Jetzt läuft:

Charlie Puth feat. Meghan Trainor Marvin Gaye
  • Jetzt läuft:

    Charlie Puth feat. Meghan Trainor Marvin Gaye
  • Davor lief:

  • Um> 23:55 Uhr lief: Juanes La Camisa Negra
  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 4. August 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 4. August 2022

China fangt mit Militätmanöver an +++ USA stimmen för gröttere Nato +++ UNO-Generaalsekretär bekriddelt Ööl- un Gaskonzernen +++ Verscheden Reaktschonen op Corona-Plans +++ Bo-Anfang vun de LNG-Pipeline +++ Dat Weer

Bild: Radio Bremen

Informationen zum Audio

China fangt mit Militätmanöver an

Peking. As Reaktschoon op den Besöök vun de böverste US- Politikersch Pelosi in Taiwan hett China mit sien ankünnigden  Militärmanövern anfungen. Dat vermellden en poor chineesch Fernsehsender. De Manöver sünd op dat Meer twüschen China un Taiwan. Dat Ministerium för Afwehr in Taiwan makt künnig, dat se de Laag nipp an nau ankieken weern.

USA stimmen för gröttere Nato

Washington. De USA hebbt dorför stimmt, de NATO mit twee Noordlänner grötter to maken. Nadeem dat Aforntenhuus dorför weer, hett sick ok de Senat för de Opnahm vun Schweden un Finnland utspraken. Blots en eenzigste Senator hett mit Nee afstimmt. De Opnahm vun de beiden Länner in de NATO mutt vun de Parlamenten vun all dartig Mackers ut de NATO-Staaten afnickt weern.

UNO-Generaalsekretär bekriddelt Ööl- un Gaskonzern

New York. UNO-Generaalsekretät Guterres hett Rekord-Profiten vun Ööl- un Gaskonzern in dat Slamassel in Ogenblick bekriddelt un see, dat sick dat so nich höört. De Energie-Ünnernehmen harrn in dat eerste Viddeljohr op den Rüch vun de Lüüd, de so un so kien Geld hebbt, Profiten vun binah 100 Milliarden Dollar makt, see Guterres. Ehr Gier is dösig. De UNO-Generaalsekretär verlangt vun de Regeren op de ganzen Welt, op düsse gierigen Gewinnen Stüern to setten un de Middel to bruken, üm de Lüüd ohn Geld to ünnerstütten.

Verscheden Reaktschonen op Corona-Plans

Berlin. De Plans för en nejet Infektschoonsschutzgesetz vun den Bund hett verscheden Reaktschonen in Gang sett. Bundesjustizminister Buschmann see to de Plans an´n Avend in de ARD, dat in de Plans vun allens wat mit binnen weer. Wind vun Vörn  keem dorgegen ut en poor Bunnslännern. De Bund geev jüm to wenig Instrumenten, heet dat to´n Bispill ut Bayern un Baden-Württembarg. In den Gesetzvörslag is för Harvst un Winter en Maskenplicht för reisen Lüüd in Flegers un Bahnen vörsehn. In Krankehüüs un Pleegheimen schall en Testplicht dorto komen.

Bo-Anfang vun de LNG-Pipeline

Etzel. In den Landkreis Wittmund fangt de Bo för en neje Eerdgas-Pipeline an. Dormit schall dat inföhrde Natteerdgas vun en nejen Terminal in Wilhelmshaben wieder brochen weern.  All tohoop mööt 26 Kilometer boot weern. De Pipeline schall in en poor Maanten kloor ween. Egentlich duert so en Vörhebben en poor Johren.

Dat Weer

UUn nu noch en Blick op dat Weer: in Demorst 19, an’n Bremer Flegerhaben 27, in Bremerhaben 26 un in Nienborg sünd dat opstunns 28 Graad. Hüüt lacht eerstmal mit en poor dünnen Wulken de Sünn vun den Heven. Af den Namiddag könen eerste deegte Regenschuer un Gewidder mit Hagel, Gewaltschuer un Störmböen opkamen. De Wind weiht en beten bit in Maten. Dat Thermometer wiest 25 bit 35 Graad. In de Nacht trecken dichte Wulken mit noch mehr Blitz un Donnerslag un starken Regen över us weg. Dat Thermometer wiest denn 13 bit 17 Graad. Morn fangt de Dag mit dichten Wulken, Regen un Gewidder an. Hier un door is rusig Weer möglich. Af den Namiddag kann de Sünn jümmer mehr dör de Wulken kieken un de Temperaturen kladdern op 20 bit 23 Graad.

Dat weern de Narichten op platt. Tohoopstellt hett se Ulrike Müller. Op Platt trechtmaakt un vörleest vun Markus Weise.