Jetzt läuft:

Uriah Heep Lady In Black
  • Als nächstes läuft:

  • Um 21:06 Uhr läuft: Glenn Frey The Heat Is On
  • Jetzt läuft:

    Uriah Heep Lady In Black
  • Davor lief:

  • Um> 20:51 Uhr lief: Rheingold Dreiklangsdimensionen
  • Um> 20:47 Uhr lief: Aidan Martin Good Things Take Time
  • Um> 20:44 Uhr lief: Don Fardon Indian Reservation
  • Um> 20:40 Uhr lief: Lionel Richie Love Will Conquer All
  • Um> 20:35 Uhr lief: Oasis Don't Look Back In Anger
  • Um> 20:30 Uhr lief: Kenny Rogers & Dolly Parton Islands In The Stream
  • Um> 20:25 Uhr lief: Erasure Sometimes
  • Um> 20:22 Uhr lief: Pharrell Williams Happy
  • Um> 20:18 Uhr lief: Rickie Lee Jones Chuck E.'s In Love

Der Abend mit Ansgar Langhorst

Plattdeutsche Nachrichten Plattdüütsche Narichten vun'n 23. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 23. Juni 2022

Habeck aktiviert Alarm-Graad vun´t Notfallplaan +++ EU stimmt över Kandidatenrang för Ukraine un Moldau af +++ Havenmitarbeiders noch eenmaal in Streik +++ Polizei in Bremerhaven treckt vele Kilo Drogen ut den Verkehr +++ PKW Fohrer föhrt Motorradfohrer in Delmhorst üm +++ Dat Weer

Bild: Radio Bremen

Informationen zum Audio

Habeck aktiviert Alarm-Graad vun´t Notfallplaan

Berlin: Bunnswirtschaftsminister Habeck hett an´t Vomdag den Alarm vun´t Notplaan Gas utropen. Achtergrund sünd de düchtig reduzierten Leferungen vun Gas ut Russland. De Alarm-Graad is de twete vun dree Stufen vun´t Gas Notplaan. Dat is de Grundlaag för de Bunnsregierung, dat man Kohlekraftwarke, de all nich mehr in Betrief sünd, wedder an´t Netz schaltet, üm Strom to maken. De Alarm kann aver ok för Ünnernehmen un Verbruker grote Utwirkungen mit sik bringen. Denn de Versorger künnt, unner bestimmte Ümstänn, de högeren Priese direkt an de Kunnen wieter geven. Man erstmal steiht dat noch nich an.

EU stimmt över Kandidatenrang för Ukraine un Moldau af

Brüssel: De Europääsche Union stimmt bi een Topdrepen af , wat de Ukraine den Rang vun een EU-Rinkam-Kanditaten kriggt. All 27 Staaten, de dorto höört, mööt ja dorto seggen. As dat schient sünd de meisten dorför, man klar is dat noch nich. Ok Moldau schall den Kandidatenrang kriegen. Dat Topdrepen vun de Staats-un Regerungsbosse duert twee Dage un geiht hütt Nomdag los.

Havenmitarbeiders noch eenmaal in Streik

Bremerhaven: Siet den morrn sünd de Havenmitarbeiters in´t Norden wedder in eenen Streik de 24 Stünnen duert. Bedropen sünd de Havens in Bremen, Bremerhaven, Hamborg, Wilhelmshaven, Emm un Brake. Gistern hett dat Verhanneln över de Tarife, in Bremen, in de veerde Rünn, nich klappt. De Arbeit un dat klaarmaken in Havens steiht all siet Maanden ünner Druck. Vör de Terminals töövt vele Schippe op dat kaarmaken, weil sük dat mit de Logistikketten hensleept.

Polizei in Bremerhaven treckt vele Kilo Drogen ut den Verkehr

Bremerhaven: Bi een op den Kopp stellen vun een Huus in´t Stadtdeel Lehe het de Polizei mehrere Kilo Drogen sekerstellt. Buterdem ok Wapen un Boorgeld. Grund för dat Ünnersöken is , dat de Polizei un de Staatsanwaltschaft welke op´n Kieker harrn. Twee vun de veer, de se ünnersökt hebbt, in´t Öller vun 21 un 39 Johren, hebbt se erst mal fast sett. Se staht ünner Verdacht, dat se mit Drogen hannelt hebbt.

PKW Fohrer föhrt Motorradfohrer in Delmhorst üm

Delmhorst: Twee Minschen sünd an´t Avend bi een Unfall swor to Schaden kamen. Luut Polizei hett een 29-jöhriger Autofohrer, bi´t üm de Kurve fohren, een Motorrad översehen un is in de Maschine kracht. De Motorradfohrer harr Vörfohrt. De 60-jöhrige op dat Motorrad is swor verletzt, un siene 53-jöhrige Bifohrerin is sogar op Leven un Dood to Schaden kamen.

Dat Weer

Un nu een Blick op dat Weer: in Cuxhaben 18, in Bremerhaven 19,un in Bremen un Defhold sünd dat opstünns 20 Graad.Hütt lacht us de Sünn den ganzen Dag an, dor is blots af un an mal een opstiegen Wulk to sehn. Erst gegen Avend kummt vun´t Ollenborger Münsterland un Emsland her een paar Wulkenfeller op, man dat blifft dröge, bi 32 bit 27 Graad. Tokamen Nacht treckt noch mehr dichtere Wulkenfeller op. Man kann aver ok de Sterns funkeln sehn, dor kummt blot`s hier un dor mal wat vun baven rünner, de Temperaturer warrd milder un liggt bi 16 bit 20 Graad.Morrn gifft dat all an´t Vomdag westlich vun de Weser vele Wulken un dor kummt denn ok onnig wat vun baven rünner. Wi mööt ok mit Blitz un Dunnerslag reken. Twischen Weser un Elb ist dat erst noch fründlicher, mit eenen Mix ut Sünn un Wulken. Man ok hier fangt dat erst an´t Nomdag düchtig an to pladdern un to gewiddern. De Temperaturen liggt bi 22 bit 28 Graad. Sünnavend is dat wesselhaft mit eenen Mix ut Sünn un Wulken. Hier un dor kann dat ok Regen geven, bi 22 bit 27 Graad.Dat weren de Narichten op Platt. Tohoopstellt hett se Gabriele Intemann. Trechtmaakt un vörleest vun Antje Kruppa.