Jetzt läuft:

Juanes La Camisa Negra
  • Als nächstes läuft:

  • Um 00:46 Uhr läuft: Supertramp Give A Little Bit
  • Jetzt läuft:

    Juanes La Camisa Negra
  • Davor lief:

  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 1. Juli 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 1. Juli 2022

Kassendoktors verlangen Ut för Corona-Test för ümsünst +++ Neje Regeln un Gesetze gellen för Minschen in Düütschland +++ Vele Dode bi Angreep in de Ukraine +++ Grundstüür warrt nee utrekend +++ Düchtig Gewidder sett Füer in Gang +++ Dat Weer

Bild: Radio Bremen

Informationen zum Audio

Kassendoktors verlangen Ut för Corona-Test för ümsünst

Berlin. De Kassendoktors in Düütschland verlangen en Enn vun de Corona- Börger-Tests. De Opwand mit den Papeerkraam is gewaltig un wat dorbi ruut koomt is nix weert, see Verbandsbaas Gassen to de Bild-Zeitung. Siet güstern sünd de Börgertests nich mehr för all Lüüd ümsünst. In en Schrieven an Gesundheitsminister Lauterbach künnigen de Kassendoktors an, de Tests in Tokunft nich mehr aftoreken.

Neje Regeln un Gesetze gellen för Minschen in Düütschland

Berlin. Vun hüüt an gellen vele Ännerungen för Minschen in Düütschland. De Renten stiegen in Oostdüütschland üm söss Perzent un in den Westen vun Düütschland üm goot fief Perzent. Bavento stiegt de Minnstlohn op 10,45 Euro. Wegen de stark anstegen Energiepriesen gift dat för vullwussen Lüüd, de Hartz veer kriegen, in´n Juli en Eenmal-Geld vun 200 Euro. Lüüd, de Arbeitslosen-Geld kriegen, könen eenmal mit 100 Euro mehr reken. Un ok dat Kinnergeld warrt eenmal üm 100 Euro ropsett.

Vele Dode bi Angreep in de Ukraine

Odessa. Bi Raketenangrepen in de Gegend Odessa sünd na nejen ukrainisch Angaven tominnst 17 Minschen to Dode kamen. Ünner annern wurr en Wahnhuus mit negen Etaaschen drapen. De ukrainisch Behörden seggen, dat Russland dor Schuld an is. Dat russ´sch Militär stried dat jümmer wedder af, extra Hüüs un Anlagen in de Ukraine antogriepen.

Grundstüür warrt nee utrekend

Bremen. In dat Land Bremen mööt all Lüüd, de en Stück Land tohöört, den Finanzbehörden Daten, as to´n Bispill de Grötte vun dat Stück Land, mitdelen. Dat is, wiel de Grundstüür nee utrekend warrt. Dorto is bit Oktober Tied. In dat Land Bremen gellt dat för knapp 240.000 Wahnungen un Grundstücken. In Neddersassen 3,6 Millionen. De neje Grundstüer steiht eerst 2025 an.

Düchtig Gewidder sett Füer in Gang

Sieke. Blitzinslagen hebbt in de Nacht in de Gegenden en poor Füer in Gang sett: Bi Sieke fung de Daakstohl vun een Reeghuus Füer, in Hatten brann en Schüün af. Un in Drebber in´n Landkreis Deefholt is en Blitz in en Swien-Mast-Anlaag inslogen. As de Polizei vermellt, sünd de mehrsten vun de 260 Deerten doodbleven.

Dat Weer

Un nu noch en Blick op dat Weer: in Achim 20 , an’n Bremer Flegerhaben un in Bremerhaben 16 un in Groden Kneten sünd dat opstunns 15 Graad. Hüüt fangt de Dag mit dichten Wulken un to´n Deel mit degten Schuern mit Blitz un Donnerslag an. Bit to´n Namiddag regent dat döörgahns. In´n Verloop vun´n Namiddag lockern de Wulken op un an´n Avend lacht de Sünn doch noch döör de Wulken. De Wind weiht en beten bit in Maten. Dat Thermometer wiest 19 bit 22 Graad. In de Nacht lösen sick de Wulken op un hier un döör sünd ok de Sterns to sehn. Dat blifft dröög bi thein bit 14 Graad. Morn schient binah överall de Sünn. In´n Verloop vun´n Dag trecken en poor Wulken op. Dat blifft aver dröög bi 22 bit 26 Graad. Sünndag: Sünn, Wulken un an´n Namiddag viellicht en beten Regen bi 21 bit 26 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Markus Weise.