Jetzt läuft:

Alphaville Big In Japan
  • Als nächstes läuft:

  • Um 01:23 Uhr läuft: Coldplay Viva La Vida
  • Jetzt läuft:

    Alphaville Big In Japan
  • Davor lief:

  • Um> 23:55 Uhr lief: Juanes La Camisa Negra
  • Um> 23:50 Uhr lief: Electric Light Orchestra Mr. Blue Sky
  • Um> 23:45 Uhr lief: Toto Africa
  • Um> 23:41 Uhr lief: Lenny Kravitz Johnny Cash
  • Um> 23:37 Uhr lief: Tommy James & The Shondells Mony Mony
  • Um> 23:33 Uhr lief: Madonna Holiday
  • Um> 23:25 Uhr lief: Alphaville Sounds Like A Melody
  • Um> 23:21 Uhr lief: Seal Love's Divine
  • Um> 23:19 Uhr lief: Stills & Nash Crosby Just A Song Before I Go
  • Um> 23:15 Uhr lief: Murray Head One Night In Bangkok

Nachtprogramm

Plattdeutsche Nachrichten Plattdüütsche Narichten vun'n 24. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 24. Juni 2022

Ukrainisch Truppen trecken sick ut den Oosten trüüch +++ Gaspriesen stiegen wieder an +++ Bunnsdag snack över Reklaam-Verbott üm Kinner in´n Buuk wegmaken to laten +++ Grode Ümbo in de Binnenstadt eerstmal fehlslaan +++ Börgerschaft kriegt vielleicht mehr Afornte +++ Dat Weer

Bild: Radio Bremen

Informationen zum Audio

Ukrainisch Truppen trecken sick ut den Oosten trüüch

Kiew. De Urkaine will ehr Truppen ut de Stadt Sjewjerodonezk, wo veel schaten warrt, trüchtrecken. De Stadt in den Oosten vun dat Land is mehrstendeels vun russ´sch Militär övernahmen. Dat see de Gouverneur vun de Gegend Luhansk. Dat hett kien Sinn in Hüüs to blieven, de heel un deel twei sünd. Güstern harr en EU-Drapen besloten, de Ukraine un Moldau as Bitrittskandidat optonehmen. Beide Länner mööt nu grode Reformen in Gang bringen, üm wiss un wohrhaftig EU-Lidmaten weern to könen.

Gaspriesen stiegen wieder an

Berlin. De Baas vun de Bunnsnettagentur, Klaus Müller, wohrschaut dorvör, dat sick de Gaspriesen verduppeln or bit op dat Dreefache anstiegen könen. De Inkoopspries is siet verleden Harvst binah söss Mal so hooch. Man dat warrt nich een to een an de Börger wiedergeven weern. De Minschen mööt sick dorop instellen, dat de Priesen bannig hooch gahn, so Müller. Wichtig is nu, möglichst veel Energie to sporen.

Bunnsdag snack över Reklaam-Verbott üm Kinner in´n Buuk wegmaken to laten

Berlin. De Bunnsdag snack vundag in de letzte Runn doröver, of dat Reklaam-Verbott, üm Kinner in´n Buuk wegmaken to laten, afschafft warrt. In den Paragraaf 219a steiht, dat Doktors nich öffentlich doför warven dröfft, en Schwangertiet nich to Enn to bringen. Bavento snackt de Bunnsdag doröver, wo in Tokunft Hölp bi´t Starven anbeden weern draf.

Grode Ümbo in de Binnenstadt eerstmal fehlslaan

Bremen. De Ünnernehmer Kurt Zech mutt sien Plans för en, as de nöömt warrt „City-Galerie“, woll begraven. De Senat in Bremen hett sien Angebott trüchtrocken, dorför Zech dat Parkhuus Mitt to verköpen. Den Ünnernehmer hört al dat Karstadt-Huus. Dat Parkhuus blangenan wull he afrieten, üm dor de City-Galerie to boen. Man Zech harr dorför ok mit den, de dat Kaufhof-Huus blangenan höört, övereens kamen moten. Dat hett aver nich klappt. Dorüm is ok de Senat dorvun afgahn.

Börgerschaft kriegt vielleicht mehr Afornte

Bremen. De Senat will tokamen Week en nejet Wahlgesett afnicken. Dat is, wiel dat in Bremerhaben weniger Wählers gift as noch vör veer Johren. De Stadt schall ehr 15 Afornte in de Börgerschaft aver behollen. Dorför, so de Plan, kriegt Bremen dree Posten dorto. In de Börgerschaft sitten denn na de Wahl in dat tokamen Johr 87 Afornte. In Ogenblick sünd dat 84. Dat schall denn 200.000 Euro mehr per Johr kosten.

Dat Weer

Un nu noch en Blick op dat Weer: in Demorst un an’n Bremer Flegerhaben 25, in Bremerhaben 23 un in Nordholt sünd dat opstunns 22 Graad. Hüüt Vörmiddag trecken dichte Wulken op un hier un door kann dat ok Schuer mit Blitz un Donnerslag geven. An´n Namiddag pladdert dat to´n Deel reell. Gewidder sünd ok möglich. De Wind weiht en beten bit in Maten. Dat Thermometer wiest 22 bit 29 Graad. In de Nacht trecken de letzten Schuer af un dat blifft meist dröög bi 14 bit 16 Graad. Morn fangt dat fründlich un dröög an. Dorbi wesseln sick Sünn un en poor Wulken af. Af Middag schafft de Sünn dat nich mehr döör de Wulken un an de Küst kann dat ok Regen geven. Dat Thermometer wiest denn 22 bit 28 Graad. Sünndag: Sünn, Wulken un enkelte Schuer or Gewidder bi 22 bit 27 Graad.

Dat weern de Narichten op platt. Tohoopstellt hett se Michael Pundt. Op Platt trechtmaakt un vörleest vun Markus Weise.