Jetzt läuft:

Moon Martin Bad News
  • Als nächstes läuft:

  • Um 20:16 Uhr läuft: Leonard Cohen Suzanne
  • Jetzt läuft:

    Moon Martin Bad News
  • Davor lief:

  • Um> 20:09 Uhr lief: Smokie Needles And Pins
  • Um> 20:05 Uhr lief: Whitney Houston I Wanna Dance With Somebody
  • Um> 19:56 Uhr lief: George Kranz Din Daa Daa (Trommeltanz)
  • Um> 19:51 Uhr lief: Bon Jovi Bed Of Roses
  • Um> 19:47 Uhr lief: Joan Baez Wozu Sind Kriege Da
  • Um> 19:42 Uhr lief: Paul McCartney It's So Easy
  • Um> 19:39 Uhr lief: The Smiths Still Ill
  • Um> 19:35 Uhr lief: Jackie DeShannon What The World Needs Now Is Love
  • Um> 19:31 Uhr lief: The Romantics Talking In Your Sleep

Der Abend mit Norbert Kuntze

Plattdeutsche Nachrichten Plattdüütsche Narichten vun'n 13. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 13. Juni 2022

Lindner ünnerstützt Habecks Plaans to’n Kartellrecht +++ Union maakt Drock bi swaren Wapen för de Ukraine +++ Macron-Lager liggt bi Parlamentswahl knapp vör Linksbündnis +++ Mann steiht wegen Duppelmoord vör Gericht +++ Bremer Stahlwarker sünd to Streiks to’n Wahrschaun opropen +++ Dat Weer

Bild: Radio Bremen

Informationen zum Audio

Lindner ünnerstützt Habecks Plaans to’n Kartellrecht

Berlin – Finanzminister Lindner ünnerstützt de Plaans vun Wertschuppsminister Habeck, dat Kartellrecht scharper to maken. Lindner sä in de ARD, dat Kartellamt mutt in de Laag ween, de Märkte to kuntrulleren un to pröfen, woans sik nipp un nau de Preise vun Benzin un Diesel tohoopsett. Wegen de hogen Spritpreise will Habeck, dat dat Kartellamt beter gegen de Mineralöl-Kunzerns vörgahn kann. Buterdem schüllt se Gewinne, de nich rechtens sünd, lichter aftrecken könen.

Union maakt Drock bi swaren Wapen för de Ukraine

Berlin - In de Debatt över dat Levern vun swaren Wapen an de Ukraine maakt de Union mehr Drock op de Ampel-Koalitschon. De Unionsfraktschon hett een Andrag ankünnigt. Darin foddert se, den gemeensam Bunnesdagsbesluss darto vull ümtosetten. De Regeern scheert sik nich üm den Besluss vun’t Parlament, kriteseert Fraktschonsviez Wadephul. Bi allen swaren Wapen, de ankünnigt worrn sünd, weern se nich över dat Ankünnigen un Praatstellen vun de Wapen rutkamen.

Macron-Lager liggt bi Parlamentswahl knapp vör Linksbündnis

Paris – Bi de erste Runn vun de Parlamentswahl in Frankriek hett dat keen klaren Winner geven. Dat Bündnis vun Präsident Macron hett mit bold 26 Perzent vun de Stimmen de Nääs knapp vörn. De links-gröne Allianz vun’n Oppositschonspolitiker Mélanchon leeg meist liekop, se hett blots 21-dusend Stimmen weniger kregen. Ward taxeert, dat dat Macron-Lager in de tweete Wahlrunn de Mehrheit vun de Sitze in de Natschonalversammlung holt. De Prickwahl gifft dat an’n tokamen Sünndag.

Mann steiht wegen Duppelmoord vör Gericht

Veern – Vör dat Landgericht Veern hett an’n Vörmiddag de Perzess gegen een 64-jöhrigen Mann anfungen. Se smiet em tweefacken Moord un versökten Moord vör. He schall in’n verleden Dezember in Fischerhuud een 56-jöhrigen Mann un em sien Mudder na johrelangen Striet dootschaten hebben. Een anner Froo harr he in‘n Kopp schaten un se hett swar versehrt överleevt. Wiel so vele Lüüd an den Fall interesseert sünd, verhannelt se in de Stadthall vun Veern.

Bremer Stahlwarker sünd to Streiks to’n Wahrschaun opropen

Bremen – De IG-Metall hett de Arbeiters vun’n ArcelorMittall Stahlwark in Bremen to’n Streik to’n Wahrschaun opropen. Bit to’n Namiddag schüllt se de Arbeit nedderlegen. De Aktschon is Deel vun een gemeensam Stahl-Aktschonsdag, den dat in all Bedrieven vun de nordwestdütsche Iesen- un Stahlindustrie geven schall. An’n Freedag weer ok de drütte Runn to’n Verhanneln in’n Tarifstriet vun de Stahlindustrie ahn Ergevnis to Enn gahn.

Dat Weer

Un nu een Blick op dat Weer: in Bremen un op Wangerooge 13, in Bremerhaven 14 un in Deefholt sünd dat opstunns 17 Graad. Hüüt Vörmiddag treckt jümmer wedder dicke Wulken mit Schuern or Grummelschuern dör un de Sünn kiekt blots mal kort rut. An’n Namiddag treckt de Regen denn sinnig över de Lüneborger Heid un Veern af un de Sünn kiekt mehr un mehr rut – bi 16 bit 19 Graad. Tokamen Nacht ward dat mal mehr, mal minner wulkig, to de Nordsee hen ok duller un dröög. Dat Thermometer sackt op 12 bit 10 Graad op de Eilanden un 8 bit 7 Graad in’t Binnenland. Morrn sünd denn vele Wulken an’n Heben, de Sünn kiekt den Dag över man ok mal rut un dat blifft meist dröög – bi 17 bit 21 Graad. Middeweken mal fründlich, mal wulkig un meist keen Regen. Dat ward een beten warmer bi 19 bit 24 Graad. Dat weern de Narichten op Platt. Anja Guse hett se tohoopstellt. Op platt trechtmaakt un vörleest hett se Heidi Jürgens.