Jetzt läuft:

Phil Collins In The Air Tonight
  • Als nächstes läuft:

  • Um 08:45 Uhr läuft: the Mamas and the Papas California Dreamin'
  • Jetzt läuft:

    Phil Collins In The Air Tonight
  • Davor lief:

  • Um> 08:34 Uhr lief: Eagle-Eye Cherry Rising Sun
  • Um> 08:30 Uhr lief: Erasure Sometimes
  • Um> 08:26 Uhr lief: The Sweet Love Is Like Oxygen
  • Um> 08:22 Uhr lief: Soulsister The Way To Your Heart
  • Um> 08:19 Uhr lief: Shakira Whenever, Wherever
  • Um> 08:16 Uhr lief: Simon & Garfunkel Keep The Customer Satisfied
  • Um> 08:12 Uhr lief: The Hooters Johnny B
  • Um> 08:08 Uhr lief: Ed Sheeran Shape Of You
  • Um> 08:05 Uhr lief: David Dundas Jeans On

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 27. Juli 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 27. Juli 2022

Streiks to’n Wahrschaun leggt Lufthansa lahm +++ Russland drosselt dat Levern vun Gas wieter +++ Kuntrullzentrum för Utföhren vun Koorn fangt an to arbeiden +++ Laag bi Waldbrand in Sassen blifft keddelig +++ Tarifverhanneln geiht in de achte Runn +++ Dat Weer

Bild: Radio Bremen

Informationen zum Audio

Streiks to’n Wahrschaun leggt Lufthansa lahm

Frankfurt – Mit een Streik to’n Wahrschaun vun’t Boddenpersonal hett de Gewarkschupp Verdi de Flegers vun de Lufthansa bold heel un deel lahmleggt. Bedrapen darvun sünd ok de norddütschen Flegerhabens. In Bremen, Hannober, Hamborg un Münster blifft de mehrsten Fleger an’n Bodden, de vun München un Frankfurt kummt or darhen wüllt. An de Flegerhabens in’n Norrn sülfst ward nich lawayt, wiel de Opgaven vun’t Boddenpersonal vun Arbeitern maakt ward, de woanners anstellt sünd.

Russland drosselt dat Levern vun Gas wieter

Moskau – Russland hett, as ankünnigt, sien Levern vun Gas noch eenmal drosselt. As op een Internetsiet vun de Pipeline Nordstream Een vermellt ward, is dat, wat bitnu levert worrn is, hüüt fröh üm Klock 8 nochmal halbeert worrn. Russland seggt, dat weer ut technischen Grünnen. De Bunnesregeern glöövt dat man nich un meent, dar stickt politische Grünne darachter.

Kuntrullzentrum för Utföhren vun Koorn fangt an to arbeiden

Istanbul – Dat nee’e Kuntrullzentrum för ukrainsche Koorn-Transporte ut Istanbul nimmt vun Amts wegen sien Arbeit op. Dat Zentrum is een Deel vun een Afkamen, dat Russland, de Ukraine, de Türkei un de Vereenten Natschonen slaten hebbt. Se wüllt darop daal, dat de Scheep seker sünd, de Koorn ut ukrainschen Habens dör den Bosporus transporteert. Scheep, de trüchkamt, schüllt kuntrulleert weern, wiel Russland bang is, dat op düssen Weg Wapen in de Ukraine bröcht ward.

Laag bi Waldbrand in Sassen blifft keddelig

Bad Schandau – In’t Waldbrand-Rebeet in de Sächsische Swiez blifft de Laag keddelig. Ok in de Nacht weern rund 150 Hölperslüüd vör Ort üm to verhinnern, dat dat Füer leger ward. Dat brennt in een Flach, wo se nich good henkummt – dat maakt dat doot kriegen vun’t Füer so vigeliensch. Ok in’n Elbe-Elster-Kreis in’n Süden vun Brannenborg gaht de Füerwehrlüüd noch jümmers op rund 850 Hektar gegen de Flamms gegenan.

Tarifverhanneln geiht in de achte Runn

Bremerhaben – Dat Tarifverhanneln för de Habenarbeiters in de Nordseehabens is in de achte Runn gahn. Vertreder vun de Gewarkschupp Verdi un vun’n Zentralverband vun de dütschen Seehabenbedreeve hebbt sik online tohoopdaan un snackt. In den Tarifstriet is dat to’n ersten Mal siet Johrteinten to Streiks to’n Wahrschaun in de Habens kamen. Toletzt harr Verdi dat Löschen vun Scheep för 48 Stünnen lahmleggt.  

Dat Weer

Un nu een Blick op dat Weer: in Bremen, Bremerhaven un op Wangerooge 16 un in Deefholt sünd dat opstunns 17 Graad. Hüüt Vörmiddag schient blangen een paar Wulkenfellern ok länger Mal de Sünn, meist geiht dat dröög dör den Dag. De Wulken ward an’n Namiddag dicker, ehr se sik an’n Abend ok wedder oplööst, bi 18 bit 21 Graad. Tokamen Nacht geiht dat licht wulkig, later faken klaar un dröög wieter. Dat Thermometer sackt op 14 bit 13 Graad op de Eilanden un 9 bit 7 Graad in’t Binnenland. Morrn fangt de Dag mit Sünnschien un dünnen Wulken an, an de Küst sünd de Wulken all dicker. Later treckt dat denn ok in’t Binnenland to, ehr dat dat vun’n Namiddag an wedder oplockert – bi 18 bit 22 Graad. Freedag mehr Wulken as Sünn un hier un dar kann dat schuern, bi 22 bit 25 Graad. Dat weern de Narichten op Platt. Irene Lottes hett se tohoopstellt. Op platt trechtmaakt un vörleest hett se Heidi Jürgens.