Jetzt läuft:

George Kranz Din Daa Daa (Trommeltanz)
  • Als nächstes läuft:

  • Um 20:06 Uhr läuft: Whitney Houston I Wanna Dance With Somebody
  • Jetzt läuft:

    George Kranz Din Daa Daa (Trommeltanz)
  • Davor lief:

  • Um> 19:51 Uhr lief: Bon Jovi Bed Of Roses
  • Um> 19:47 Uhr lief: Joan Baez Wozu Sind Kriege Da
  • Um> 19:42 Uhr lief: Paul McCartney It's So Easy
  • Um> 19:39 Uhr lief: The Smiths Still Ill
  • Um> 19:35 Uhr lief: Jackie DeShannon What The World Needs Now Is Love
  • Um> 19:31 Uhr lief: The Romantics Talking In Your Sleep
  • Um> 19:26 Uhr lief: Air Supply All Out Of Love
  • Um> 19:23 Uhr lief: The Highwaymen (Ghost) Riders In Ihe Sky
  • Um> 19:17 Uhr lief: Saga No Stranger (Chapter Viii)

Der Abend mit Norbert Kuntze

Plattdeutsche Nachrichten Plattdüütsche Narichten vun'n 21. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 21. Juni 2022

Süüd-Länner un NRW: De Bund schall strengere Corona-Regeln opstellen +++ För en Tiet lang: För Stroom vun Gas op Kohlen wesseln +++ Perzess wegen dootschaten Schandarms +++ Keen Platz för Lüüd, de flücht sünd +++ Bremer Binnenstadt: Fohrradbahn för de Martinistraat +++ Dat Weer

Bild: Radio Bremen

Informationen zum Audio

Süüd-Länner un NRW: De Bund schall strengere Corona-Regeln opstellen

Stuttgart: Baden-Württembarg, Bayern, Hessen un Nordrhein-Westfalen verlangt: De Bund schall strengere Corona-Regeln opstellen. Noch vör de Sommerpaus schull de Regerung dat Infekschoonsschutzgesetz umschrieven. Dat weer nödig, wenn se in’n Harvst en Antwoort geven wüllt, wenn sik wedder mehr Minschen mit Corona ansteekt. De veer Länner seggt: Dor höört vör allen de Plicht to, in’t Huus en Mask optosetten, dat een blots mit 3G- oder 2G-Regeln rinkummt, Plicht to’n Testen, böverste Grenzen för Minschenmengen un nich so veel Kuntakt.

För en Tiet lang: För Stroom vun Gas op Kohlen wesseln

Berlin: De Anlagen, de Stroom maakt, köönt för en Tiet lang vun Gaskraftwarken op Kohlen umstiegen. So will Wirtschaftsminister Habeck dorför sorgen, dat noog Gas dor is. En Reeg Kohlenkraftwarken schüllt wedder in Gang sett warrn. In Bremen gellt dat för dat Kraftwark in Farge. De Bunnsraat schall an’n 8. Juli doröver snacken. SPD-Baas Klingbeil hett aver jüst as Ministerpräsident Weil vun Neddersassen seggt: Dat Atomkraftwarken länger loopt, dor warrt nix vun.

Perzess wegen dootschaten Schandarms

Kaiserslautern: Dat is veer Maand her, dat twee Schandarms in den Landkreis Kusel in Rheinland-Palz dootschaten worrn sünd. Vör dat Landgericht Kaiserslautern steiht en Mann vun 39 Johr. Seggt warrt: He harr de Polizistin un den Polizist dootschaten, as he in en Verkehrskuntrull rinkamen is. Nüms schull mitkriegen, dat he as Wilddeef Deerten afschaten harr. Vör’t Brett steiht he wegen: tweemal Moord, versöchten Moord un dat he en anner Minsch böös wat andaan hett. Dat he op de beiden Schandarms schaten hett, dat weer Raffgier ween, dat he as Wilddeef wiedermaken kann.

Keen Platz för Lüüd, de flücht sünd

Bremen: Wo grote Quarteren för Flüchtlinge bald dichtmaken mööt, fehlt in’t Land in’n Winter woll Hunnerte Wahn- un Slaapsteden. Dat will de Senaat an’n Middag besnacken. De Nootbetten in de Bremer Messehallen warrt bet to’t Enn vun’t Johr jüst so afboot as in de Telt-Quarteren, to’n Bispeel in de Överseestadt. Nu gifft dat noch 5000 Betten för Flüchtlinge, man denn sünd dat blots noch 1300. Dat sünd 1200 to wenig, hett dat Sozialressort utrekent. Wenn Bremen ne’e Steden inrichten will, denn kost dat blots düt Johr woll noch mal 30 Millionen Euro.

Bremer Binnenstadt: Fohrradbahn för de Martinistraat

Bremen: De Martinistraat in de Binnenstadt schall op beide Sieden en Radweg kriegen. Dat is de Vörslag vun Fachlüüd ut dat Mobilitätsressort. De harrn sik ankeken, wat bi den Verkehrstest düt un verleden Johr rutkamen is. In jede Richt schall een Fohrbahn lopen för Autos, Bussen un Lastwagen. Rechts dorvun, aftrennt un mit Afstand, schüllt Rööd fohren. De Footweg blifft as he is.

Dat Weer

Un woans süht dat mit dat Weer umto ut? Opstunns hebbt wi in Bremen, Bremerhaven, Cuxhaven un Deefholt överall 15 Graad. Vundaag: Veel Sunnschien. Gegen Middag kaamt en poor mehr opstiegen Wulken dorto, de sik an’n Avend wedder oplööst. Dat Thermometer krabbelt op 18 Graad op de Inseln un 24 Graad in’t Binnenland. De Wind dorto weiht flau, an de See ok en beten mehr, vun de westen bet noordwesten Kant. Tokamen Nacht: Blots en poor Wulken un kloor. Dat blifft dröög bi 10 bet 7 Graad, an de See sowat bi 13 Graad. Morgen: Sunnschien satt mit blots af un an mal en poor opstiegen Wulken. Bi 19 bet 26 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Carola Schwirblat.