Jetzt läuft:

Creedence Clearwater Revival Proud Mary
  • Als nächstes läuft:

  • Um 21:50 Uhr läuft: Calum Scott Goodbye, Again
  • Jetzt läuft:

    Creedence Clearwater Revival Proud Mary
  • Davor lief:

  • Um> 21:40 Uhr lief: Joe Jackson You Can't Get What You Want (Till You Know What You Want)
  • Um> 21:35 Uhr lief: Seal Kiss From A Rose
  • Um> 21:31 Uhr lief: Queen We Are The Champions
  • Um> 21:27 Uhr lief: Lukas Graham 7 Years
  • Um> 21:21 Uhr lief: Supertramp Goodbye Stranger
  • Um> 21:16 Uhr lief: Mike Oldfield & Maggie Reilly To France
  • Um> 21:13 Uhr lief: Elvis Presley Long Black Limousine
  • Um> 21:08 Uhr lief: Max Giesinger Roulette
  • Um> 21:04 Uhr lief: Nik Kershaw I Won't Let The Sun Go Down On Me

Der Abend mit Norbert Kuntze

Plattdeutsche Nachrichten Plattdüütsche Narichten vun'n 20. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 20. Juni 2022

Macron-Lager schafft keen afsluter Mehrheit +++ Industrie will Gasverbruuk daalschruven +++ Füer in Brannenborg in’n Griff +++ Windkraft-Vertreders drapt sik in Bremerhaben +++ Besökerrekord bi Hurricane-Festival +++ Dat Weer

Bild: Radio Bremen

Informationen zum Audio

Macron-Lager schafft keen afsluter Mehrheit

Paris: Frankrieks Präsident Macron un sien Maatschaft vun de Mitt mööt bi de Parlamentswahl en deegten Daalslag hennehmen. As dat amtliche Endergevnis för’t Eerste utseggt, hett de Maatschaft de afslute Mehrheit verloorn, blifft aver de stärkste Kraft. In’t Parlament mutt sik Macron nu to’n Regeern Mehrheiten söken.

Industrie will Gasverbruuk daalschruven

Berlin: De Industrie in Düütschland grippt Wirtschaftsminister Habeck bi sien Plaans, Gas intosporen, ünner de Arms. Hunnertdusende vun Bedrieven arbeidt al siet langen an dat Insporen, säe Industriepräsident Russwurm in’t ZDF. Habeck hett an’n Avend verklaart, se wüllt dorop henstüern, datt de Gasspiekers vör den Winter to 90 Perzent vull sünd. Üm Gas to sporen, will he ok wedder mehr un mehr Köhlenkraftwarken insetten.

Füer in Brannenborg in’n Griff

Beelitz: In dat Flach vun’n Waldbrand in Brannenborg hett degter Regen an’n Morgen wat vun de Last nahmen. An’t Weekenenn hett de Füerwehr gegen twee grode Waldbränn bi Beelitz un Treuenbrietzen in’n Landkreis Potsdam-Middelmark kämpft. Opstünns ward seggt, datt se dat Füer in’n Griff, aver noch nich utkregen hebbt.        

Windkraft-Vertreders drapt sik in Bremerhaben

Bremerhaben: Vertreders ut dat Wirtschaftsfeld vun de Windkraft drapt sik an’n Namiddag op de Bremerhabener Lloyd Warft. Bavenan staht bi dat Drapen „Windforce“ över dree Daag de Plaans vun de Bunnsregeern för Windparks op hoge See. Wegen dat Anstiegen vun de Gas- un Ölpriesen is dat Utboen noch mal wedder dringlicher worrn, dormit se de Klimaziele schafft, un de Afhangigkeit vun Russland daalschruuvt warrn kann.  

Besökerrekord bi Hurricane-Festival

Scheeßel: Dat Hurricane-Festival in Scheeßel is an’n Avend mit en Besökerrekord to Enn gahn. Üm un bi 80.000 Minschen hebbt op dat düütlich gröttere Festivalflach fiert. Polizei un Hölpslüüd vermellt en Veranstalten ahn Krawall mit wenig Insatzen. Meist 1.700 Minschen mussen se liekers medizinsch behanneln.             

Dat Weer

Un nu en Blick op dat Weer: In Bremerhaben, Deefholt un Nordholt 15, un in Bremen, Emmen, Möppen un Cloppenborg sünd dat opstünns 16 Graad. Hüüt is dat deels wulkig, deels fründlich un meisttiets dröög mit enkelte Schuers. An’n Middag un Namiddag ward bi Sünnschien de Wulken wedder dicker, un de Schuers an de See ward mehr. De Temperaturen liggt twüschen 17 un 20 Graad. In de Nacht is de Heven locker oder licht wulkig, af un an funkelt de Steerns un dat blifft dröög bi 12 bet 8 Graad. Morgen schient faken de Sünn, un de Wulken, de af un an to sehn sünd, stört den fründlichen un drögen Indruck nich. Dat ward wedder warmer bi 19 bet 24 Graad.

Dat weern de Narichten op platt. Tohoopstellt hett se Kartin Martens. Op Platt trechtmaakt un vörleest vun Marc Gelhart.