Jetzt läuft:

Roxette It Must Have Been Love
  • Als nächstes läuft:

  • Um 09:06 Uhr läuft: Sniff 'n' The Tears Driver's Seat
  • Jetzt läuft:

    Roxette It Must Have Been Love
  • Davor lief:

  • Um> 08:52 Uhr lief: Manfred Mann's Earth Band Davy's On The Road Again
  • Um> 08:48 Uhr lief: Scissor Sisters I Don't Feel Like Dancin'
  • Um> 08:45 Uhr lief: the Mamas and the Papas California Dreamin'
  • Um> 08:40 Uhr lief: Phil Collins In The Air Tonight
  • Um> 08:34 Uhr lief: Eagle-Eye Cherry Rising Sun
  • Um> 08:30 Uhr lief: Erasure Sometimes
  • Um> 08:26 Uhr lief: The Sweet Love Is Like Oxygen
  • Um> 08:22 Uhr lief: Soulsister The Way To Your Heart
  • Um> 08:19 Uhr lief: Shakira Whenever, Wherever

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 26. Juli 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 26. Juli 2022

Gas-Noot-Plaan: EU hett sik woll enigt +++ Habeck: De Laag is eernst +++ FDP: AKWs schüllt bet 2024 lopen +++ Borkum: Gegen Bohren na Eerdgas +++ Land Bremen: Sössmal Apenpocken +++ Dat Weer

Bild: Radio Bremen

Informationen zum Audio

Gas-Noot-Plaan: EU hett sik woll enigt

Brüssel: As dat utsüht, sünd de EU-Staaten sik enig worrn: Ja, dat schall en Nootplaan geven, dat överall weniger Gas bruukt warrt. Dat weet dat Düütsche Presse-Kontor. Freewillig wüllt de Staaten in de tokamen Maanden 15 Perzent weniger an Gas verbruken. Dat de EU Vörschriften för dat Insporen vun Gas opsett, dor weren enige Staaten nich mit inverstahn. Schull dat en Plicht to’n Sporen geven, denn schall de Raat vun de Liddmaten dat fastleggen un nich de EU-Kommischoon. Op en Extra-Sitten wüllt de EU-Energieministers vundaag in Brüssel den Plaan in Gang setten.

Habeck: De Laag is eernst

Berlin: Wo de russsche Energiekunzern Gazprom weniger Gas levern will, hett Wirtschaftsminister Habeck seggt: De Laag is eernst. In de ARD meen Habeck: Düütschland müss Gas insporen. Dat Land müss tohoopstahn un seggen: Ja, de Kremlbaas Putin hett dat Gas, man wi hebbt de Knööv.

FDP: AKWs schüllt bet 2024 lopen

Berlin: Wo nich noog an Energie dor is, will de FDP, dat de Atomkraftwarken bet 2024 loopt. Bet dorhen fehlt Energie, sä de energiepolitsche Spreker vun de FDP-Bunnsdags-Frakschoon, Kruse, an de Bild-Zeitung. Un dor müss sik dat Land op instellen.

Borkum: Gegen Bohren na Eerdgas

Borkum: 19 Kilometer vör Borkum un Juist schall na Eerdgas bohrt warrn. De Ümweltschutz-Koppel Greenpeace will vundaag mit en Akschoon dor gegenangahn. An den Noordstrand hebbt se en Wal opstellt. Wenn se em opblaast, is he 14 Meter lang. Dor schüllt sik Feriengäst in den Sand leggen, so dat to lesen is: „No new Gas“.

Land Bremen: Sössmal Apenpocken

Bremen: In’t Land Bremen hebbt se bet nu sössmal de Apenpocken faststellt, för veer Kranke gellt dat noch. Nüms dorvun hett sik in Bremen ansteken. De Gesundheitsbehörd is aver bang, dat kunn noch veel mehr geven, vun de se nix weet – to’n Bispeel Lüüd, de nich wüllt, dat dat rutkummt. Dat gellt för Minschen, de mit Drogen un Sex gegen Geld to doon hebbt. Dorum gifft dat in’t Gesundheitsamt ok Testen un Beraden, wo een nich sien Naam angeven mutt.

Dat Weer

Un woans süht dat mit dat Weer umto ut? Opstunns hebbt wi in Bremen, Bremerhaven, Emm un Neenborg överall 19 Graad. Vundaag: Vele Wulken mit blots en poor helle Stücken dortwüschen. Vun de Noordsee her treckt ok de een oder anner Schuer rin. An’n Namiddag pladdert dat weniger, un de Regen treckt över de Aller af. Gegen Avend kriggt vun de Noordsee her mehr un mehr de Sünn de Bavenhand. Dat Thermometer krabbelt an de See op 18 bet 19 Graad, in Bremen un umto op 20 bet 21 Graad. De Wind dorto weiht flau vun de noordwesten Kant, an de See ok en beten mehr un mit deegte Böen. Tokamen Nacht: Eerst blots en poor Wulken, denn kaamt vun Oostfreesland dichtere Wulken rin, ut de dat aver blots en beten druppelt. Dat Ganze bi 14 bet 9 Graad. Morgen: Dichte Wulkenplacken mit ok kort mal Sünnschien dorbi. Meisttiets dröög. Vun Middag op an kriggt de Sünn de Bavenhand. Bi 19 bet 21 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Ulrike Müller.