Jetzt läuft:

Phil Collins In The Air Tonight
  • Als nächstes läuft:

  • Um 08:45 Uhr läuft: the Mamas and the Papas California Dreamin'
  • Jetzt läuft:

    Phil Collins In The Air Tonight
  • Davor lief:

  • Um> 08:34 Uhr lief: Eagle-Eye Cherry Rising Sun
  • Um> 08:30 Uhr lief: Erasure Sometimes
  • Um> 08:26 Uhr lief: The Sweet Love Is Like Oxygen
  • Um> 08:22 Uhr lief: Soulsister The Way To Your Heart
  • Um> 08:19 Uhr lief: Shakira Whenever, Wherever
  • Um> 08:16 Uhr lief: Simon & Garfunkel Keep The Customer Satisfied
  • Um> 08:12 Uhr lief: The Hooters Johnny B
  • Um> 08:08 Uhr lief: Ed Sheeran Shape Of You
  • Um> 08:05 Uhr lief: David Dundas Jeans On

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 25. Juli 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 25. Juli 2022

Mihambo verdeffendeert WM-Titel bi’n Wietsprung +++ Russland will ukrainsche Regeern afsetten +++ Paapst dreept Indigene in Kanada +++ Bovenschulte will Hölp för de Stadtwarke +++ „Diekbrand“ to Enn +++ Dat Weer

Bild: Radio Bremen

Informationen zum Audio

Mihambo verdeffendeert WM-Titel bi’n Wietsprung

Eugene – Bi de Leichtathletik-WM in den USA hett Wietspringerin Malaika Mihambo ehrn Titel verdeffendeert. De Olympiasiegerin hett sik mit 7 Meter 12 Gold holt. Mihambo hett darmit as eenzig dütsche Froo blangen Heike Drechsler tweemal Gold in’n Wietsprung bi een WM wunnen. Man liekers is bi düsse WM nich veel för Dütschland rutkamen, de dütsche Mannschupp harr vör Mihambo blots een Medaille holt: de 4 mal 100 Meter Staffel vun de Froons hett Bronze wunnen.

Russland will ukrainsche Regeern afsetten

Kairo – Russland hett to’n ersten Mal siet sien Angrepen op de Ukraine togeven, dat se op een Wessel vun de Regeern in’t Naverland daal wüllt. Butenminister Lawrow hett nu vermellt, dat dat Russland üm dat Afsetten vun de ukrainsche Regeern geiht. Bi sien Besöök in de ägyptische Hauptstadt sä Lawrow, de russische Regeern ward dat ukrainsche Volk helpen, sik vun dat - so wörtlich -„volks- un geschichtsfiendlich Regime“ in Kiew to befreen. Dat russische un dat ukrainsche Volk wöörn in Tokunft tohoopleven.

Paapst dreept Indigene in Kanada

Toronto – Paapst Franziskus besöökt vundaag, wo sien Kanada-Reis losgeiht, de Provinz Alberta in’n Westen vun’t Land. De Paapst ward Indigene drepen, ünner jem ehemalig Schöler vun katholischen Internaten. Vele vun jem sünd dar misshannelt or sexuell missbruukt worrn, dusende sünd an Krankheiten sturven or wiel se nich noog to eten harrn. Se rekent darmit, dat de Paapst darför üm Entschülligung beden ward.

Bovenschulte will Hölp för de Stadtwarke

Bremen – Börgermeister Bovenschulte hett vun’n Bund Hölp för Gemeend- un lüttjere Stadtwarke foddert. Dat sä he to de Zeitung „Welt“. Bovenschulte hett twars egens dat milliardensware Hölpspaket för den Gaskunzern Uniper loovt, man he sä buterdem, dat ok annere lüttjere Ünnernehmen ut dat Wertschuppsfeld schützt weern mööt. Neddersassens Ümweltminister Lies harr darto all an’n Freedag vermellt, Stadtwarke weern de Garant för noog Energie in’n nöchsten Winter. De Bund schall darüm ok jem helpen.

„Diekbrand“ to Enn

Nordholt – Rund 60-dusend Besöker hebbt an’t Wekenenn dat „Diekbrand“-Festival in Nordholt in’n Kreis Cuxhaben fiert. De Polizei is tofreden. Se hett bit Sünndag Abend 90 Straftaten faststellt un darmit een beten weniger as bi’n letzten Mal 2019. Meist is dar wat klaut worrn, Lüüd sünd een beten versehrt worrn or harrn mit Drogen to doon.

Dat Weer

Un nu een Blick op dat Weer: op Wangerooge 21, in Bremerhaven 24, in Deefholt 27 un in Bremen sünd dat opstunns 28 Graad. Hüüt Vörmiddag köönt all in’t Werser-Ems-Rebeet erste Druppen fallen or ok Grummelschuers opkamen. Later un an’n Abend kann besünners in’n Osten vun de Werser to’n Deel orrig wat daalkamen. Wi mööt mit rusig Weer un Stormboijen as ok Hagelslag reken. Vundaag 25 bit 28 Graad – na de Schuers ward dat dütlich köhler. Tokamen Nacht treckt jümmer wedder dicke Wulken mit korten Schuers dör. Darvun af is de Heben aver ok klaar un dat ward dröög. Dat Thermometer sackt op 16 bit 14 Graad. Morrn ward dat toerst mehr wulkig as fründlich un vun de Nordsee her kann dar een beten wat natt vun baben kamen. To’n Abend hen treckt de Regen aver af un de Sünn kiekt mehr un mehr rut – bi 18 bit 21 Graad. Dat weern de Narichten op Platt. Ulrike Müller hett se tohoopstellt. Op platt trechtmaakt un vörleest hett se Heidi Jürgens.