Jetzt läuft:

Nik Kershaw I Won't Let The Sun Go Down On Me
  • Als nächstes läuft:

  • Um 21:08 Uhr läuft: Max Giesinger Roulette
  • Jetzt läuft:

    Nik Kershaw I Won't Let The Sun Go Down On Me
  • Davor lief:

  • Um> 20:57 Uhr lief: U2 One
  • Um> 20:54 Uhr lief: Mighty Oaks Brother
  • Um> 20:51 Uhr lief: Emerson Lake & Palmer Fanfare For The Common Man
  • Um> 20:47 Uhr lief: Paul Young Come Back And Stay
  • Um> 20:43 Uhr lief: Dionne Warwick Anyone Who Had A Heart
  • Um> 20:39 Uhr lief: George Ezra Budapest
  • Um> 20:35 Uhr lief: 10cc The Wall Street Shuffle
  • Um> 20:31 Uhr lief: Wax Bridge To Your Heart
  • Um> 20:25 Uhr lief: Genesis In Too Deep

Der Abend mit Norbert Kuntze

Plattdeutsche Nachrichten Plattdüütsche Narichten vun'n 16. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 16. Juni 2022

Bunnskanzler Scholz is in Kiew +++ US-Notenbank nickt gröttste Tinserhöhung siet 1994 af +++ Bunnswirtschaftsminister Habeck besöökt Bremer Stahlwark +++ Bremerhaben gifft Senaat Schuld för Fehlslag bi Magistratsreform +++ Börgerschaft nickt strengere Regeln för Glücksspeelhallen af +++ Dat Weer

Bild: Radio Bremen

Informationen zum Audio

Bunnskanzler Scholz is in Kiew

Kiew: Bunnskanzler Scholz is op Staatsbesöök in de Ukraine. Tosamen mit Frankrieks Präsident Macron un den italienschen Premier Draghi is he vunmorgen in de ukrainschen Hauptstadt ankamen. Dat is sien eersten Besöök in de Ukraine siet den Anfang vun‘n Krieg. Scholz hett sik in de Nacht mit Macron un Draghi in de poolschen Stadt Rzeszow drapen. Vun dor ut güng dat mit’n Tog wieter in de Ukraine. Bi dat Drapen mit de ukrainschen Staatsböversten schall dat üm dat möögliche Intreden vun de Ukraine in de EU un üm wietere Stöhn för dat Land gahn. 

US-Notenbank nickt gröttste Tinserhöhung siet 1994 af

Washington: De US-Notenbank hett dat gröttste Hoochsetten vun de Tinsen siet meist 30 Johr afnickt. As de Fed vermellt hett, stiggt de Leittinssatz üm en dreeviddel Punkt. He liggt nu twüschen 1,5 un 1,75 Perzent. Dat Anbören schall dorbi hölpen, de galoppeerende Inflatschoon in Schranken to setten.

Bunnswirtschaftsminister Habeck besöökt Bremer Stahlwark

Bremen: Bunnswirtschafts- un Klimaschutzminister Habeck is to sien offiziellen Antrittsbesöök in’t Bunnsland Bremen ankamen. An’n Morgen hett he in’t Bremer Raathuus toeerst Börgermeister Bovenschulte drapen. Darna will he mit Wirtschaftssenatersche Vogt un Ümweltsenatersche Schaefer dat Bremer Stahlwark vun Arcelor-Mittal besöken. An’n Namiddag reist Habeck wieter na Bremerhaben. Dor ward he sik in dat Gollen Book vun de Stadt indragen un över Klimaschutzprojekte in de Stadt snacken.      

Bremerhaben gifft Senaat Schuld för Fehlslag bi Magistratsreform

Bremerhaben: Politikers vun de Stadtverordnetenversammeln geevt den Bremer Senaat de Schuld för den Fehlslag bi de Magistratsreform. Dat Finanzressort hett güstern zentrale Reformanliegen in Fraag stellt un Gegenvörslääg maakt. De Bremerhabener CDU find düsse Vörslääg weltfrömd, un se wörrn an de Würklichkeit vörbi gahn. De Senaat schient sik nich för de Bremerhabener Belange to interesseern, as de Frakschoonsvörsitter Raschen verklaart hett. De Reform süht ünner annern vör, datt de Dezernenten in Tokunft politische Beamte ween schüllt, un datt de Posten nich mehr utschreven ward. Dat is so för de Gemeenden in Düütschland nich vörsehn.  

Börgerschaft nickt strengere Regeln för Glücksspeelhallen af

Bremen: Glücksspeelhallen un Wettbüros mööt in’t Land Bremen vun Enn 2024 an tominnst 500 Meter utnanner liggen. Bavento war dat Minnstöller för Besökers op 21 Johr ropsett. Dat hett de Bremsche Börgerschaft mit Stimmen vun all Frakschonen gegen de FDP beslaten. Dormit schall dat’n beteren Schutz vör de Gefohr vun Speelsucht geven.           

Dat Weer

Un nu en Blick op dat Weer: In Deefholt 11, in Nordholt 16, in Bremen un Bremerhaben 17, un in Dörveern un Brinkum sünd dat opstünns 18 Graad. Hüüt gifft dat twüschen Werser un Elv faken dichte Wulkenfeller, wieldess sik de Sünn vun’t Emsland her’n beten gauer dörsett. Later gifft dat överall en fründlichen un drögen Wessel ut Sünnschien un opstiegen Wulken, de sik an’n Avend wedder mehrstensdeels oplöst bi Temperaturen vun 18 bet 23 Graad. In de Nacht is de Heben toeerst licht wulkig, to’n Deel funkelt ok de Steerns. To’n Morgen hen treckt vun Oostfreesland un vun’t Emsland her dichte Wulken op, aver dat blifft wieterhen dröög. Dar Thermometer fallt op 13 bet 7 Graad. Morgen gifft dat veele dichte Wulken, un de Sünn kummt meist gor nich dör. An de Noordsee köönt hier un dor’n poor Druppen fallen. An’n Namiddag lockert dat vun’t Emsland un Ollnborger Münsterland op, so dat dat later doch noch Sünnschien gifft bi 20 bet 25 Graad.

Dat weern de Narichten op platt. Tohoopstellt hett se Gabriele Intemann. Op Platt trechtmaakt un vörleest vun Marc Gelhart.