt woll bitnu. Siet güstern an’n laten Avend ward nich mehr schaten un de Kämpfe sünd na dree Daag to Enn. Noch kort vör dat Ophören vun dat Scheten harrn de Dschihadisten wietere Raketen op Israel affüert. Dat israelsche Militär hett an’n Freedag den Islamischen Dschihad ut de Luft angrepen.

Bunneslänner wüllt bi Gas-Notfallplaans een Woort mitsnacken

Berlin – De Bunneslänner wüllt mitbestimmen, wokeen Gas kriegt, wenn dat nich noog gifft. De Börgermeister vun Hamborg, Tschentscher, sä, wiel de Laag een beten wat na sik treckt, kann dat nich alleen de Bunnesnetzagentur entscheden – de Länner schüllt een Woort mitsnacken bi de Notfallplaans. De tweete CDU-Vörsitter Jung foddert de Bunnesregeern op, een Weg vörtogeven. In’n Notfall mutt entscheden weern, wecke Wertschuppsfeller wichtig för de hele Ordnung sünd.

Bremer Füerwehr hett nich noog Lüüd

Bremen – De Dütsche Füerwehrgewarkschupp bekrittelt, dat dat bi de Bremer Füerwehr jümmer weniger Mitarbeider gifft. Een Spreker see, se harrn in de verleden Weken darum nich noog Lüüd - twüschen 15 un 20 Dienste fallt elkeen Week ut. Binnensenator Mäurer harr darto verklaart, vele Arbeider sünd wegen Corona un de Sommerferien nich dar. De Vertreder vun’t Personal seen dargegen, dat dat nich noog Lüüd gifft, liggt an de johrelange Spoorpolitik.

Polizei verdeffendeert Aktschoon gegen Werder-Fans

Wolfsborg – De Polizei hett ehr Aktschon gegen Werder-Fans vör dat Bunnesligaspeel an’n Sünnabend verdeffendeert. De Fans ut Bremen un Wolfsborg weern Rivalen, see Polizeispreker Figge. Dat harr ok Henwies op Füerwark un Knaller bi velen Werderfans geven. Wegen de strengen Kuntrullen vun de Polizei an’n Wolfsborger Bahnhoff weern hunnerte Fans noch vör dat Speel wedder afreist.

Enkel schall sien Grootmudder ümbröcht hebben

Kiel – Mit velen Autos, Hupen un Füerwark hebbt de Anhänger vun Holsteen Kiel den dullen Erfolg in’n DFB-Pokal gegen den dütschen Rekordmester Bayern München fiert. De Football-Tweetliga-Mannschupp harr sik gegen den Triple-Winner mit 6 to 5 in’t Olbenmeter-Scheten dörsett. Fin Bartels hett dat wichtige Tor scheten.

Dat Weer

Un nu een Blick op dat Weer: op Wangerooge un in Bremerhaven 18, in Deefholt 19 un in Bremen sünd dat opstunns 21 Graad. Vundaag is dat to’n Deel fründlich, to’n Deel treckt hier un dar ok jümmer mehr Wulken op, bi 21 bit 25 Graad. Tokamen Nacht lööst sik letzte Wulkenfeller meist överall op, de Nacht ward licht wulkig or klaar. Blots an de Küst sünd mehr Wulken ünnerwegens, Regen fallt nich. Dat Thermometer sackt op 16 bit 15 Graad op de Eilanden un 13 bit 10 Graad in’t Binnenland. Morrn schient faken de Sünn, later treckt een paar Wulken op, de to’n Avend aver all wedder weg sünd – dat blifft dröög bi 23 bit 27 Graad, an de Küst un op de Eilanden bi 22 Graad. Middeweken schient de Sünn dör een paar dünne Wulken bi 24 bit 29 Graad. Dat weern de Narichten op Platt. Ulrike Müller hett se tohoopstellt. Op platt trechtmaakt un vörleest hett se Heidi Jürgens.