Jetzt läuft:

Paul Young Come Back And Stay
  • Als nächstes läuft:

  • Um 20:51 Uhr läuft: Emerson Lake & Palmer Fanfare For The Common Man
  • Jetzt läuft:

    Paul Young Come Back And Stay
  • Davor lief:

  • Um> 20:43 Uhr lief: Dionne Warwick Anyone Who Had A Heart
  • Um> 20:39 Uhr lief: George Ezra Budapest
  • Um> 20:35 Uhr lief: 10cc The Wall Street Shuffle
  • Um> 20:31 Uhr lief: Wax Bridge To Your Heart
  • Um> 20:25 Uhr lief: Genesis In Too Deep
  • Um> 20:21 Uhr lief: Melissa Etheridge I'm No Angel Myself
  • Um> 20:16 Uhr lief: Leonard Cohen Suzanne
  • Um> 20:12 Uhr lief: Moon Martin Bad News
  • Um> 20:09 Uhr lief: Smokie Needles And Pins

Der Abend mit Norbert Kuntze

Plattdeutsche Nachrichten Plattdüütsche Narichten vun'n 15. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 15. Juni 2022

Urdeel över dat, wat Merkel to de Thüringen-Wahl seggt hett +++ Tarifverdrag för nordwestdütsche Stahlindustrie steiht +++ Lauterbach wahrschaut vör Corona-Sommerwell +++ Fleger to’n Afschuven na Ruanda is afseggt +++ Börgerschupp debatteert över Övergewinn-Stüer +++ Dat Weer

Bild: Radio Bremen

Informationen zum Audio

Urdeel över dat, wat Merkel to de Thüringen-Wahl seggt hett

Karlsroh – Dat Bunnesverfatengericht urdeelt nu över dat, wat de ehemalig Bunneskanzlerin Merkel to de Thüringen-Wahl seggt hett. Nipp un nau geiht dat üm een Reis vun Merkel in’n Februar 2020. Damals weer de FDP-Politiker Kemmerich mit den Stimmen vun CDU un AfD to’n Ministerpräsidenten vun Thüringen wählt worrn. Merkel harr seggt, de Wahl mit de Stimmen vun de AfD weer nich natosehn un harr foddert, dat se de Wahl trüchnehmen schüllt. De AfD harr dargegen klaagt; se meent, Merkel harr gegen ehr Plicht verstött, neutral to ween.  -  Un as jüst vermellt worrn is, hett de AfD mit ehr Klaag Recht kregen.

Tarifverdrag för nordwestdütsche Stahlindustrie steiht

Düsseldorp – De 68-dusend Arbeiters vun de Stahlindustrie in Bremen, Neddersassen un Nordrhein-Westfalen kriegt mehr Geld. Vun August an gifft dat 6,5 Perzent mehr un babenop eenmal 500 Euro. Darop hebbt sik de Gewarkschupp un de Arbeitgever an’n fröhen Morrn bi ehr Verhanneln in Düsseldorp eenigt. De Verdrag löppt 18 Maand un fangt in’n Juni an. Ward darmit rekent, dat de ostdütschen Tarifpartner de Vörgaven övernehmt. 

Lauterbach wahrschaut vör Corona-Sommerwell

Berlin – Gesundheitsminister Lauterbach maakt sik Sorgen, wiel de Corona-Infektschonstallen nu wieter na baben kladdert. De Sommerwell, de ankünnigt worrn is, is nu würklich da, sä Lauterbach to de Rheinische Post. De so nöömte „Sommereffekt“ is düsset Johr nich dar, wiel de Virus-Variant, de dat nu gifft, sik orrig licht överdrägt. Lauterbach gifft ölleren un kranken Lüüd den Raat, sik nochmal impfen to laten. De Tall vun de Nee-Infektschonen is middewiel wieter na baben stiegen. De Gesundheitsämter hebbt över 93-dusend nee’e Fälle mellt, dat sünd knapp 7.700 mehr as vör een Week. De Inzidenz liggt nu bi 472.

Fleger to’n Afschuven na Ruanda is afseggt

London – De erste plaante Fleger to’n Afschuven vun Grootbritannien na Ruanda is kort vör den Start per Gericht stoppt worrn. Dat britische Binnenminsterium vermellt ok: jo, dat stimmt. De Europäische Gerichtshoff för Minschenrechte harr Order geven, den Fleger nich starten to laten. Obschons de britische Regeern vör Gericht verloorn hett, will se an ehrn Plaan to’n Afschuven, mit den vele nich inverstahn sünd, fasthollen. London harr mit dat ostafrikansche Land een Afkamen drapen, Minschen, de nich legal na Grootbritannien inreist sünd, na darhen ruttoflegen. Darför kriegt Ruanda Millionen an Entwicklungshölp.

Börgerschupp debatteert över Övergewinn-Stüer

Bremen – Vun’n Vörmiddag an snackt se in de Bremische Börgerschupp över den Plaan vun Bremen för een Övergewinn-Stüer. Bunneswiet ward över düssen Vörslag diskereert. De Regeernfraktschonen vun SPD, Grönen un Linken hebbt darto een „Aktuelle Stünn“ beandragt, üm över de Sünnerstüer op Gewinne babenop vun Ünnernehmen dör den Ukraine-Krieg to debatteren. Bunnesfinanzminister Lindner vun de FDP lehnt de Plaans af - ok de Finanzminister vun Neddersassen, Hilbers vun de CDU, bekrittelt dat.

Dat Weer

Un nu een Blick op dat Weer: op Wangerooge 15, in Bremerhaven 17 un in Bremen un Deefholt sünd dat opstunns 19 Graad. Vundag ward dat fründlich un dröög, mit een paar Wulken, bi 21 bit 24 Graad. An de See blots bi 18 bit 20 Graad. Tokamen Nacht treckt denn ok mal dickere Wulkenfeller dör, meist blifft dat aver dröög. Dat Thermometer sackt op 14 bit 13 Graad op de Eilanden un 11 bit 10 Graad in’t Binnenland. Morrn fangt de Dag mit dickeren Wulken an, blots hier un dar schient an’n Morrn de Sünn. Den Dag över wesselt sik denn dickere Wulken un Sünn af; de Wulken lööst sik to’n Abend hen meist wedder op, bi 19 bit 23 Graad. Freedag veel Sünnschien un keen Regen bi 22 bit 27 Graad. Dat weern de Narichten op Platt. Anja Guse hett se tohoopstellt. Op platt trechtmaakt un vörleest hett se Heidi Jürgens.