Jetzt läuft:

Simon & Garfunkel Keep The Customer Satisfied
  • Als nächstes läuft:

  • Um 08:18 Uhr läuft: Shakira Whenever, Wherever
  • Jetzt läuft:

    Simon & Garfunkel Keep The Customer Satisfied
  • Davor lief:

  • Um> 08:12 Uhr lief: The Hooters Johnny B
  • Um> 08:08 Uhr lief: Ed Sheeran Shape Of You
  • Um> 08:05 Uhr lief: David Dundas Jeans On
  • Um> 07:56 Uhr lief: Robin Gibb Juliet
  • Um> 07:52 Uhr lief: Counting Crows feat. Vanessa Carlton Big Yellow Taxi
  • Um> 07:50 Uhr lief: Van Morrison Crazy Love
  • Um> 07:46 Uhr lief: Gianna Nannini I Maschi
  • Um> 07:43 Uhr lief: Timbaland feat. One Republic Apologize
  • Um> 07:37 Uhr lief: Cat Stevens Peace Train

Der Sonntagmorgen mit Dirk Böhling

Plattdeutsche Nachrichten Plattdüütsche Narichten vun'n 2. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 2. Juni 2022

Extra-Geldputt för de Bunnswehr steiht +++ Orbán gegen EU-Strafen för Russland +++ HHLA un Eurogate verhannelt eerst mal nich wieder +++ Warft „Fosen Yard“ in Emm bankrott +++ Königin Elizabeth II fiert: 70 Johr op den Throon +++ Dat Weer

Bild: Radio Bremen

Informationen zum Audio

Extra-Geldputt för de Bunnswehr steiht

Berlin: Den Extra-Geldputt för de Bunnswehr kann de Bunnsdag noch düsse Week besluten. De Utschüss för Huusholt un Verteidigung hebbt güstern Avend noch enkelte Punkten afstimmt. Ja seggt hebbt de Ampelkoalitschoon un de Union. In den Extra-Geldputt sünd 100 Milliarden Euro binnen. In de tokamen Johren wüllt se dormit de Bunnswehr ut- un oprüsten. För den Extra-Geldputt schrievt se dat Grundgesetz um, un so gellt hier nich de Schuldenbrems.

Orbán gegen EU-Strafen för Russland

Brüssel: Dat ne’e EU-Strafen-Paket för Russland kann eerst mal nich in Gang kamen. Ungarns Präsident Orbán hett noch mal wedder Nee dorto seggt. De Regerung in Budapest verlangt: De russsche Patriarch Kirill schall vun de Straaf-List streken warrn. De Böverste vun de russisch-orthodoxe Kark steiht an de Siet vun den russschen Präsident Putin, un steilt em den Rügg, wenn dat um den Krieg gegen de Ukraine geiht. En Reeg EU-Staaten wüllt den Patriarch dorum op de Straaf-List setten.

HHLA un Eurogate verhannelt eerst mal nich wieder

Bremerhaven: Dat lett: De Bedrievers vun de Container-Anlagen in Bremen un Hamborg verhannelt eerst mal nich mehr doröver, wat se tohoopgahn köönt oder nich. Na buten un binnen hangt dat tohoop mit dat Dör’nanner, dat de Ukraine-Krieg bi Transport-Unnernehmen överall op de Welt utlööst hett. Wo nu Container-Terminals dicht sünd un dat An- un Utlevern vun Woren nich afstimmt is, wüllt se nu eerst mal kieken, woneem se staht. Dat hebbt de Hamborger HHLA un de Bremer Eurogate bekannt maakt.

Warft „Fosen Yard“ in Emm bankrott

Emm: „Fosen Yard“, de Nafolger vun de Nordseewerke ut Emm, is bankrott. En Mann vun dat Amtsgericht Auerk hett seggt: Ja, güstern is de Insolvenz-Andrag ankamen. Toletzt harrn op de Warft 100 Lüüd arbeit. Vundaag steiht en Bedrievsversammlung an, tohoop mit den Insolvenz-Verwalter.

Königin Elizabeth II fiert: 70 Johr op den Throon

London: Dat is düt Johr 70 Johr her, dat Elizabeth II Königin worrn is. De Briten jubileert veer Daag lang mit en Reeg Fiern un Spektakel. Los geiht dat mit den Opmarsch „Trooping the Colour“. Dat löppt normal Anfang Juni, wenn se de Königin ehren Gebuurtsdag nafiert. Dat Gröttste is denn, wenn sik de Königs-Familie op den Balkon vun den Buckingham-Palast wiest.

Dat Weer

Un woans süht dat mit dat Weer umto ut? Opstunns hebbt wi in Bremen, Bremerhaven un Rotenborg 13 Graad, in Cuxhaven sünd dat 14 Graad. Vundaag: Eerst noch en poor Wulken. Gegen Middag kriggt de Sünn aver pö a pö de Bavenhand, eerst an de Küst, denn aver ok in’t Binnenland. Dat Thermometer krabbelt op 15 bet 20 Graad. De Wind dorto weiht flau vun de westen Kant, an de See ok mehr un mit deegte Böen. Tokamen Nacht kriegt wi de Steerns to sehn, mag ween ok mit en poor Wulken an’n Heven. Dat blifft dröög bi 7 bet 5 Graad, an de See 11 bet 8. Morgen: Hell, kloor un dröög. Mit veel Sunnschien un blots en poor opstiegen Wulken. Bi 19 bet 23 Graad, wo de Seewind blaast, nich mehr as 17 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Johanna Kroke.