Jetzt läuft:

Lukas Graham 7 Years
  • Jetzt läuft:

    Lukas Graham 7 Years
  • Davor lief:

  • Um> 21:21 Uhr lief: Supertramp Goodbye Stranger
  • Um> 21:16 Uhr lief: Mike Oldfield & Maggie Reilly To France
  • Um> 21:13 Uhr lief: Elvis Presley Long Black Limousine
  • Um> 21:08 Uhr lief: Max Giesinger Roulette
  • Um> 21:04 Uhr lief: Nik Kershaw I Won't Let The Sun Go Down On Me
  • Um> 20:57 Uhr lief: U2 One
  • Um> 20:54 Uhr lief: Mighty Oaks Brother
  • Um> 20:51 Uhr lief: Emerson Lake & Palmer Fanfare For The Common Man
  • Um> 20:47 Uhr lief: Paul Young Come Back And Stay

Der Abend mit Norbert Kuntze

Plattdeutsche Nachrichten Plattdüütsche Narichten vun'n 17. Juni 2021

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 17. Juni 2021

Ukraine Präsident Selenskyj hoopt, dat de Ukraine gau in de EU koomt +++ Habeck will Regeln, üm Energie intosporen wenn´t gor nich anners geiht per Gesetz döörsetten +++ Stahlwark ut Bremen kann mit Geld för Stahl ohn Schadens för dat Klima anfangen +++ Gesundheitssenatorsch Bernhard wiest den Gegenwind an Geno-Woorden trüüch +++ Hurricane-Festival geiht in Scheessel los +++ Dat Weer

Bild: Radio Bremen

Informationen zum Audio

Ukraine Präsident Selenskyj hoopt, dat de Ukraine gau in de EU koomt

Kiew. De ukrainisch Präsident Selenskyj hett na den Besöök vun Kanzler Scholz un sien Kollegen ut Italien, Frankriek un Rumänien vun en „historischen Dag“ för sien Land snackt. In sien Videonaricht see Selenskyj, de Ukraine hett de Hölp vun veer starken europäischen Staaten spört. Noch nienich, siet sien Unafhängigkeit, is dat Land so dicht an de EU ranrückt. Scholz un de annern Staats- un Regerungsböversten harrn sick güstern dorför utsnackt, de Ukraine as EU-Bitrittkandidat optonehmen.

Habeck will Regeln, üm Energie intosporen wenn´t gor nich anners geiht per Gesetz döörsetten

Berlin. Bunnswirtschaftsminister Habeck kann sick vörstellen, Regeln, üm Energie intosporen, wenn´t gor nich anners geiht, per Gesetz vörtoschrieven. Ursaak is, wiel dat weniger Gas ut Russland gifft. In den ARD-Dagsthemen see Habeck, mit den Stand vun de Gasspieker in Ogenblick koomt Düütschland nich döör den Winter. In´n Eernstfall mööt denn viellicht Regeln, üm Energie intosporen, per Gesetz den Börgers opdrückt weern. Enkelte Saken hett he dorbi nich nöömt. As Habeck see, sünd de Gasspieker in Ogenblick bit to 56 Perzent opfüllt.

Stahlwark ut Bremen kann mit Geld för Stahl ohn Schadens för dat Klima anfangen

Bremen. Dat Stahlwark vun Arcelot Mittal kann op de Stee anfangen Geld för grönen Stahl uttogeven. De bringt denn ok kien Schadens mehr för dat Klima. Dat see Bunnswirtschaftsminister Habeck bi en Besöök in dat Stahlwark. Sien Ministerium warrt en Anfang vun de Plans tolaten, ok wenn de Fördertoseggen ut Brüssel noch nich dor sünd. De Bunnsregierung geiht dormit in Gefohr, üm bi den Wessel Fohrt optonehmen. 50 Perzent, wat an CO2 ut Bremen in de Luft puust warrt, geiht op de Reken vun dat Stahlwark. Af 2026 kann na Plans vun dat Stahlwark de eerste gröne Stahl makt weern.

Gesundheitssenatorsch Bernhard wiest den Gegenwind an Geno-Woorden trüüch

Bremen. De Gesundheitssenatorsch Bernhard hett den Gegenwind an ehr Woorden to de Klinikgrupp Gesundheit Noord trüchwiesen. De CDU-Gesundheitspolitiker Bensch harr Bernhard vörher vörsmieten, nich achter den Standpunkt vun de Lannsregerung to stahn. He will dat de Linken-Politikersch as Senatorsch or as Opsichtsratvörsittersch vun de Geno dat Süer ut de Hand gifft. Achtergrund weer, dat Bernhard op en Protest vun Geno-Mitarbeiders, dat Utlagern vun nichmedizinisch Personal aflehnt harr. Se harr de Mitarbeiders opropen, sick mit ehr gemensam dorgegen stark to maken.

Hurricane-Festival geiht in Scheessel los

Scheessel. Na twee Johren Corona-Dwangspaus geiht an´n Namiddag dat Hurricane-Festival los. De Veranstalter rekent an jeden vun den dree Daag mit rund 78-dusend Besökers. Dat Festivalland is dorbi düütlich grötter as in de verleden Johren. Mehr as jeder twete Tokieker is al een Dag vör den richtigen Anfang anreist. Dorbi keem dat in Scheessel un Rodenborg af un an to Staus, see en Spreker vun de Polizei.

Dat Weer

Un nu noch en Blick op dat Weer: in Deefholt 21, an’n Bremer Flegerhaben 20, un in Bremerhaben un in Meppen sünd dat opstunns 19 Graad. Hüüt geiht dat fründlich in den Dag. An´n Vörmiddag trecken vun dat Emsland un ut Oostfreesland dichte Wulken op. An´n Namiddag hett de Sünn kien Schangs döör de Wulken to kieken. An´n Avend schafft se dat doch noch in dat Weser-Ems-Landstück. De Wind weiht en beten. Dat blifft dröög bi 22 bit 27 Graad. In de Nacht funkeln de Sterns an´n Heven. En poor Wulken sünd dorbi, man dat blifft dröög bi 15 bit 17 Graad. Morn schient den ganzen Dag de Sünn. An Namiddag könen en poor opstiegen Wulken dorbi ween. Regen gifft dat nich un dat Thermometer wiest Temeperaturen vun 24 bit 32 Graad. An de Küst 20 bit 23 Graad. Sünndag fangt dat fründlich an, man vun de Nordsee trecken Regen und Gewidder op. Dat Thermometer wiest den 17 bit 25 Graad.

Dat weern de Narichten op platt. Tohoopstellt hett se Gabriele Intemann. Op Platt trechtmaakt un vörleest vun Markus Weise.