Jetzt läuft:

The Hooters Johnny B
  • Als nächstes läuft:

  • Um 08:16 Uhr läuft: Simon & Garfunkel Keep The Customer Satisfied
  • Jetzt läuft:

    The Hooters Johnny B
  • Davor lief:

  • Um> 08:08 Uhr lief: Ed Sheeran Shape Of You
  • Um> 08:05 Uhr lief: David Dundas Jeans On
  • Um> 07:56 Uhr lief: Robin Gibb Juliet
  • Um> 07:52 Uhr lief: Counting Crows feat. Vanessa Carlton Big Yellow Taxi
  • Um> 07:50 Uhr lief: Van Morrison Crazy Love
  • Um> 07:46 Uhr lief: Gianna Nannini I Maschi
  • Um> 07:43 Uhr lief: Timbaland feat. One Republic Apologize
  • Um> 07:37 Uhr lief: Cat Stevens Peace Train
  • Um> 07:34 Uhr lief: Men Without Hats The Safety Dance

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 21. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 21. Juni 2022

Nordstream 1: Gas ut Russland löppt wedder +++ Regerung in Italien maakt woll nich wieder +++ Bahn twüschen Bremen un Neenborg +++ Diekbrand-Festival in den Kreis Cuxhaven geiht los +++ Füer in Bremen +++ Dat Weer

Bild: Radio Bremen

Informationen zum Audio

Nordstream 1: Gas ut Russland löppt wedder

Lubmin: Teihn Daag lang sünd de Rohren vun Nord Stream 1 dörkeken worrn, nu löppt wedder Gas vun Russland na Düütschland. Dat hett en Mann vun de Nord Stream AG in Mäkelborg-Vörpommern seggt. Nich kloor is aver, wo veel Gas dör de Oostsee schickt warrt. De Baas vun dat Bunns-Nettkontor Müller rekent mit nich mehr as 30 Perzent vun dat Gas, wat dor dör kann. Vörher sünd dat 40 Perzent ween.

Regerung in Italien maakt woll nich wieder

Rom: Ministerpräsident Draghi vun Italien warrt Staatspräsident Matarella anbeden, dat he ut sien Amt geiht. Dat hett he vunmorgen in de Afgeordneten-Kamer anseggt. Middewiel is he bi Matarella ankamen. Güstern Avend hebbt se in’t Parlament över de Vertruensfraag afstimmt. In den Senat harrn vun de Regerungsparteien nich vele för em stimmt. De Linkspopulisten vun de Fief-Steerns, de rechtspopulistische Lega un de konservative Forza hebbt gor nich eerst Ja oder Nee seggt.

Bahn twüschen Bremen un Neenborg

Bremen: En tweien Gleisövergang bi Neenborg sorgt siet güstern Avend dorför, dat bi de Bahn twüschen Bremen un Hannover blots wenig löppt. De Bahnen na wietweg fohrt en groten Ümweg un kaamt en Barg later an. De Regionalbahnen fohrt aver un sünd blots en poor Minuten to laat. Mit dat Repareren kunn de Bahn eerst in de Nacht anfangen, wo de Gleisen güstern to hitt worrn weren. Wo lang dat noch duert, kunn de Bahn noch nich seggen.

Diekbrand-Festival in den Kreis Cuxhaven geiht los

Nordholt: In den Landkreis Cuxhaven geiht vunavend dat Diekbrand-Festival los. Bet Sünndagavend loopt op fief Bühnen sowat hunnert Kunzerten mit Rock un Pop. De Polizei seggt: Kunn ween un vundaag gifft dat en beten Kummer bi de Henfohrt. Mit 60.000 Tokiekers is Diekbrand een vun de gröttsten Festivals in Düütschland. In de verleden twee Johr weer dat vunwegen Corona utfullen.

Füer in Bremen

Bremen: De Füerwehr müss güstern Avend meist to desülvige Tiet tweemal utrücken. In Horn-Lehe sünd gegen Klock 9 Flammen ut de böverste Etaasch vun en Huus för mehrere Familien kamen. De Füerwehr müss dor enige Minschen ruthalen, de nich ut‘t Bett rutköönt. Brennt hett dat ok in en Kamer för Patschenten op dat Buten-Flach vun dat Klinikum Bremen-Oost. Een Minsch müssen se na‘t Krankenhuus bringen.

Dat Weer

Un woans süht dat mit dat Weer umto ut? Opstunns hebbt wi in Bremen 18 Graad, in Deefholt sünd dat 19 Graad un in Bremerhaven un Cuxhaven 20 Graad. Vundaag: Wulken över Wulken, un ut de fallt jümmers wedder Natts hendaal, ok mit Blitz un Dunnerslag. Twüschen de Ems un de Werser köönt sowat 20 bet 40 Liter op den Quadraatmeter daalkamen. In’t natte Dree-Eck twüschen Elv un Werser blifft dat lange Tiet dröög, un wi köönt mit Sünnschien reken. Eerst in de Nacht höört de Regen vun Westen her pö a pö op. Dat Thermometer krabbelt an de See op 20 bet 21 Graad, in Bremen un na Süden to op 24 bet 25 Graad. De Wind dorto weiht in’t Binnenland flau oder en beten mehr vun de süüdwesten Kant, an de See ut Noordwest bet Noord. Tokamen Nacht: Jümmers noch en Barg Wulken. De Regen treckt över de Lünborger Heid af. Achteran kriegt wi af un an mal de Steerns to sehn. Bi 16 bet 14 Graad. Morgen: Mal mehr, mal weniger Wulken. An de See waagt sik de Sünn meist gor nich rut, eerst gegen Avend kriegt wi mehr vun ehr to sehn. Meist överall dröög bi 18 bet 22 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.