Jetzt läuft:

Madonna Secret
  • Als nächstes läuft:

  • Um 01:43 Uhr läuft: Markus Ich Will Spaß (Hits & Storys)
  • Jetzt läuft:

    Madonna Secret
  • Davor lief:

  • Um> 23:55 Uhr lief: Juanes La Camisa Negra
  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 27. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 27. Juni 2022

Selenskyj bi G 7 toschalt +++ Fastsetten in de Törkei +++ Ozean-Konferenz geiht in Portugal los +++ Neddersassen will mehr Schoolmester un Schoolmesterinnen +++ Wellenbrock winnt tweete Goldmedallie +++ Dat Weer

Bild: Radio Bremen

Informationen zum Audio

Selenskyj bi G 7 toschalt

Elmau: An den tweeten Dag vun dat G7-Topdrepen willt de Staats-un Regerungsbosse sik in de Hauptsaak över den Krieg in de Ukraine beraden. De ukraische Präsident Selenskyj is per Video mit vun de Partie. Vördem hett he all noch mehr Militärhölp för sien Land fördert. Later kummt denn noch de Staats-un Regerungsbosse vun Indonesien, Südafrika, Indien, Senegal un Argentinien dorto, üm sik tosamen över Straafen gegen Russland to beraden. Gegner vun dat G7-Topdrepen hebbt för den Vomdag wietere Proteste ankünnigt. Ok is een Steernmarch ut mehrere Richtungen to den Ort vun dat G7 Drepen plaant.

Fastsetten in de Törkei

Istanbul: In de törksche Stadt hett de Polizei eene “Pride-Parade”, de nich verlövt wesen is, oplööst. Bi de Proteste för de Rechte vun nich-heterosexuelle Minschen sünd mehr as 200 Minschen in Arrest kamen, so de Utrichter. Ok wenn veel Polizei dor wesen is, hebbt sik vele Minschen versammelt un Regenboogflaggen swenkt. Anwohners hebbt ut Protest gegen dat Fastsetten vun de Lüüd luut op Pötte un Pannen haut.

Ozean-Konferenz geiht in Portugal los

Lissabon: Hütt geiht de tweete Ozeankonferenz vun de Vereente Natschonen los. Politiker, Wetenschaftler un de Vertreder vun Ünnernehmen un Organisationen, de nich in de Regerung sünd, willt bit Freedag doröver snacken, wo man de Weltmeere beter schützen un bruken kann. De Ozeane liedt jümmers mehr an to veel Müll, doran dat man to vele Fische fangt un dat dat jümmers warmer warrt op de Eer.

Neddersassen will mehr Schoolmester un Schoolmesterinnen

Hannover: De Kulturminister Tonne ut Neddersassen will mehr Schoolmester un Schoolmesterinnen na Neddersassen holen. He hett dorför een „Lehrkraft Gewinnungspaket“ vörstellt. Dorbi geiht dat ok üm eenen lichteren Dwars-Instieg un dat Verännern vun de Utbildung. De Verband vun de Lehrkräfte ut Neddersassen hett an´t Wekenenn vun eenen överdüütlichen Mangel an Schoolmesters in´t kamen Schooljahr snackt. Dat is nu all klar, dat denn Ünnerricht utfallt.

Wellenbrock winnt tweete Goldmedallie

Budapest: De Bremer Swimmstar Florian Wellbrock hett siene tweete Goldmedallie bi de Weltmesterschaft in Budapest wunnen. Es hett in´t Freewater Wettbewarb över 5 Kilometer wunnen. Wellenbrock harr de Näs vörn vör den Italiener Gregorio Paltrinieri un den Ukrainer Machailo Romantschuk.

Dat Weer

Un nu een Blick op dat Weer: in Cuxhaben, in Bremerhaven un in Bremen 16, un in Dörverrn sünd dat opstünns 17 Graad. Hütt gifft dat denn ganzen Dag jümmers wedder Schuers. Blots af un an kummt de Sünn mal dör, bi 19 bit 21 Graad. Tokamen Nacht treckt de Schuers över de Elb af un de Heven klart op. De Temperaturer liggt bi 16 bit 11 Graad. Morrn gifft dat eenen fründlichen Mix ut Sünnenschien un opstiegende Wulken. Hier un dor kann dat mal so´n paar lütte Schuers geven. An de Küst is dat fründlicher, bi 21 bit 26 Graad. Middeweeken geiht dat erst fründlich los, man denn treckt vun´t Süden her dichte Wulken op un dat kann düchtig krachen, mit Blitz un Dunnerslach, bi 24 bit 27 Graad. Dat weren de Narichten op Platt. Tohoopstellt hett se Ulrike Müller. Trechtmaakt un vörleest vun Antje Kruppa.