Jetzt läuft:

Supertramp Goodbye Stranger
  • Als nächstes läuft:

  • Um 21:27 Uhr läuft: Lukas Graham 7 Years
  • Jetzt läuft:

    Supertramp Goodbye Stranger
  • Davor lief:

  • Um> 21:16 Uhr lief: Mike Oldfield & Maggie Reilly To France
  • Um> 21:13 Uhr lief: Elvis Presley Long Black Limousine
  • Um> 21:08 Uhr lief: Max Giesinger Roulette
  • Um> 21:04 Uhr lief: Nik Kershaw I Won't Let The Sun Go Down On Me
  • Um> 20:57 Uhr lief: U2 One
  • Um> 20:54 Uhr lief: Mighty Oaks Brother
  • Um> 20:51 Uhr lief: Emerson Lake & Palmer Fanfare For The Common Man
  • Um> 20:47 Uhr lief: Paul Young Come Back And Stay
  • Um> 20:43 Uhr lief: Dionne Warwick Anyone Who Had A Heart

Der Abend mit Norbert Kuntze

Plattdeutsche Nachrichten Plattdüütsche Narichten vun'n 8. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 8. Juni 2022

Merkel verdeffendeert Russland-Politik +++ Laag in de Ukraine ännert sik woll nich +++ Debatt üm Tankrabatt geiht wieter +++ Corona-Fachlüüd gifft Raat vör den Harvst +++ Schippsmakler wahrschaut vör Streiks vun de Habenarbeiters +++ Dat Weer

Bild: Radio Bremen

Informationen zum Audio

Merkel verdeffendeert Russland-Politik

Berlin – De ehemalig Bunneskanzlerin Merkel hett dat Angriepen vun Russland op de Ukraine scharp verurdeelt. Dat wees een brutaler Överfall, de nich op dat Völkerrecht acht gifft un nich to entschülligen is, sä se an’n Abend bi een Veranstalten in’t Berliner Ensemble. Kritik an ehr Russland-Politik hett Merkel trüchwiesen. Se smiet sik nix vör, denn se harr jümmers mit Moskau snacken wullen. Snacken un verhanneln wees ja nich verkehrt, ok wenn dat nich klappt hett. Dat weer dat erste Mal, dat Merkel sik öffentlich wiest hett siet dat Enn vun ehr Amtstied.

Laag in de Ukraine ännert sik woll nich

Kiew – In de Flachs in de Ostukraine, wo dull kämpft ward, sünd russische Trupps noch nich orrig vörankamen. De Laag an de Front harr sik in de verleden 24 Stünnen nich besünners verännert, sä de ukrainsche Präsident Selenskyj an’n Abend per Video. Twee Städte in’n Donbass staat orrig ünner Beschuss, ok dat Rebeet Charkiw ward jümmer wedder vun Russland angrepen. As de Ukraine vermellt, sünd dar tominnst dree Minschen sturven.   

Debatt üm Tankrabatt geiht wieter

Ossenbrügg – De Bund vun de Stüertahler foddert to överpröfen, woans de Tankrabatt ok würklich hölpt. Dat Kartellamt schall gau kuntrolleren, of dat Dahlsenken vun de Stüer op Sprit ok heel un deel bi de Autofohrer ankummt, sä Verbandsbaas Holznagel to de Nee’e Ossenbrügger Zeitung. De Grönen Bunnesdagsafordnete Künast is egens darför, den Tankrabatt wedder aftoschaffen. Jüst sowat seggt ok Lüüd ut de Bremer SPD. Huusholtsfachmann Gottschalk sä to buten un binnen, de Politik wees naiv gewesen, wat de Macht vun de Ölkunzerne angeiht.

Corona-Fachlüüd gifft Raat vör den Harvst

Berlin – De Corona-Fachlüüd vun de Bunnesregeern stellt an’n Namiddag ehr Raatslääg för den Harvst un Winter vör. Darbi geiht dat üm Regeln, wenn de Infektschonstallen in’n Harvst wedder na baben kladdert. Bund un Länner harrn sik in de verleden Week op een nee’e Impfakschoon eenigt. Buterdem wüllt se dat henkregen, dat Scholen un Kinnergaarn nich wedder överall dichtmaken mööt. In de ARD harr sik FDP-Baas Lindner an’n Abend man dargegen stellt, dat in’n Kampf gegen de Pandemie de Lüüd wedder in ehr Freeheit inschränkt ward.

Schippsmakler wahrschaut vör Streiks vun de Habenarbeiters

Hamborg – Na de tweete Tarifrunn för de Habenwertschupp, de keen Erfolg wesen is, vermellt de Gewarkschupp Verdi glieks wat över de nöchsten Schreed. Se rekent darmit, dat Verdi na Aflopen na de Fredensplicht de Habenarbeiters to’n Streik oproopt. De Schippsmakler wahrschaut all vör mööglich Laways. All nu töövt vele Frachtscheep in de Dütsche Bucht darop, dat se in Bremerhaben un Hamborg löscht weern könnt. Streiks köönt de Laag noch leger maken.

Dat Weer

Un nu een Blick op dat Weer: In Cuxhaben 15, in Bremerhaven 17 un in Bremen un Deefholt sünd dat opstunns 18 Graad. Vun Ostfreesland un dat Emsland her treckt dicke Wulken op un an’n Namiddag kann dat denn Regen geven, bi 18 Graad op de Eilanden un 22 Graad in’t Binnenland. Tokamen Nacht fallt meist överall Regen, ok Grummelschuers köönt darbi ween. Later in de Nacht ward dat dröger un de Heben kann oplockern. Dat Thermometer sackt op 14 bit 12 Graad. Morrn gifft dat meist vele Wulken un över den Dag schuert dat jümmer wedder. Op de Eilanden blifft dat woll dröög un dar kann ok de Sünn rutkieken – bi 17 bit 20 Graad. Dat weern de Narichten op Platt. Anja Guse hett se tohoopstellt. Op platt trechtmaakt un vörleest hett se Heidi Jürgens.