Jetzt läuft:

Robin Gibb Juliet
  • Jetzt läuft:

    Robin Gibb Juliet
  • Davor lief:

  • Um> 07:52 Uhr lief: Counting Crows feat. Vanessa Carlton Big Yellow Taxi
  • Um> 07:50 Uhr lief: Van Morrison Crazy Love
  • Um> 07:46 Uhr lief: Gianna Nannini I Maschi
  • Um> 07:43 Uhr lief: Timbaland feat. One Republic Apologize
  • Um> 07:37 Uhr lief: Cat Stevens Peace Train
  • Um> 07:34 Uhr lief: Men Without Hats The Safety Dance
  • Um> 07:30 Uhr lief: Foreigner Cold As Ice
  • Um> 07:26 Uhr lief: Lisa Stansfield All Around The World
  • Um> 07:22 Uhr lief: Jupiter Jones Still

Der Sonntag

Plattdeutsche Nachrichten Plattdüütsche Narichten vun'n 1. Juni 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 1. Juni 2022

Tankafslag un 9-Euro-Fohrkoort gellt +++ Bunnskanzler: Mit vulle Kraft gegen högere Priesen +++ USA wüllt mehr Wapen an de Ukraine levern +++ Vonovia: Mehr Geld för't Wahnen +++ Warft-Quarteer in Bremerhaven is en Stück wieder +++ Dat Weer

Bild: Radio Bremen

Informationen zum Audio

Tankafslag un 9-Euro-Fohrkoort gellt

Bremen: Vun hüüt op an gellt de 9-Euro-Fohrkoort. Överall in Düütschland köönt de Lüüd een Maand lang mit Bus un Bahn dichtbi un in den Regionalverkehr fohren. Un ok de Tankafslag gellt. Dorför gaht de Stüern op Benzin un Diesel daal. An vele Tanksteden köst dat Tanken al kloor weniger.

Bunnskanzler: Mit vulle Kraft gegen högere Priesen

Berlin: Bunnskanzler Scholz hett Arbeitgevers un Gewarkschapen inlaadt, dat se mit em tohoop doröver snackt, wat een gegen de Inflatschoon doon kann. „De Laag is afsünnerlich, dorüm mööt wi all uns Knööv insetten“, sä de SPD-Mann in de Generaaldebatt vun den Bunnsdag. Vörher harr Scholz seggt: Wenn Arbeitgevers eenmal Geld utbetahlt, denn weer dat en gode Idee, dat de Arbeitnehmers nich so dull ünner de högeren Priesen lieden mööt. So’n Tarif-Regelungen harr dat annerletzt in de Chemie-Industrie geven.

USA wüllt mehr Wapen an de Ukraine levern

Washington: De USA warrt an de Ukraine mehr ne’e Wapen levern. Dor sünd bi: Radaranlagen, Wapen för de Panzerafwehr un Helikopters. Ok Geschütze, de en Reeg Raketen op mal afscheten köönt, sünd dor mit bi. US-Präsident Biden hett in de Nee York Times seggt: De Ukraine kunn so akkrater op de scheten, de jüm angriepen doot.

Vonovia: Mehr Geld för't Wahnen

Berlin: Vele Lüüd in Mietwahnungen mööt sik dor op instellen, dat dat en Barg dürer warrt. Vonovia, dat gröttste Wahnungsunnernehmen in Düütschland, hett seggt: Wo de Inflatschoon so hooch is, geiht dat gor nich anners. Vonovia-Baas Buch vertell dat Hannelsblatt: Wenn de Inflatschoon för en lange Tiet bi veer Perzent liggt, mutt ok dat Mietgeld na baven gahn.

Warft-Quarteer in Bremerhaven is en Stück wieder

Bremerhaven: Wat se as Warft-Quarteer in den Fischereehaven plaant, is en Stück wiederkamen: De Bremer Senaat hett seggt: Ja, in dat Quarteer, wo Lüüd wahnen un sik verhalen schüllt, wüllt se „Hallengoorns“ inboen. Op dat Gröönland wüllt se Stahl-Gerüsten vun ole Hallen setten, un dor schüllt sik Planten an hoochranken. Dat se dat planen köönt, dorför will de Senaat 435.000 Euro ut en EU-Putt freegeven. Dat Warft-Quarteer wüllt se in de tokamen Johren opboen. Dat warrt een vun de gröttsten Bosteden in Bremerhaven.

Dat Weer

Un woans süht dat mit dat Weer umto ut? Opstunns hebbt wi in Bremerhaven 11 Graad, in Bremen sünd dat 12, in Möppen 13 un in Delmost 15 Graad. Vundaag: Eerst mal so, mal so, mit den een oder anner Schuer, mag ween ok mit Blitz un Dunnerslag. Dat blifft ok över Dag so: Op massige opstiegen Wulken un Regen kummt en Spier Sunnschien. Dat Thermometer krabbelt op 15 bet 17 Graad. De Wind dorto weiht flau oder en beten mehr vun de westen Kant, an de See mehr ut Noordwest. Tokamen Nacht: De letzten Schuer treckt af, un vun Westen her kloort de Heven op, hier un dor ok noch mit en poor lütte Wulken. Dat Ganze bi 7 bet 5 Graad, an de See 10 bet 8. Morgen: Sunnschien satt. Över Dag wiest sik ok mal lütte, mag ween ok dickere Wulken. Dat blifft aver dröög. Gegen Avend lööst sik de meisten Wulken wedder op. Bi 16 bet 20 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.