Jetzt läuft:

Robert Palmer I'Ll Be Your Baby Tonight
  • Jetzt läuft:

    Robert Palmer I'Ll Be Your Baby Tonight
  • Davor lief:

  • Um> 23:55 Uhr lief: Juanes La Camisa Negra
  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 30. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 30. Juni 2022

Nato-Topdrepen to Terrorismus un Krise üm un Drinken +++ Corona-Tests vun hütt an nich mehr ümsünst +++ Energiewirtschaft: Mehr Flachen för Windrööd +++ Verkehrsbiraad will Verkehr in de Bremer Binnenstadt minnern +++ Bremen is sekerer Oort to wohnen, man hett keen Utstrahlung +++ Dat Weer

Bild: Radio Bremen

Informationen zum Audio

Nato-Topdrepen to Terrorismus un Krise üm un Drinken

Madrid: An´t tweeten un letzten Dag vun´t Nato-Topdrepen besnackt sik de Staats-un Regerungsbosse hütt över den Kampf gegen den Terrorismus. Wieter kümmt op´t Tapeet de Krise üm Eten un Drinken, de dör den Krieg in de Ukraine tostann kamen is. Ok geiht dat üm den Influss vun Russland un China op Länner in Afrika. Gistern harrn de Nato-Staaten eene nee`e Grundsatzstrategie besloten üm den Weg för den Bitritt för Finnland un Sweden free to maken.

Corona-Tests vun hütt an nich mehr ümsünst

Berlin: Corona-Gautests sünd vun hütt an nich mehr för all ümsünst. Blots noch bestimmte Risikogrupps mööt nix doför betahlen. Dorto höört Kinner bit to fief Johren, Froenslüüd de Mudder wardt, in de ersten dree Maand, un ok Besöker vun Plegeheime un Krankenhüüs. Ok keen sik ut medizinische Grünnen nich impfen laten kann, draff sik wieter ümsünst testen. All annern mööt pro Test 3 Euro betahlen.

Energiewirtschaft: Mehr Flachen för Windrööd

Berlin: De Bunnsverband vun de Energie-un Waterwirtschaft verlangt dat man düütlich mehr Flachen för nee`e Windrööd inplaant. De Böverste, de de Geschäften föhrt, Andreae verlangt, dat man dat Flachenziel vun bit nu twee, op bit to veer Perzent hoch sett. Dat hett se in een Interview mit de Bildzeitung seggt.

Verkehrsbiraad will Verkehr in de Bremer Binnenstadt minnern

Bremen: In de Binnenstadt willt se den Verkehr mit de Autos in de kamen Johren wieter minnern. De Verkehrsbiraad is dorbi eenen nee´enVerkehrsentwicklungsplaan uttoarbeiden. De Biraad kann sik ok vörstellen, dat in de Tokunft tweespurige Utfallstraten op eene Spur enger maakt wardt. Op de tweete Spur kunn denn de Fahrradweg sien. Senatorin för Mobilität Schäfer will ok nakieken, wat de Lüüd in Tokunft ümstünst mit Busse un Bahnen fohren künnt. Üm dat betahlen to können kummt för den Biraad ok in Frage, de Grundstüer hoch to setten un dat Geld ut de Touristen-Hotelafgaav intosetten.

Bremen is sekerer Oort to wohnen, man hett keen Utstrahlung

Bremen: De Stadt Bremen is as Oort to wohnen seker un levensweert. Man as Standoort för de Wirtschaft wardt Bremen vun buten nich wahrnohmen. Dat is bi eenen Ümfrage in den Verglick vun düütsche Städte bi rutsuert. Dorna steiht Bremen för de Lüüd, buten vun Bremen, meist för de Stadtmuskanten, Werder Bremen und Maritimes, man nich för Ruumfohrt, Logistik, Mercedes un de Autoindustrie. Den Opdrag för dat Ünnersöken harr de Vereen „Ünnernehmen för Bremen“ geven. In den Vereen hebbt sik Deele vun de Privatwirtschaft organiseert.

Dat Weer

Un nu een Blick op dat Weer: in Achim, in Deefhold un in Bremerhaven 20,un in Bremen sünd dat opstünns 21 Graad. Hütt lacht us de Sünn den ganzen Dag an, dor is blots af un an mal een lockere Wulk to sehn. Erst gegen Avend treckt vun´t Emsland her Wulken op un wi mööt mit Schuers mit Blitz un Dunnerslag reken, bi 24 bit 30 Graad. Tokamen Nacht wardt de Wulken wedder dichter un dat gifft jümmers noch Gewidder. Dat kann düchtig pladdern un störmsche Böen puust us önnig üm de Nees, bi 17 bit 15 Graad. Morrn geiht dat denn ok erst mal mit Regen, düchtige Schuers un Gewidder los. To´n Nomdag hen lockert de Wulken denn vun Ostfresland un dat Emsland her op un de Sünn kriegt wi denn doch noch to sehn. De Temperaturen liggt bi 16 bit 21 Graad. Sünnavend schient denn wedder de Sünn för us. Dor is blots af un an mal een Wulk to sehn, dat blifft dröge bi, bi 22 bit 26 Graad. Dat weren de Narichten op Platt. Tohoopstellt hett se Ulrike Müller. Trechtmaakt un vörleest hett se Antje Kruppa.