Jetzt läuft:

Joe Jackson You Can't Get What You Want (Till You Know What You Want)
  • Als nächstes läuft:

  • Um 21:45 Uhr läuft: Creedence Clearwater Revival Proud Mary
  • Jetzt läuft:

    Joe Jackson You Can't Get What You Want (Till You Know What You Want)
  • Davor lief:

  • Um> 21:35 Uhr lief: Seal Kiss From A Rose
  • Um> 21:31 Uhr lief: Queen We Are The Champions
  • Um> 21:27 Uhr lief: Lukas Graham 7 Years
  • Um> 21:21 Uhr lief: Supertramp Goodbye Stranger
  • Um> 21:16 Uhr lief: Mike Oldfield & Maggie Reilly To France
  • Um> 21:13 Uhr lief: Elvis Presley Long Black Limousine
  • Um> 21:08 Uhr lief: Max Giesinger Roulette
  • Um> 21:04 Uhr lief: Nik Kershaw I Won't Let The Sun Go Down On Me
  • Um> 20:57 Uhr lief: U2 One

Der Abend mit Norbert Kuntze

Plattdeutsche Nachrichten Plattdüütsche Narichten vun'n 9. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 9. Juni 2022

Scholz snackt vun Amokverbreken in Berlin +++ EU-Parlament will Verbrenner verbeden +++ Lufthansa strickt hunnerte vun Flöög wegen to wenig Personal +++ Metronom sett Mitnehmen vun Fohrrööd in Schranken +++ „La Strada“ fangt in Bremen an +++ Dat Weer

Bild: Radio Bremen

Informationen zum Audio

Scholz snackt vun Amokverbreken in Berlin

Berlin: Nadat en Mann, de woll süük an Kopp un Seel is, in Berlin mit sien Auto in en Grupp vun Schölers karjoolt is, hett Bunnskanzler Scholz nu vun en Amokverbreken snackt. De Saak draapt em deep, schreev he op Twitter. De Autofohrer hett de Schölergrupp güstern in de Neegde vun de Berliner Gedächtnis-Kark faatkregen. De Lehrerin is dorbi doodbleben, 14 Minschen sünd na Utkunft vun de Polizei versehrt worrn. 

EU-Parlament will Verbrenner verbeden

Straßborg: Vun 2035 an schall mit Benzin- un Dieselautos Sluss ween. Dat EU-Parlament will denn dat Verköpen vun nee’e Autos mit Verbrennungsmotoren verbeden. De mehrsten vun de Afordneten hebbt in Straßborg daför stimmt, datt de Herstellers denn blots noch Autos un Transporters op’n Markt bringen dröfft, de keen Drievhuusgasen mehr utstött. Dat Parlament mutt nu noch mit de enkelten Staaten doröver verhanneln.

Lufthansa strickt hunnerte vun Flöög wegen to wenig Personal

Frankfort: De Lufthansa un ehr Dochter Eurowings hebbt för den Julimaand hunnerte vun Flöög streken. De Grund dorför sünd to wenig Lüüd in’t egen Huus un bi de Bodden- un Flegerhabendeenstleisters. Dor fehlt Mitarbeiders, de sik in de Pandemie anner Jobs söökt hebbt. Dat geiht üm mehr as 1.000 Linien in Düütschland un Europa.     

Metronom sett Mitnehmen vun Fohrrööd in Schranken

Hannover: Dat Iesenbahnverkehrsünnernehmen Metronom sett dat Mitnehmen vun Fohrrööd op mehrere Strecken in Schranken. Twüschen Hamborg un Uelzen ward överhaupt keen Rööd mehr mitnahmen. Op de Linie twüschen Bremen un Hamborg is dat Mitnehmen vun Fohrrööd nu vun Freedag, Klock dree namiddags bet Sünndag, Klock teihn avends eerstmal utslaten. De Grund dorför is de Tall an Fohrgäst, de dör dat „Negen-Euro-Ticket“ hoochgahn is.

„La Strada“ fangt in Bremen an

Bremen: In de Bremer Binnenstadt fangt an’n Avend dat 28. Internatschonale Festival vun de Stratenkunst „La Strada“ an. Wegen de Corona-Pandemie hett dat in de verleden twee Johr in en lütteren Form stattfunnen. Finanzeert ward de Veranstaltung an de frischen Luft ünner annern vun de Wirtschaftsförderung Bremen mit 65.000 Euro, den Rest betahlt de La Strada-Fördervereen un de Kulturbehöörd mit meist 60.000 Euro. Dat Festival is för Tokiekers ümsünst un geiht bet Sünndag.            

Dat Weer

Un nu en Blick op dat Weer: In Deefholt 15, in Bremerhaben un Emmen 16, in Bremen 17, un in Nordholt sünd dat opstünns 19 Graad. Hüüt geiht dat meisttiets dicht wulkig in den Dag, un de Sünn kummt meist gor nich dör. Twüschen Werser un Elv sünd hier un dor’n poor Drüppen oder swacke Schuers mööglich. An’n Namiddag un Avend sett sik vun’t Werser-Ems-Land her fakener de Sünn dör. Liekers kann dat af un an Schuers oder in’n Süden vun Bremen ok korte Gewidder geven. Meisttiets blifft dat aver dröög bi 17 bet 21 Graad. In de Nacht treckt de letzten Schuers över de Aller un de Lüneborger Heid af, un de Heben klaart op. Blots an de Noordsee köönt sik deepe Wulkenfeller hollen, de aver blots wenige Drüppen bringen ward. Dat Thermometer fallt op 13 bet 8 Graad. Morgen gifft dat meisttiets Sünnschien, aver ok’n poor dichte Wulken. Namiddags un avends is dat mol fründlich, mol wulkig, aver meisttiets dröög bi 19 bet 23 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.