Jetzt läuft:

Roxette It Must Have Been Love
  • Als nächstes läuft:

  • Um 09:06 Uhr läuft: Sniff 'n' The Tears Driver's Seat
  • Jetzt läuft:

    Roxette It Must Have Been Love
  • Davor lief:

  • Um> 08:52 Uhr lief: Manfred Mann's Earth Band Davy's On The Road Again
  • Um> 08:48 Uhr lief: Scissor Sisters I Don't Feel Like Dancin'
  • Um> 08:45 Uhr lief: the Mamas and the Papas California Dreamin'
  • Um> 08:40 Uhr lief: Phil Collins In The Air Tonight
  • Um> 08:34 Uhr lief: Eagle-Eye Cherry Rising Sun
  • Um> 08:30 Uhr lief: Erasure Sometimes
  • Um> 08:26 Uhr lief: The Sweet Love Is Like Oxygen
  • Um> 08:22 Uhr lief: Soulsister The Way To Your Heart
  • Um> 08:19 Uhr lief: Shakira Whenever, Wherever

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 28. Juli 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 28. Juli 2022

Verbrukerschützers wüllt nee’e Hölpspaketen +++ Ukraine mellt Angrepen mit Raketen ut Belarus +++ Butenministersche Baerbock besöökt Grekenland un Törkei +++ Rohstoffen ut de Natur sünd hüüt de Reken na verbruukt +++ Perzess üm Metzangreep op Taxifohrer fangt an +++ Dat Weer

Bild: Radio Bremen

Informationen zum Audio

Verbrukerschützers wüllt nee’e Hölpspaketen

Berlin: Verbrukerschützers wüllt mehr Stöhn för de Börgers wegen de Energiepriesen, de jümmers mehr in de Hööchde gaht. De Bunnsregeern schall ophören to strieden un lever nee’e Hölpspaketen snören, säe de Böverste vun de Verbrukerzentralen Pop to de Zeitungen vun de Funke Mediengrupp. De Minschen maakt sik grode Sorgen. De Bunnsregeern mutt nu ennelk klipp un kloor seggen, wat op de Verbrukers tokummt, säe Pop.

Ukraine mellt Angrepen mit Raketen ut Belarus

Kiew: De Ukraine mellt nee’e Angrepen mit Raketen vun blangenan ut Belarus. Mehr as 20 Raketen hebbt se dor woll afschaten. Explosionen hett dat ok in’n Noorden vun de Hauptstadt Kiew geven.   

Butenministersche Baerbock besöökt Grekenland un Törkei

Athen: Bunnsbutenministersche Baerbock is in de tokamen dree Daag to Besöök in Grekenland un in de Törkei. Hüüt is se in en Flüchtlingslager in de Neegde vun Athen. Bavento will se sik mit ehren greekschen Amtskollegen un Ministerpräsident Mitsotakis drapen. Morgen will se in Istanbul ok mit den törkschen Kollegen tohoopkamen. Dorbi schall dat vör allen üm den Ukraine-Krieg gahn un üm de Kabbelee twüschen de beiden Lannen in de Ägäis.

Rohstoffen ut de Natur sünd hüüt de Reken na verbruukt

Berlin: De Minschen hebbt de Rohstoffen ut de Natur, de för dütt Johr praat staht, de Reken na al verbruukt. Dat hett dat Global Footprint Network in de USA un in de Swiez utrekent. De Dag, an den de Rohstoffen vun de Eer per Johr opbruukt sünd, kummt jümmer fröher. Ok Düütschland hett sien Andeel doran un hett na Utkunft vun de Ümweltorganisatschoon Germanwatch dat, wat de Bunnsrepublik tosteiht, al Anfang Mai opbruukt.

Perzess üm Metzangreep op Taxifohrer fangt an

Bremen: Vör dat Landgericht Bremen löppt vun hüüt an en Perzess wegen versöökten Moord. Vör’t Brett steiht en 34-Johriger, de an’n Anfang vun’t Johr in Bremen Gröpeln woll mehrmals mit en Metz op en Taxifohrer insteken hett. Na den Angreep schall he den Fohrer ut dat Auto trucken hebben, un is denn woll mit dat Taxi wegfohrt. Twee Daag later hebbt se em in Bremerhaben fastnahmen.

Dat Weer

Un nu en Blick op dat Weer: In Bremerhaben un Rotenborg 14, in Bremen un Emmen 15, in Brinkum 18,  un in Achim sünd dat opstünns 20 Graad. Hüüt geiht dat deels mit Sünnschien un dünne Wulken in den Dag, an de Küst gifft dat ok dichtere Wulken. An’n Vörmiddag schuuvt sik ok in’t Binnenland Wulken vör de Sünn, aver Regen fallt meist gor nich. An’n Namiddag lockert dat wedder op bi 18 bet 23 Graad. In de Nacht is de Heben toeerst licht wulkig. Üm Middernacht rüm treckt vun Noordrhein-Westfalen dichte Wulken op, de aver keen Regen bringt. De Temperaturen fallt op 14 bet 11 Graad. Morgen is dat toeerst wulkig. Later wiest sik af un an de Sünn, man de Wulken behollt de Bavenhand. To’n Avend hen kann dat vun’t Ossenbrügger Land her mehr Schuers geven. Dat Thermometer stiggt op 22 bet 27 Graad.

Dat weern de Narichten op platt. Tohoopstellt hett se Irene Lottes. Op Platt trechtmaakt un vörleest vun Marc Gelhart.