Jetzt läuft:

10cc The Wall Street Shuffle
  • Als nächstes läuft:

  • Um 20:39 Uhr läuft: George Ezra Budapest
  • Jetzt läuft:

    10cc The Wall Street Shuffle
  • Davor lief:

  • Um> 20:31 Uhr lief: Wax Bridge To Your Heart
  • Um> 20:25 Uhr lief: Genesis In Too Deep
  • Um> 20:21 Uhr lief: Melissa Etheridge I'm No Angel Myself
  • Um> 20:16 Uhr lief: Leonard Cohen Suzanne
  • Um> 20:12 Uhr lief: Moon Martin Bad News
  • Um> 20:09 Uhr lief: Smokie Needles And Pins
  • Um> 20:05 Uhr lief: Whitney Houston I Wanna Dance With Somebody
  • Um> 19:56 Uhr lief: George Kranz Din Daa Daa (Trommeltanz)
  • Um> 19:51 Uhr lief: Bon Jovi Bed Of Roses

Der Abend mit Norbert Kuntze

Plattdeutsche Nachrichten Plattdüütsche Narichten vun'n 14. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 14. Juni 2022

Krankenkassen fehlt woll mehr Geller as dormit rekent +++ Corona-Zertifikate schüllt wiederhen in de EU bruukt warrn +++ Özdemir rekent mit wieder anstiegen Priesen för Eeten un Drinken +++ De Yellowstone-Natschonaalpark in den USA steiht böös ünner Water +++ Steinmeier höllt sien Hand över de Sail +++ Dat Weer

Bild: Radio Bremen

Informationen zum Audio

Krankenkassen fehlt woll mehr Geller as dormit rekent

Berlin – Mag ween dat in dat tokamen Johr mehr Geller in den gesetzlichen Krankenkassen fehlt as dacht wurr. Fachlüüd rekent mit um un bi 17 Milliarden Euro, dat Institut för Gesundheitsökonomik rekent sogor mit 25 Millarden Euro, dat vermellt de „Bild-Zeitung“. De DAK verlangt nu, dat Bunssgesundheitsminister Lauterbach opkloort, wo man en Hoochsetten vun de Bidrääg verhinnern kann.

Corona-Zertifikate schüllt wiederhen in de EU bruukt warrn

Brüssel – De EU-Regeln för de digitalen Covid-Zertifikate schüllt, vunwegen de Pandemie de jümmers noch löppt, wieder gellen. Dat Europaparlament un de EU-Staaten wüllt de Vörschrift üm bet to een Johr, bet to´n 30. Juni 2023, wieder lopen laaten. Mit en QR-Code kann man nawiesen of man gegen Covid-19 impft wurr, negativ test or ok wedder gesund is.

Özdemir rekent mit wieder anstiegen Priesen för Eeten un Drinken

Düsseldörp: Bunnslandwirtschapsminister Özdemir rekent dormit, dat de Priesen för Eeten un Drinken wieder na baven krabbeln, dat see he to de Rheinschen Post. In Harvst warrt allens nochmal dürer, vunwegen de Hannel denn mit dürer Energie versorgt warrt un de höögeren Priese woll an de Kunnen wiedergifft. Özdemir steiht dorüm achter sien Plaan, de Mehrweertstüer op Aaft, Grööntüüch un Schoot to strieken.

De Yellowstone-Natschonaalpark in den USA steiht böös ünner Water

Washington – De Yellowstone-Natschonaalpark in den USA is in Momang dicht. Dat hett böös Regen geven, dorüm staht Straaten un Brüchen ünner Water or sünd wegrieten worrn, dat vermellt de Parkverwaltung. Butendem wohrschaut se vör afstörten Felsen un Slammmassen. En ganzen Barg Minschen sünd nu in Sekerheit un de Ingangen sünd dicht.

Steinmeier höllt sien Hand över de Sail

Bremerhaben – Bunsspräsident Steinmeier hollt sien Hand över de Sail 2025 in Bremerhaben. Dat maakt he in en Schrieven an den Stadtverordnetenvörsteher von Haaren un Oberbörgermeister Grantz künnig. Toletzt wurr de Sail 2020 vunwegen de weltwiede Corona-Süük afseggt. 2015 hett de fröhere Bunsspräsident Joachim Gauck dat Start-Teken för de groote Windjammerparaad geven, 2005 weer dat Bunsskanzler Schröder, de domaals in´t Amt weer.

Dat Weer

Un nu kiekt wi op dat Weer: In Bremen, Bremerhaben un Emm hebbt wi överall 15 Graad, in Deefholt sünd dat opstunns 16 Graad. Hüüt sünd jümmer mal wedder opstiegen Wulken an Heven, man ok de Sünn wiest sik hier un dor. Meist is dat fründlich, liekers kann dat an Vörmiddag ok mal kort pladdern. De Wind weiht flau von de westen bet noordwesten Kant, an de Küst in Maaten un dat denn bi 18 bet 21 Graad. In de Nacht trecken de Wulken af un wi köönt de Steerns funkeln sehen. An de Küst wüllt de Wulken meist nich weg, aver dat blifft dröög. Dat Thermometer wiest frische 10 bet 7 Graad. Middeweken wesseln sik opstiegen Wulken un Sünn af, in´t nöördliche Binnenland sünd de Wulken ok mal dichter, löösen sik aver an Avend op. Dat blifft wiederhen dröög un dat denn bi 21 bet 25 Graad.

Dat weren de Plattdüütschen Narichten. Tohoopstellt vun Carola Schwirblat. Op Platt trechtmaakt un vörleest vun Martina Brünjes.