Jetzt läuft:

Desireless Voyage, Voyage
  • Als nächstes läuft:

  • Um 09:24 Uhr läuft: the Righteous Brothers You'Ve Lost That Lovin' Feeling
  • Jetzt läuft:

    Desireless Voyage, Voyage
  • Davor lief:

  • Um> 09:16 Uhr lief: Travis Sing
  • Um> 09:13 Uhr lief: Bob Marley Could You Be Loved
  • Um> 09:08 Uhr lief: Starship Nothing's Gonna Stop Us Now
  • Um> 09:04 Uhr lief: Sniff 'n' The Tears Driver's Seat
  • Um> 08:56 Uhr lief: Roxette It Must Have Been Love
  • Um> 08:52 Uhr lief: Manfred Mann's Earth Band Davy's On The Road Again
  • Um> 08:48 Uhr lief: Scissor Sisters I Don't Feel Like Dancin'
  • Um> 08:45 Uhr lief: the Mamas and the Papas California Dreamin'
  • Um> 08:40 Uhr lief: Phil Collins In The Air Tonight

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 29. Juli 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 29. Juli 2022

Strengere Oplagen för Füllstand vun Eerdgasspieker gellen +++ Koorn-Exporten ut ukrainisch Havens stahn schienbar direktemang an +++ Lehrervernad worschaut vör Bildungsrückstannen op de Duer +++ Bahnkunnen mööt twüschen Bremen un Bremerhaben mit Maleschen reken +++ Binah 6000 Besökers fiern wedder „Watt en Schlick Festival“ +++ Dat Weer

Bild: Radio Bremen

Informationen zum Audio

Strengere Oplagen gellen för Füllstand vun Eerdgasspieker

Berlin. In Düütschland gellen stantepee strengere Oplagen för de Füllstannen vun de Eerdgasspieker. De Vörschrift gellt af vunmorgen. Se schrifft vör, dat de Spieker bit to´n eersten September to dree Viddels vullmaakt ween mööt. To´n eersten Oktober sünd denn 85 Perzent vörschreven. To´n eersten November 95 Perzent. As Wirtschaftsminister Habeck vermellt, makt de Bunnsregeerung allens, dormit dat mit dat Gas nich knapp warrt. In de verleden Maanden is man düütlich in Gang kamen. Liekers grummelt de Laag överall.

Koorn-Exporten ut ukrainisch Havens stahn schienbar direktemang an

Odessa. Koorn-Exporten ut de ukrainisch Havens stahn schienbar wedder direktemang an. De Vereenten Natschonen hebbt seggt, da dat stimmt, dat al beladen Frachtscheep in en poor ukrainisch Seehavens kloor sünd, aftoleggen. Dat weern de eersten ukrainisch Koorn-Exportens op den Seeweg siet den Anfang vun den russ´sch Angreep-Krieg. Möglich makt dat en Afkamen, dat de Ukraine, Russland un de Törkei verleden Week ünnerschreven harrn. Wegen utbleven Koornfrachten sünd de Vereenten Natschonen bang vör Hunger-Krisen op de Welt.

Lehrervernad worschaut vör Bildungsrückstannen op de Duer

Berlin. De Düütsche Lehrerverband worschaut vör Bildungsrückstannen op de Duer dör de Corona-Süük. Verbandspräsident Meidinger verlangt in dat „Redaktschonsnetwark Düütschland“ den Utbo vun dat Ophaalprogramm. Dorna sünd de Maleschen jümmer noch groot, de dör Ünnerrichtsutfall un Ünnericht vun Tohuus in de Corona-Johren oplopen sünd. De Löcker in Mathematik, Düütsch un Frömdspraken köönt en ganzen Generatschon von Schölers ehr Leven lang op de Fööt fallen, so Meidinger.

Bahnkunnen mööt twüschen Bremen un Bremerhaben mit Maleschen reken

Bremen. Bahnkunnen mööt twüschen Bremen un Bremerhaben-Lehe vundag an mit Maleschen reken. Mit den Verkehr op de Streek geiht bit to´n Anfang in twee Weken meist gor nix.  Grünnen sünd, as de Noordwestbahn vermellt, Wieken- un Gleisarbeiten. Dat geiht vör allen üm Töög vun de Regio-S-Bahn. Se hollen an´n fröhen Morgen un an´n laten Avend nich in den Hauptbahnhoff vun Bremerhaben. För en poor Fohrten twüschen de Anhoolpunkten Lehe, Hauptbahnhoff un Wulsdöörp weern bavento Bussen insett.

Binah 6000 Besökers fiern wedder „Watt en Schlick Festival“

Dangast. In dat Noordseebad an´n Jadebossen fiern af den Namiddag wedder binah söss-dusend Besökers dat „Watt en Schlick Festival“. De Veranstalter hebbt bit Sünndag mehr as 50 Künstler un Künstlerinnen op fief Bühnen ankünnigt. An´n Enn weern wedder de Düütschen Meisterschaften in dat Schlickrutschen in dat Watt vör dat Kurhuus in Dangast utdrogen.

Dat Weer

Un nu noch en Blick op dat Weer: in Emden 17, an’n Bremer Flegerhaben 18, in Bremerhaben 17 un in Deefholt sünd dat opstunns 18 Graad. Hüüt fangt wi mit velen Wulken an. In´n Verloop kann sick de Sünn af un an wiesen. An´n Namiddag fangt dat en beten an to regen, liekers koomt wi aver dröög dör den Dag. De Wind weiht en beten bit in Maten vun de noordwesten Kant. Dat Thermometer wiest 22 bit 26 Graad. In de Nacht eerstmal mehr Wulken un enkelte Schuer. Achteran lockern de Wulken vör allen in dat Weser-Ems-Landstück bi Temperaturen vun 12 bit 16 Graad op. Morn in dat Elv-Weser-Dreeeck Wulken, aver dröög. In dat Emsland kiekt de Sünn döör de Wulken. Hier un dor is ok en Regenschuer möglich. Dat Thermometer wiest 22 bit 25 Graad. Sünndag fangt dat mit Sünnschien an, ehrdat dichte Wulken un Regen bi 23 bit 27 Graad optrecken.

Dat weern de Narichten op platt. Tohoopstellt hett se Carsten Putz. Op Platt trechtmaakt un vörleest vun Markus Weise.