Jetzt läuft:

Joan Baez Wozu Sind Kriege Da
  • Als nächstes läuft:

  • Um 19:51 Uhr läuft: Bon Jovi Bed Of Roses
  • Jetzt läuft:

    Joan Baez Wozu Sind Kriege Da
  • Davor lief:

  • Um> 19:42 Uhr lief: Paul McCartney It's So Easy
  • Um> 19:39 Uhr lief: The Smiths Still Ill
  • Um> 19:35 Uhr lief: Jackie DeShannon What The World Needs Now Is Love
  • Um> 19:31 Uhr lief: The Romantics Talking In Your Sleep
  • Um> 19:26 Uhr lief: Air Supply All Out Of Love
  • Um> 19:23 Uhr lief: The Highwaymen (Ghost) Riders In Ihe Sky
  • Um> 19:17 Uhr lief: Saga No Stranger (Chapter Viii)
  • Um> 19:13 Uhr lief: Ed Sheeran I Don't Care
  • Um> 19:10 Uhr lief: The Bluebells Young At Heart

Grüße und Musik mit Katharina Mild

Plattdeutsche Nachrichten Plattdüütsche Narichten vun'n 10. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 10. Juni 2022

„Övergewinn-Stüer“ in den Bunnsrat +++ Ex-US-Präsident Trump schall för Angreep op dat Kapitol instahn +++ Corona-Infekschoonen in´t Land Bremen gaht wieder hooch +++ Neje Verhandlung in de Haven-Wirtschaft Hamborg +++ Energiespor-Akschoon warrt vörstellt +++ Dat Weer

Bild: Radio Bremen

Informationen zum Audio

„Övergewinn-Stüer“ in den Bunnsrat

Berlin. De Bunnsrat snackt an´n Vörmiddag över en Sonderstüer op – as dat nöömt warrt – Övergewinnen. De Vörslag dorto koomt ut Bremen. Bedrieven, de wegen de Ukraine-Krieg besünners goot verdeent hebbt, schallen mehr Stüern betahlen. Dat Geld, dat de Staat dormit kassert, schall op den Vörslag vun Bremen dorför brukt weern, de Programmen to betahlen, de för de Börgerslüüd sünd, üm weniger uttogeven.

Ex-US-Präsident Trump schall för Angreep op dat Kapitol instahn

Washington. Na den Angreep op dat Kapitol in Washington Anfang 2021 hett en Ünnersökensutschuss to´n eersten Mal vörstellt, wat dorbi rutsuert is. Man dor schall vör allen de fröher US-Präsident Trump de Anböter ween sien. „He hett de Demonstranten ophisst“, see de Utschussvörsitter Thompson. Radikaal Trump-Anhänger sünd na de verloren Wahl in´n Januar 2021 in dat Huus in de US-Hauptstadt rinstörmt.

Corona-Infekschoonen in´t Land Bremen gaht wieder hooch

Bremen. De Gesundheitsamten mellden 760 neje Corona-Infekschoonen. 115 dorvun in Bremerhaben. Vör een Week leeg de Tall noch bi 378. De Söven-Daag-Tall geiht in beide Steden wieder na baven. In Bremen op 391 un in Bremerhaben op 292.

Neje Verhandlung in de Haven-Wirtschaft Hamborg

Hamborg. In den Tarifstriet üm dat Geld för de Havenarbeiders gaht de Gewarkschop Verdi un de Zentralverband vun de düütschen Seehavenbedrieven in ehr drütte Verhannelnsrunn. Güstern harrn Havenarbeiters in den gröttesten düütschen Seehavens, dorünner in Bremen un Bremerhaben, ehr Arbeit daalleegt. Verdi verlangt för de rund twölfdusend Mitarbeiders ünner annern en Hoochsetten vun de Stünnenlohns üm een Euro twintig.

Energiespor-Akschoon warrtr vörstellt

Berlin. Körter afbrusen un klimafründlich Wäsch waschen – de Bunnsregerung will sick dorför insetten, weniger Energie optobruken. Wirtschafts- un Klimaschutzminister Habeck will dorto an´n Middag en neje Akschoon vörstellen. Achtergrund sünd de aktuell Energie-Maleschen, de to anstegen Priesen föhrt hebben. Bavento will sick Düütschland unafhängig vun Gas un Öl ut Russland maken.

Dat Weer

Un nu en Blick op dat Weer: in Demorst 20, an’n Bremer Flegerhaben 19 un in Bremerhaben un in Cuxhaben sünd dat opstunns 18 Graad. Hüüt fangt de Dag mit Sünnschien an. An´n Namiddag un Avend trecken jümmer mehr Wulken op. Vun dat Emsland bit to de Nordseeküst sünd ok en poor Schuer möglich. De Wind weiht en beten bit in Maten vun de süüdwesten Kant. Dat Thermometer wiest 18 bit 23 Graad. In de Nacht trecken mal mehr, mal weniger dichte Wulkenfeller mit den en or annern korten Schuer döör. To´n Morgen hen blifft dat dröög. De Temperaturen liggen bi 13 bit 15 Graad. Morn gift dat en Wessel ut Sünnschien un Wulken. Vör allen in dat Binnenland gift dat hier un dor Regenschuer. An´n Namiddag un Avend lacht jümmer mehr de Sünn vun baven bi Temperaturen vun 19 bit 24 Graad. Sünndag mal en beten Sünn, mal dichte Wulken un enkelte Schuer bi 18 bit 23 Graad.

Dat weern de Narichten op platt. Tohoopstellt hett se Ralph Stölting. Op Platt trechtmaakt un vörleest vun Markus Weise.