Jetzt läuft:

Prince & The Revolution I Would Die 4 U
  • Jetzt läuft:

    Prince & The Revolution I Would Die 4 U
  • Davor lief:

  • Um> 23:55 Uhr lief: Juanes La Camisa Negra
  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 29. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 29. Juni 2022

Regerungsbaas freit sik, dat de Törkei nageevt in den NATO-Striet +++ Düütschland un de Nedderlann levern wiedere Panzerhaubitzen in de Ukraine +++ Neewagen in de EU schüllt vun 2035 af an emissionsfree ween +++ Debatt dorüm wat achter dat 9-Euro-Billjet nakaamt +++ Bremen kickt sik nip un nau en Abgaav för Pendler na de Arbeit an +++ Dat Weer

Bild: Radio Bremen

Informationen zum Audio

Regerungsbaas freit sik, dat de Törkei nageevt in den NATO-Striet

Washington: De Staats- un Regeerungsbaas vun de NATO sünd tofreeden, dat de Törkei nu doch tostimmt vunwegen dat de NATO in´n noorden grötter warrt. US-Präsident Biden see, Finnland un Schweden warrt as Liddmaaten de ganze Maatschaft goot doon, man ok de britsche Premier Johnson meent dat so. An Avend hett de Törkei den Wedderpart opgeven, so dat nu för all beid Länner de Döörn apen staht. Finnland un Schweden wüllt rin in de Afwehrmaatschft, vunwegen den Angreepskrieg vun Russland gegen de Ukraine.

Düütschland un de Nedderlann levern wiedere Panzerhaubitzen in de Ukraine

Berlin: Düütschland un de Nedderlann hebbt wiedere Militärhölp för de Ukraine künnig maakt. Se wüllt tohoop söss wiedere Panzerhaubitzen levern, dat maakt Ministersch för´t Verdeffenderen Lambrecht un ehre nedderlänsche Amtskoleegsche Ollongren ehrder dat NATO-Topp-Drepen bekannt, dat an Morgen in de spaanschen Hauptstadt Madrid losgung. Alltohoop kriggt Kiew nu achteihn Panzerhaubitzen 2000, de as de neesten Artilleriegeschütze vun de Bunnswehr gellen.

Neewagen in de EU schüllt vun 2035 af an emissionsfree ween

Luxemburg: De EU wüllt vun 2035 af an blots noch Neewagen tolaaten, de keen Kohlengas mehr in de Luft puust. Doröver sünd sik de EU-Umweltminister in´ne Nacht eenig wurrn. Nich kloor is dorbi, of Neewagen mit Verbrennerandrieven tolaaten warrt, de mit synthetischen Spriet föhrt. De EU-Staaten mööt nu mit dat EU-Parlament op een Brett kamen, de hebbt sik dorvör stark maakt Verbrenner vun 2035 af an heel un deel to verbeden.

Debatt dorüm wat achter dat 9-Euro-Billjet nakaamt

Berlin: De Linke un de Sozialverband Düütschland verlangt, dat achter dat 9-Euro-Billjet utlopen is, wedder wat nakaamt, wat nich veel köst. To de Funke-Medien-Grupp hett Linke-Fraktschoonsbaas Bartsch den Vörslag maakt, dat en Billjet 365 Euro in´t Jahr köst – also 1-Euro per Dag. Dat bringt veel Minschen Luft, un is goot för dat Klima. Man ok de Sozialverband Düütschland verlangt, dat Bus un Bahn op duer günstig ween mööt. Dat 9-Euro-Billjet gellt bet August. Betnu kann sik de Bunnsregerung nich vörstellen, so en Billjet länger lopen to laaten.

Bremen kickt sik nip un nau en Abgaav för Pendler na de Arbeit an

Bremen: Dat Land Bremen kickt sik nip un nau an, of dat en besünnere Afgaav för Pendler geven schall. Dat steiht in en Papeer vun den nee´en Verkehrsentwicklungsplaan. Mit dat wat dor rinkaamt, schall den Bus un Bahn utboet warrn, weniger kösten or ok nix kösten. De tostännige Projektbiraat will hüüt besluten, of man den Plaan wiederhen nahgeiht. Denn mööt de Senaat un de Börgerschaft „Ja“ dorto seggen.

Dat Weer

Un nu kiekt wi op dat Weer: In Bremerhaben sünd dat 19 Graad, in Bremen un Cuxhaben hebbt wi 20 Graad un in Rottenborg sünd dat opstunns 21 Graad. Hüüt maakt sik, achteran de Sünn lacht, vun den Middellandkanaal dicke Wulkenfeller breet. An Namiddag un Avend hebbt de Wulken denn de Bavenhand. Mach ween, dat wi hier un dor enkelte Schuer un Gewidder kriegt, meist is dat aver dröög. De Wind weiht flau bet in Maaten af un an ok bööig vun de osten Kant, dat Thermometer wiest 23 bet 26 Graad. In de Nacht mal mehr mal weniger Wulken, man ok de Steerns köönt wi funkeln sehn un dat blifft dröög, bi 17 bet 13 Graad. Morgen lacht meist de Sünn hier un dor wannert ok mol en Wulk vörbi. An Avend rullt vun de Ems her denn Schuer un Gewidder ran. Dat Thermometer kladdert an de Küst op 24 bet 26 Graad un in´t Binnenland op 27 bet 29 Graad.

Dat weren de Plattdüütschen Narichten. Tohoopstellt vun Anja Guse. Op Platt trechtmaakt un vörleest vun Martina Brünjes.