Jetzt läuft:

Fleetwood Mac The Chain
  • Als nächstes läuft:

  • Um 01:38 Uhr läuft: Madonna Secret
  • Jetzt läuft:

    Fleetwood Mac The Chain
  • Davor lief:

  • Um> 23:55 Uhr lief: Juanes La Camisa Negra
  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 5. August 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 5. August 2022

Bunnsregerung hett Gasümlaag besloten +++ Lufthansa: Lüüd, de an´n de Eer arbeidt kriegen düütlich mehr Geld +++ Düütlich mehr Stimmen för en Övergewinnstüer +++ Bahn: Fortweg na Hamborg is wedder free +++ Dode bi Füer in´t Viddel +++ Dat Weer

Bild: Radio Bremen

Informationen zum Audio

Bunnsregerung hett Gasümlaag besloten

Berlin. De Bunnsregerung hett de plante Gas-Ümlaag besloten. Dordör mööt Gaskunnen nich blots noch mehr betahlen, man dor komen noch mehr Kosten op se to. Mit dat Geld ut de Ümlaag will de Regerung afwehren, dat Ünnernehmen, de Gas na Düütschland rinbringen, bankrott gahn.

Lufthansa: Lüüd, de an´n de Eer arbeidt kriegen düütlich mehr Geld

Frankfurt an´n Main. Bi de Streiks vun de Lufthansa-Mitarbeiters, de an´n de Eer arbeiden doot, hebbt se den Dreih kriegt. De Konzern un de Gewarkschop Verdi sünd sick op en nejen Tarifverdrag för de binah 20.000 Mitarbeiders övereens kamen. Dorna gifft dat en Plus vun tominnst 325 Euro in´n Maand un noch mal 2,5 Perzent. De Verdrag hett en Looptiet vun 18 Maand.

Düütlich mehr Stimmen will en Övergewinnstüer

Bremen. In Düütschland gifft dat schienbor düütlich mehr Stimmen för en Övergewinnstüer. In den ARD-Düütschlandtrend seen 76 Perzent vun de Lüüd, de se fraagt hebbt, dat se en Extra-Stüer op hoge Extra-Profiten wegen den Ukraine-Krieg för richtig hollen. Bremen harr en Vörslag dorför in den Bunnsrat inbrochen. De Andrag wurr dor woll aflehnt. Aver neven Bremen sünd mittewiel ok noch annere Bunnslänner för de Övergewinnstüer.

Bahn: Fortweg na Hamborg is wedder free

Bremen. De Fohrtweg mit de Bahn twüschen Bremen un Hamborg is wedder free. Liekers is vun de Düütsche Bahn to hören, dat Töög later as dat plaant weer or gor nich fahren. De Streek weer siet güstern Avend wegen Schaden an de Hoochleitungen un wegen umstörtden Bööm na sworen Gewiddern dicht.

Dode bi Füer in´t Viddel

Bremen. De Füerwehr is an´n fröhen Morgen to en groten Insatz in dat Viddel utrückt. En Wohnung ünner dat Daak in de Naverschop vun den Zegenmarkt brann. Dorbi is en Minsch to Dode kamen. Man anners hett dor nüms wat afkregen. Dat vermellt de Füerwehr. Woso dat dorto kamen is, weet se noch nich.

Dat Weer

Un nu noch en Blick op dat Weer: in Deefholt un an’n Bremer Flegerhaben 17 un in Bremerhaben un in Emden sünd dat opstunns 18 Graad. Hüüt sünd vele Wulken an´n Heven. Hier un dor kann dat deegten Regen geven. Blitz un Donnerslag sünd ok hier un dor möglich. Af den Middag treckt de Regen af un de Sünn kann sick mehr un mehr dörsetten. De Wind weiht en beten bit in Maten vun de noordwesten Kant. An´n Namiddag starke Böen. Dat Thermometer wiest Temperaturen vun 19 bit 23 Graad. In de Nacht lösen sick de letzten Wulken op un de Sterns blinkern an´n Heven mit en poor Wulken bi Temperaturen vun acht bit 14 Graad. Morn fangt de Dag mit Sünnschien an. An´n Middag un Namiddag kamen en poor opstiegen Wulken dorto. Dat blifft aver dröög bi 19 bit 22 Graad. Sünndag mal Sünn, mal dichte opstiegen Wulken, aver wiedgahns dröög bi 19 bit 23 Graad.

Dat weern de Narichten op platt. Tohoopstellt hett se Claudine Bimmermann. Op Platt trechtmaakt un vörleest vun Markus Weise.