Jetzt läuft:

Bruce Springsteen My Hometown
  • Jetzt läuft:

    Bruce Springsteen My Hometown
  • Davor lief:

  • Um> 23:55 Uhr lief: Juanes La Camisa Negra
  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 4. Juli 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 4. Juli 2022

Tominnst dree Dode in Kopenhagen +++ Selenskyj: Ukrain`sche Armee treckt ut Lyssytschansk af +++ Beraden to Inflatioon in`t Kanzleramt +++ Swienspest: Veehdoktors kontrulleert Bedrieven in´t Emsland +++ Beraden över Schutz vun Krallenriffe +++ Dat Weer

Bild: Radio Bremen

Informationen zum Audio

Tominnst dree Dode in Kopenhagen

Kopenhagen: In een Block mit Ladengeschäften in de Stadt sünd tominnst dree Minschen dör scheten to Dode kamen. Luut Polizei sünd bi de Attack gistern noch mehr Minschen verletzt wurrn. Bi dree vun jem geiht dat um Leven un Doot. Woso dat passeert is is noch nich klar. De Polizei hett eenen 22-Jöhrigen in´t Tosamenhang mit de Saak fastsett. De Mann, de dat womööglich maakt hett, is de Polizei bekannt, man nich besünners good, so heet dat. Beamte, de dat Malöör ünnersöcht, glöövt bet nu, dat he alleen hannelt hett.

Selenskyj: Ukrain`sche Armee treckt ut Lyssytschansk af

Lyssytschansk: In´t Osten vun de Ukraine hett sik de ukrain`sche Armee, as dat schient, ut de Stadt, dor wo veel schaten warrt, aftrocken. Dat hett Präsident Selenskyj in siene Videobotschaft ut de Nacht seggt, dat dat wohr is. An´t Enn schall de Ukraine wedder de Kontroll över dat Landstück kriegen, seggt Selenskyj. Dat schall mit de Taktik vun de Armee un nee`e un betere Waffen klappen. Lyssytschansk is de letzte gröttere Bastion vun de Ukrainer in Luhansk wesen.

Beraden to Inflatioon in`t Kanzleramt

Berlin: Vertrederinnen un Vertreder vun de Bunnsregerung, un ok vun Gewarkschaften un Arbeitgever willt sik hütt över de Verbruckerpriese besnacken, de mehr un mehr warrn. Ok de Präsident vun de Bunnsbank Nagel is mit vun de Partie. In´t Mittelpunkt steiht de Frag, wat man gegen de aktuelle hoge Inflation maken kann. Bunnskanzler Scholz hett to de ADR seggt, dat he de düchtig anstiegen Priese as sozialen Sprengstoff sücht.

Swienspest: Veehdoktors kontrulleert Bedrieven in´t Emsland

Emsbüren: Na den Utbruch vun de Afrikan´sche Swienspest in eenen Stall in´t Kreis Emsland staht rund 300 Bedrieven mit an de 200.000 Derten ünner de Kontrull vun de Veehdoktors. Üm den Betriev hebbt se för de kamen 30 Dage eene Sperrzone in een Radius vun insgesamt 10 Kilometers inricht. De Veehdoktors nehmt nu Stichproben ut de Bedrieven vun de Sperrzone, üm den Krankmaker op de Spur to kamen. Dat is noch nick klar, woso dat to dat Utbreken kamen is.

Beraden över Schutz vun Krallenriffe

Bremen: In de Stadt geiht hütt de weltwiet gröttste Krallenriffkonverenz los. Dorbi sünd 1.000 Wetenschaftlerinnen un Wetenschaftler ut mehr as 80 Länner. Ok Bunnsümweltminister´sche Lemke un Föörst Albert vun Monaco sünd mit vun de Partie. Dat is dat eerste Mal, dat de Krallenriffkonferenz in Europa utricht warrt. De gröttste Gefohr för de Riffe is de Klimawannel: Wiel de Ozeane jümmer warmer un ok surer warrt, lööst sik de Kalkstrukturen vun de Krallen op. Dorto kummt noch dat se to vele Fische fangt un toveel Dünger in de Meere haut.

Dat Weer

Un nu een Blick op dat Weer: in Defhold, in Bremen un in Bremerhaven 17,un in Cuxhaben sünd dat opstünns 18 Graad. Hütt schient meist den ganzen Dag de Sünn, to´n Avend hen kummt mehr un mehr dicke, opstiegende Wulken op, de ok to de Küst hen Regen mitbringt, bi 19 bit 25 Graad. Tokamen Nacht treckt de Schuers denn na Osten hen af. Dor sünd noch een paar Wulkenfeller ünnerwegens, bi 15 bit 10 Graad. Morrn geiht dat ok erst fründlich mit Sünnenschien los, man denn billt sik mehr un mehr opstiegende Wulken. Hier un dor kann dat mal so´n beten drüppeln.To´n Avend hen löst sik de Wulken meist op. De Temperaturen liggt bi 19 bit 22 Graad. Middeweeken is dat jüst so wesselhaft. Dat gifft eenen Mix ut Sünn un Wulken. An´t Nomdag treckt vun de See un de Nedderlannen her dichte Wulken op, de Schuers mit sik bringt, bi 19 bit 21 Graad. Dat weren de Narichten op Platt. Tohoopstellt hett se Ulrike Müller. Trechtmaakt un vörleest hett se Antje Kruppa.