Jetzt läuft:

Eagle-Eye Cherry Rising Sun
  • Als nächstes läuft:

  • Um 08:40 Uhr läuft: Phil Collins In The Air Tonight
  • Jetzt läuft:

    Eagle-Eye Cherry Rising Sun
  • Davor lief:

  • Um> 08:30 Uhr lief: Erasure Sometimes
  • Um> 08:26 Uhr lief: The Sweet Love Is Like Oxygen
  • Um> 08:22 Uhr lief: Soulsister The Way To Your Heart
  • Um> 08:19 Uhr lief: Shakira Whenever, Wherever
  • Um> 08:16 Uhr lief: Simon & Garfunkel Keep The Customer Satisfied
  • Um> 08:12 Uhr lief: The Hooters Johnny B
  • Um> 08:08 Uhr lief: Ed Sheeran Shape Of You
  • Um> 08:05 Uhr lief: David Dundas Jeans On
  • Um> 07:56 Uhr lief: Robin Gibb Juliet

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 3. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 3. Juni 2022

Bunnsdag stimmt över Minnstlohn un Extra-Geld för de Bunnswehr af +++ Habeck rekent mit Striet över Folgekosten vun den Ukrainekrie +++ Lauterbach plant nejen Anloop för Inspruch-Lösen bi Orgaan-Spenn +++ Horner Bad warrt open makt +++ Kortarbeit bi Fischmitarbeiters +++ Dat Weer

Bild: Radio Bremen

Informationen zum Audio

Bunnsdag stimmt över Minnstlohn un Extra-Geld för de Bunnswehr af

Berlin. In den Bunnsdag geiht dat vundag dorum twee Gesetze bannig anners to maken. Eerstmal stimmen de Afornten över noch mehr Minnstlohn af. In den Plan vun Arbeitsminister Heil steiht, dat de ünnerste Lohngrenz af Oktober bi twölf Euro per Stünn liggen schall. An´n Namiddag snackt de Bunnsdag denn över dat plante Extra-Geld för de Bunnswehr un dat se dat Gesett dorför ännern mööt. Mit den 100 Milliarden Euro schall vör allen Utrüstung anschafft weern.

Habeck rekent mit Striet över Folgekosten vun den Ukrainekrieg

Berlin. Bunnswirtschaftsminister Habeck rekent in´n Harvst un Winter mit groden Arger in de Sellschop över de Folgekosten vun den russ´sch Krieg gegen de Ukraine. Man de Heizkosten warrt bannig leeg na baven gahn, see de Grönen-Politiker in dat ZDF. De wichtigst Fraag warrt de ween, of dat, wat de Politik för den Freden in de Sellschop makt, ok langt.

Lauterbach plant nejen Anloop för Inspruch-Lösen bi Orgaan-Spenn

Berlin. Gesundheitsminister Lauterbach will en nejen Anloop för en Inspruch-Lösen – as de nöömt warrt – bi de Organspenn. Lauterbach see to de ARD, man hett nu bannig veel versöökt, dat hett aver nich würklich klappt. För Minschen, de en Liefdeel bruken, is dat nich veel beter wurren. De Inspruch-Lösen süht vör, dat jedeen Minsch vun´t Grundsatz her Organ-Spender is. Se is dat nich, wenn de Person kloor un düütlich dorgegen is. 2020 hett dat Vörhebben in´n Bunnsdag nich klappt.

Horner Bad warrt open makt

Bremen. Dat Horner Bad warrt an düsset Wekenenn wedder nee open makt. Dat warrt ok fiert. Na rund twee-eenhalf Johren Botiet könen to´n eersten mal Gasten dor wedder swemmen gahn. De richtige Fier is Vunnammidag. Ünner annern is ok de Sozialsenatorsch vun Bremen Stahmann dorbi. För all Lüüd makt dat Horner Bad denn to´n eersten Mal morgen af Klock elven de Dören op. Mehr as dartig Millionen Euro hett de Neebo kost. Wegen Corona weer de Botiet üm en halv Johr länger utfallen as dat plant weer. Dat ole Horner Bad, en rein Freebad, weer 2018 dicht makt wurren. Dat neje Kombi-Bad mit Hall un Butenanlaag schall ok as Ersatz för dat rünnerkamen Uni-Bad denen.

Kortarbeit bi Fischmitarbeiters

Bremerhaben. De Firma Frozen Fish International, de Fisch verarbeiden doot, koomt wegen stadig Maleschen bi de Fracht vun Fisch in de Bredulje. Rund 400 Mitarbeiders sünd nu in Kortarbeit wesselt, wiel to wenig Fisch dor is. Deepköhlfisch koomt to en groden Deel ut China na Düütschland. Wegen den Covid-Lockdown dor sünd de Hannelswege aver jümmer noch bannig stört. Ok Fisch ut Russland warrt nich noog levert. Hier is de Ukrainekrieg Schuld dor an.

Dat Weer

Un nu en Blick op dat Weer: in Emden un an’n Bremer Flegerhaben 16, in Bremerhaben 15, un in Nienborg sünd dat opstunns 17 Graad. Hüüt lacht den helen Dag de Sünn vun baven. An´n Namiddag komen en poor opstiegen Wulken dorto. Dat blifft dröög un de Wind weiht en beten vun de Oosten- bit Noordoosten Kant. Bi bit to 15 Sünnstünnen stiegen de Temperaturen op 16 bit 22 Graad. In de Nacht is dat kloor. Dat Thermometer wiest söss bit elven Graad. Morn wedder veel Sünnschien mit en poor opstiegen Wulken bi 16 bit 22 Graad. Pingstsünndag: Eerst Sünnschien, denn viellicht Regen un hier un dor Blitz un Donnerslag bi 18 bit 25 Graad. Pingstmondag: Sünn, Wulken un af un to en Schuer bi 19 bit 23 Graad.

Dat weern de Narichten op platt. Tohoopstellt hett se Ulrike Müller. Op Platt trechtmaakt un vörleest vun Markus Weise.